बर्याचं दिवसांपासुन व्हॉट्स अॅप गृप वरती किमान ३००० वेळा कट्टा करायच्या गोष्टी चाललेल्या होत्या. गेले २-३ आठवडे हो-ना-हो-ना करता करता शेवटी काल मोदक, मी, कपिलमुनी आणि अनाहितांचा लाडोबा असे चार जणांचा कट्टा ठरला. त्याचा एक वृत्तांत लिहायचा एक माफक प्रयत्न. कट्ट्याचं आयोजनं करतानाचं माझ्याकडुन एक मोठी चुक झाली ती म्हणजे वल्लींना फोन करायचा राहुन गेला :( (वल्ली मनापासुन सॉरी!! ). अन्या दातार कोल्हापुरला गेल्यानी आणि गुर्जीं फुलराणीच्या शोधात मार्केट यार्डामधे असल्यानी येउ शकले नाहीत. ;)
एक लाडोबा सोडला तर आम्ही तिघही पिंपरी-चिंचवडबद्दल अगदी पुर्ण परिचयाचे असल्याने कुठे भेटायचं हे आधीचं ठरलेलं होतं. काल दुपारी लाडोबाला फोन केला तेव्हा, "मी ना अग्गदी ३.३० ला वेळेत निघतो म्हणजे दोन अडिच तासात चिंचवड ला पोहचेन" असं म्हणाला. प्रत्यक्षात फक्त एक तासाचा उशिर करुन श्री. लाडोबा सर ठाण्याहुन निघाले. चिंचवडला उतरणार होता त्याऐवजी कपिलमुनिंनी त्याला तळेगावलाचं उतरवलं आणि गाडीत घालुन प्राधिकरणामधे आणलं. (लाडोबानी तळेगावला उतरावं म्हणुन अणाहिता चिंचवडला काळे झेंडे वगैरे घेउन उभ्या आहेत असा त्याचा समज करुन देण्यात आला असं आमच्या वि-श्वसनिय आणि गोप-निय सुत्रांकडुन समजलेलं आहे. ;) )
त्यांना थोडी वाट पहायला लावुन मी सुद्धा एक दहा-पंधरा मिनिटात तिथे भेटायला पोचलो. ह्या आधी कधीही एकमेकांना भेटलेलो नसुनही अगदी एका फटक्यामधे एकमेकांना ओळखलं. आयडीच्या नावावरुन किती फसायला होउ शकतं ह्याचा अनुभव काल परत घेतला. कपिलमुनी एखादे ४०-४५ वर्षांचे सद्गृहस्थ असतील अशी समजुत होती, हा तर चक्क समवयीन निघाला. टवाळ कार्टा इथे एवढी मस्ती करतो तर प्रत्यक्षात कसा असेल असं एक चित्र मनाशी रंगवलेलं होतं. हा प्राणी भलताचं शांत निघाला की. हाय-हेलो करुन गाड्या-बिड्या पार्क करुन समोरचं असणार्या चि.सौ.कां. गीता पावभाजी सेंटरमधे जरा श्रमपरिहारासाठी गेलो. एकमेकांशी ओळख वगैरे करुन घेतली आणि मोदकाला फोन केला. मोदक जरा कामामधे असल्याने थोडा उशिरा येणार होता. इकडे कपिलमुनि, लाडोबा आणि माझं गाड्या, मिपा आणि मिपाकर ह्यांच्यावर गप्पा रंगल्या. तीन जणांनी कॉफी, चहा आणि लेमन सोडा असा त्रिरंगी मेनु संपवला त्यानंतर बराचं वेळ वेटरचा अंत बघुन मग टेबल रिकामं केलं. दरम्यानच्या गप्पांमधे टकाला अचानक xxxताई आणि xx ताई आल्या असं एकदम सांगीतल्यावर तो जो काय दचकलाय उस्का जवाब नै बॉस!! ;) मोदक आणि आम्ही सगळे वाल्हेकरवाडीमधल्या रानमळा मधे भेटायचं ठरवलं होतं तिकडे कुच केलं.
रानमळामधे जाउन स्टार्टर्स जेमतेम संपेपर्यंत बुलेटवाले मोदकबाबा बुलेटसंप्रदायी अवतारामधे प्रकट झाले आणि मग खर्या अर्थानी गप्पांचा कट्टा रंगायला सुरुवात झाली. गाड्या, ट्रेक्स, भ्रमंती, मिपावरचे आयडी आणि त्यांच्या सवयी, लेखं आणि अनुभव वगैरे वगैरेंचे विषय सटासट बदलले जात होते. कालच्या गप्पांमधुन "केल्याने देशाटन" ह्या म्हणीची प्रचिती आली. जरा वेळानी झणझणीत गावरान चिकनची थाळी वगैरे मागवली. चविष्ट चिकनबरोबर गप्पांची चव द्विगुणीत झाली. (लाडोबानी थोडसं हाश-हुश करत का होईना पण खाल्लं ;) ). वयोगट आणि जवळपास समविचारी असल्यानी सगळे जण पहिल्यांदाच भेटत असुनही अगदी मोकळेपणानी गप्पा मारत होते. मोदक आणि कपिलमुनी ही दोघं लोकं सतत कुठेना कुठेतरी ट्रिपला जात असतात (शेप्रेट) अशी माहिती मिळुन बरीचं जळजळं झाली. गप्पा मारत असतानाचं बुवांचा कर्वेनगरहुन फोन आला, त्यांच्याशी जरा फोनवर गप्पा मारल्या. प्रत्यक्ष नाही तरी बुवांनी सुक्ष्मदेहानी हजेरी लावली असं म्हणायला हरकत नाही. गप्पा हाणत असताना टकाला एकदम आपल्याला पुण्यात नातेवाईकांच्या घरी जायचं आहे ह्याची आठवण झाली. त्याला पुण्यात धनकवडीला सोडायची जबाबदारी मी घेतलेली होती. आणि टक्या पत्ता चुकुन चुकल्यानी ती जागा धनकवडी नसुन फुरसुंगी आहे असं बर्याचं उशीरा लक्षात आलं. ए बाबा, हवं तर तुला ठाण्याला सोडतो पण फुरसुंगीला वगैरे सोडणार नै ज्जा अशी धमकी दिल्यावर टक्या पार रडवेला झालेला. (अनाहितांच्या ताब्यात देतो अशी धमकी देणार होतो पण उगीचं रडला बिडला अस्ता तर काय घ्या म्हणुन मोह आवरला. ) ;) ;) ;)
शेवटी त्यानी धनाजी वाकडे उर्फ स.गा. ला फोन केला आणि त्याची उतरायची सोय केली. (टक्याला आधी सगा नी येउ नको असं सांगीतलयं असं सांगुन आम्ही बराचं त्रास दिला. फायनली सगा कडे सोय झालीये हे कळल्यावर मात्र मग जरा थंडावला.) यथेच्चं जेउन प्रत्येकी तीन-तीन भले मोठे ग्लास सोलकढी ढोसली आणि हातपाय पसरुन परत गप्पा सुरु झाल्या. आठ साडेआठला ज्या गप्पा मारायला सुरुवात केलेली ते रात्री जवळ जवळ सव्वा अकरा साडे अकरा पर्यंत गप्पा कश्या रंगल्या हे समजलं सुद्धा नाही. शेवटी अगदी हाटेलमालकानी हाकलायला नको म्हणुन नाईलाजानी बाहेर पडलो. परत पार्किंगमधे बुलेट बद्दल दहा-पंधरा मिनिटं गप्पा रंगल्या. पुढे एकत्र प्रवासाचे थोडे फार बेत आखुन परत भेटायचे प्लान करुन कट्ट्याची सांगता झाली.
टक्याचं पुढे काय झालं? सगानी टक्याला घरात घेतलं का? हे वाचण्यासाठी आज वल्ली, बुवा, सगा आणि टक्याचा आत्ता पुण्यात कट्टा चालु आहे त्याचा वृत्तांत वाचावा लागेल. स्टे ट्युन्ड!!
असो. मिपामुळे असे विविध क्षेत्रामधले, समविचारी मित्र मिळाले ह्याचा आनंद वाटतो. मिपाकरांच्या भेटीचे असे प्रसंग वारंवार येवोत हिच एक इच्छा व्यक्त करुन धागा संपवतो.
प्रतिक्रिया
5 May 2015 - 5:52 am | कॅप्टन जॅक स्पॅरो
सोलकढी खरचं जब्राट होती. मला इकडच्या कुठल्याचं हाटेलात अशी चांगली सोलकढी मिळाली नव्हती. हाण तेजायला, पहाटे पहाटे भुक लागली आठवणीनी.
5 May 2015 - 2:25 pm | टवाळ कार्टा
येस्स...यईच बोल्ता मय भी...पिंचिं महाकट्टा करूच...विथ अणाहिता
5 May 2015 - 3:11 pm | पैसा
नक्की करू. तेव्हा तुमची सगळ्यांची राहिलेली फुलं, पूस्प्गूच, क्याडबर्या, लाठ्याकाठ्या काय काय ते घेऊन या सगळ्यांनी!
5 May 2015 - 3:21 pm | टवाळ कार्टा
ख्याक...चायला मी तर कट्टा खाण्यासाठीचा म्हणत होतो....तुमचा विचार वेगळाच दिसतोय...उग्गीच नै म्हणत की जगातली सगळी युध्धे बै मुळे झालीत =))
5 May 2015 - 3:26 pm | पैसा
ते संचलनासाठी रे! तुला काय वाटलं?
5 May 2015 - 3:42 pm | टवाळ कार्टा
खिक्क...बोलण्यांतं वस्तांदं हों तुम्हीं
4 May 2015 - 1:03 pm | पिलीयन रायडर
आधी माहिती असतं तर टकाला दचकवायला सदेह आले असते.. पडीकच होते रे मी.. निव्वळ साडे सात मिनिटावर...!
शिवाय मोदकलाही दोन गुद्दे घालायचे होते (सराफा काय...).. आणखीन त्याची बुलेटही पाहिली असती..
असो.. फोटो नाहीत म्हणजे कट्ट्टा झालाच नाही असं म्हणायला वाव आहे..
4 May 2015 - 8:05 pm | कॅप्टन जॅक स्पॅरो
तुम्ही पिंचिंकर आहात हे माहित नव्हतं. पुढच्या कट्ट्याला सदेह (छुपं) आमंत्रण दिलं जैल :)
5 May 2015 - 2:27 pm | टवाळ कार्टा
सदेह (छुपं)???
5 May 2015 - 7:54 pm | कॅप्टन जॅक स्पॅरो
त्यांना सदेह तुझ्यापासुन छुपं म्हणजे तु पण कट्ट्यास येशील.
5 May 2015 - 2:26 pm | टवाळ कार्टा
मला दचकवायला येणार म्हणजे मेकप करून की मेकप न करता??? =))
"पडीकच होते रे मी" हे लिहिले नस्ते तरी काही फरक नस्ता पडला =))
5 May 2015 - 3:04 pm | पिलीयन रायडर
तू तर म्हणे नुस्ता नावानीच दचकतोस अनाहितांच्या.. मग मेकप असो वा नसो.. की फरक पैंदा है!
बाकी जगाची चिंता वहायला इतके लोक आजुबाजुला आहेत की पडीक रहाण्याशिवाय दुसरं काम नाही..
5 May 2015 - 2:49 pm | बॅटमॅन
पेंदा???? पेंदा नाही पैंदा. पेंदा म्हणजे तो कृष्णाचा तथाकथित साथीदार (च्यायला त्या भागवतातसुद्धा उल्लेख नसेल कुठे त्याच्या नावाचा, कुठून पैदा केलाय कोण जाणे.).
5 May 2015 - 3:04 pm | पिलीयन रायडर
भा.पो ना...?
मग चिवडत बसु नका..
संपादन दिलंय मालकांनी ते अशाच सोनेरी क्षणांसाठी...!
5 May 2015 - 3:17 pm | टवाळ कार्टा
कित्ती...कित्ती...ते उतू जातयं =))
5 May 2015 - 3:17 pm | टवाळ कार्टा
यावर कैतरी ठिणगी पडणार असे वाटलेच होते ;)
पिंचीं महाकट्ट्याला ये...महाभारत घडवू ;)
5 May 2015 - 3:17 pm | टवाळ कार्टा
वाट बघत बसा अनाहितांमुळे मी दचकायची :P
5 May 2015 - 5:13 pm | पिलीयन रायडर
वाट काय बघायची.. चिमणरावच साक्षात वर वृतांतात तसं म्हणत आहेत!
5 May 2015 - 7:55 pm | कॅप्टन जॅक स्पॅरो
थर थर कापत होता अगदी. शेवटी बांधुन ठेवायला लागला.
5 May 2015 - 7:54 pm | कॅप्टन जॅक स्पॅरो
तु पेटलास तरी चालेल धागा पेटवु नकोस/
4 May 2015 - 2:27 pm | सूड
फोटो नाय म्हणजे कट्टा नाय, विषय संपला!!
4 May 2015 - 8:06 pm | कॅप्टन जॅक स्पॅरो
नावाप्रमाणे वागलचं पाहिजे का रे? :P
4 May 2015 - 8:31 pm | सूड
मी काय केलं आता? =))))
5 May 2015 - 2:27 pm | टवाळ कार्टा
संध्याकाळपर्यंत येतो सांगून नै आलास
5 May 2015 - 2:41 pm | सूड
दुपारी धन्याशी झालेल्या तुटक बोलण्यातून आपणास आम्हाला भेटण्यात शष्प इंटरेस्ट नाही असा समज झाल्याने लवकर निघण्याचे कष्ट घेतले नाही. बाकी बोलणे आपण धन्याच्या 'कसंकाय'वर वाचू शकता!!
5 May 2015 - 3:17 pm | टवाळ कार्टा
समजच झाला ना...बोलून कंफर्म करायचे होतेस आधी
5 May 2015 - 3:50 pm | सूड
बरं आता धाग्यावरच विषय काढलायेस तर हे घे. =))))
मी टू धन्या: अरे ते टक्याचं कसं का......
धन्या: नै नै, तू येईपर्यंत तो गेलेला असेल.....(फोन डिस्कनेक्ट)
यावर आणखी बोलायचंच असेल तर मालकांनी व्यनि नामक सुविधा केलेली आहे. झालंच तर व्हाट्स अॅप नामक एक अॅप असतं त्यावर चर्चा करता येऊ शकते... ;)
ह घे हो!!
5 May 2015 - 7:56 pm | कॅप्टन जॅक स्पॅरो
मालक आपण व्हॉट्स अॅप गृपमधे का नाही म्हणे?
5 May 2015 - 8:17 pm | सूड
मिपाकरांच्या चार (की पाच) व्हॉट्स अॅप ग्रुपमध्ये मी आहे, त्यातला मी नसलेला आणि तुम्ही म्हणत असलेला ग्रूप कोणता?
5 May 2015 - 8:57 pm | कॅप्टन जॅक स्पॅरो
व्यनि करतो.
5 May 2015 - 11:24 am | मुक्त विहारि
आवडला...
5 May 2015 - 2:27 pm | टवाळ कार्टा
आप्ला ठाणे कट्टा कधीये?
5 May 2015 - 11:48 am | टवाळ कार्टा
या चोच्या चिमण्याने पसरवलेल्या काही अफवा
मी ठरल्याप्रमाणे डॉट्ट ६ ला कपिलमुनींना भेटलो
आल्या असत्या तर त्यांना मस्त चकल्या* मिळाल्या असत्या...चान्स मिसला त्यांनी
*चकल्या मावशीसाठी आणलेल्या...नंतर सगाने रहायची सोय केल्याने सगळ्या चकल्यांची इश्टेट त्याच्या नावावर करण्यात आली :)
हमारी बात ही कुच ऐसी है :)
ए मी शांतच आहे रे :)
ए चायला मी घंटा कोणत्या अणाहितेला भीत नै...तु पण "निरर्थक आत्मरंजन" करायला लागलास आता =))
या बाबांनी तोंडाला जे गुंडाळलेले ते तस्सेच मला हवे आहे...कुठे मिळेल ते???
माझ्यासाठी थोडे तिखट होते पण नंतर जमले...रस्सा भन्नाट मस्त होता
ए "हल्क"ट...कै रडवेला वगैरे नव्हतो झालो...सोय नस्ती झाली तर परत ठाण्याला आलो अस्तो...बाकी सगाने मस्त सोय केली...त्याच्या घरची लॅबररी मस्त आहे
दुसरा कट्टा आणखी अॅक्शनपॅक्ड होता परंतू त्यात जे काही झाले ते इथे लिहिले तर कदाचीत शापवाणी उच्चारली जाईल :)
6 May 2015 - 6:13 am | कॅप्टन जॅक स्पॅरो
मी एकटाचं हल्क-ट का रे?
बालाक्लावा म्हणतात त्याला.
एज ऑफ अल्ट्रॉन हरयाणवी हिंदीमधे पाहणं अॅक्शनपॅक्ड सदरामधे मोडत असेल तर अवघड आहे तुझं. ;) (जळजळ, इनो, आळस, ई.ई. लपवायचा केविलवाणा प्रयत्न)
6 May 2015 - 12:04 pm | टवाळ कार्टा
त्या चकल्या मावशीकडे द्यायला आणलेल्या
नै रे...मोदक कडे फडक्यासारखे/मोठ्ठ्या रुमालासारखे होते कैतरी
हा भाग म्हणजे डोक्याला त्रास होता...अधीक माहितीसाठी याचा अभ्यास कर ;)
6 May 2015 - 5:06 pm | मोदक
"बालाक्लावा" च आहे.
5 May 2015 - 3:37 pm | कपिलमुनी
१०० झाल्याबद्दल टका यांना धनकवडी ते फुरसुंगी नकाशा आणि कॅप्टनला एक बोर्नव्हिटा व पुस्पगुच्च देउन सत्कार करण्यात येत आहे.
5 May 2015 - 7:57 pm | कॅप्टन जॅक स्पॅरो
मी चुकुन कुरसुंदी वाचलं आणि दचकलो. तुला पण कट्ट्याला आल्याबद्दल एक कॅमशाफ्ट साभार :P
5 May 2015 - 4:58 pm | पॉइंट ब्लँक
भारी वर्णन लिहिलं आहे. वर फोटूवरून बराच दंगा झालाय पण खर सांगायचं तर वर्णनानं ती उणीव भरून काढली आहे.
5 May 2015 - 6:46 pm | प्रसाद गोडबोले
वा मस्तच वृत्तान्त !!
फोटो आवडले !!
5 May 2015 - 7:57 pm | कॅप्टन जॅक स्पॅरो
नेत्रदान कर रे. अशी दिव्यदृष्टी परत होणे नाही. ;)
3 Apr 2017 - 5:23 pm | पुंबा
दगड लागता रक्त भळभळे इतके ठाऊक,
माणूस म्हणजे काय, हे नव्हते कळले.
- आरती प्रभू
3 Apr 2017 - 5:26 pm | पुंबा
स्वारी.. गल्ली चुकलो.. :))