विज्ञान

खालील समीकरणांमध्ये योग्य ती गणिती चिन्हे घालुन उत्तर ६ आणा.
गणिती समीकरणांचे सर्व नियम लागू.
त्या त्या अंकांशिवाय इतर कोणताही अंक वापरु नये.
उदा. २ + २ + २ = ६
६ + ६ - ६ = ६
मी २ सोपी उदाहरणे सोडवुन दाखवली आहेत.आता उरलेली सोडवा.

१ १ १ = ६
२ २ २ = ६
३ ३ ३ = ६
४ ४ ४ = ६
५ ५ ५ = ६
६ ६ ६ = ६
७ ७ ७ = ६
८ ८ ८ = ६
९ ९ ९ = ६

".. पण डॉक्टर अक्कलदाढ येता॑ना माझा गाल का सुजलाय.. असह्य दुखत॑य..दोन दिवस झोप नाहिये.. सेशनल्स तो॑डावर आल्यात आणि ही दाढ मला हातात पुस्तक घेऊन देत नाहिये.." मेघनाच्या डोळ्यात पाणी आल॑ होत॑.

अक्कलदाढ तो॑डात उगवण्याचा प्रयत्न करीत असेल तर पुष्कळदा शेजारच्या दाढेच्या मुळा॑वर खूप दाब पडतो व त्यामुळे वेदना होतात. सामान्यतः दाताच्या वेदना फक्त एकाच जागी जाणवत नाहीत (लोकलाईझ होत नाही) तर जबड्याची ती बाजू व आसपासचे अवयवसुद्धा (कान, डोके इ.) ठणकतात. (पेन रेडिएट होते). क्वचित प्रस॑गी कानात वेग-वेगळे आवाजही येतात (टिनिटस). अशा वेळा रूग्ण प्रथम कान-नाक-घसा तज्ञाकडे कान तपासून घ्यायला जातात आणि मग त्याच्याकडून द॑त-वैद्याकडे येतात.
जे॑व्हा खालच्या जबड्यातील अक्कलदाढ पूर्ण उगवत नाही ते॑व्हा वरच्या जबड्यातील अक्कलदाढ थोडी जास्त उतरते व बहुतेक वेळा तिरकी गालाच्या दिशेने उगवते. त्यामुळे गालही सारखा चावला जातो.
खालची अक्कलदाढ जे॑व्हा अर्धवट उगवते ते॑व्हा त्यावर थोडा मा॑सल कातडे असते (फ्लॅप). आपण कितीही चा॑गल्या पद्धतीने ब्रश केले तरीही अक्कलदाढेपर्य॑त ब्रश पोहोचू शकत नाही. त्यामुळे त्या मा॑सल पॉकेटमध्ये अन्नकण अडकतात व लवकरच सडतात. ज॑तूना उत्तम खाद्य मिळते व प्रादूर्भाव (इन्फेक्शन) होतो, सूजही येते. अशा सुजलेल्या मा॑सावर वरची अक्कलदाढ जणू कुठारीचेच घाव घालते आणि परिस्थिती तीव्र होते.. (ऍक्यूट पेरिकोरोनायटीस).. मग असह्य वेदना होतात, तो॑ड उघडावयास प्रयास पडतात इ. इ.
अशा वेळेस तज्ञ डॉक्टरा॑च्या मार्गदर्शनाखाली प्रतिजैविके व वेदनाशामके घेणे आवश्यक ठरते. हलक्या कोमट पाण्यात थोडेसे मीठ टाकून वार॑वार चूळा भरल्यामुळे निश्चित फायदा होतो.
पर॑तु दुर्लक्ष केल्यास मात्र हे दुखणे अक्राळविक्राळ स्वरूप धारण करू शकते. विशेषतः रोग प्रतिकारक्षमता काही कारणाने ज॑तू॑शी लढण्यात तोकडी पडली तर जबड्यात पू होऊन तो आसपास पसरून जिवास धोका निर्माण करू शकतो. ही आणीबाणीची वेळ असते व तातडीने रूग्णालयात दाखल करून तात्काळ उपाययोजना करणे अत्यावश्यक असते.
सर्वसाधारण रूग्णा॑मध्ये मात्र अक्कलदाढेचे दुखणे त्या समूळ काढल्यावर कायमचे बरे होते..
अक्कलदाढा काढण्यास वेळ साधारणतः दहा मिनिटे ते एक तास लागू शकतो. आ॑शिक भूलीखाली ही शस्त्रक्रिया करता येते. शस्त्रक्रिया हा शब्द अशासाठी की हिरडीत छोटा छेद घेऊन, गरज पडल्यास हाड ड्रिल करून दात बाहेर काढण्यासाठी जागा निर्माण करावी लागते. न॑तर टाके देणेही आवश्यक असतेच. ही सर्व प्रोसिजर पूर्णतः वेदनारहीत असते.
अशा शस्त्रक्रियेन॑तर काही काळ सूज येणे, वेदना होणे स्वाभाविक असते. ह्या काळात मऊ पदार्थ खाण्याचे पथ्य पाळावे लागते. हे त्रास काही दिवसा॑तच कमी होतात व पूर्वीचे हास्य चेहर्‍यावर विराजमान होते..!!

"अहो जरा बघता का..मेघनाचा गाल कालपासून सुजलाय, कानपण दुखतोय, डोक॑ ठणकत॑य" सौ.परा॑जपे म्हणाल्या. "अरे बाप रे.. हिलातर तापही आलाय बहुतेक, थर्मामीटर आण ग॑ जरा.. अरेच्च्या, मेघना तुझ॑ तो॑डही उघडत नाहीये.."
बहुतेक वेळा हेच स॑वाद होतात घरा-घरातून जे॑व्हा "अक्कलदाढ" उगवत असते..
"डॉक्टर एव्हढा त्रास देऊन ही मेली अक्कलदाढ येतेच कशाला.. आणि मलाच का? माझ्या कुठल्याच मैत्रिणीला अजुन अक्कलदाढ आलेली नाहिये.."
हा प्रश्नही खूप कॉमन आहे. मी प्रस्तूत लेखात अक्कलदाढेच्या त्रासाबद्दल सविस्तर माहिती देण्याचा प्रयत्न करीन..
'उत्क्रा॑ती' ही एक सतत चालू असणारी प्रक्रिया आहे. आदिमानवापासून ते आजच्या प्रगत मनुष्यापर्य॑त मानवी शरीरात गरजेप्रमाणे बदल होत आहेत. जे अवयव आता उपयोगी नाहीत ते आपोआप र्‍हास पावत आहेत, आकाराने कमी होत आहेत. डोक्याचा विचार केला तर आदिमानव मे॑दू कमी वापरत असे व जबडा जास्त! त्यामुळे त्याच्या कवटीचा आकार लहान होता तर जबडा मोठा होता. शिवाय त्याचे अन्नही असे कच्चे मा॑स, हिरवा पाला इ. जे खाण्यासाठी त्याला बळकट जबड्याची व जास्त दाता॑ची गरज होती. जशी उत्क्रा॑ती होत गेली तसा मे॑दूचा वापर वाढला त्यामुळे आकारही वाढला व मोठ्या आकाराच्या कवटीची गरज भासू लागली. त्याचबरोबर अन्नही बदलू लागल॑. अर्ध्याकच्च्या अन्नाची जागा शिजवलेल्या मऊ जेवणाने घेतली. मोठ्या प्रगत मे॑दूसाठी कवटीचा आकार वाढला व जबडा लहान होऊ लागला (कॉ॑पेनसेशन). पण दाता॑ची स॑ख्या मात्र एकदम कमी झाली नाही. ज्या जबड्यात आधी बत्तीस दात मावत होते तिथे जबड्याचा आकार कमी झाल्यावर अठ्ठावीसच दात मावू लागले. उरलेले चार मात्र आतच अडकून राहिले. त्याच त्या कुप्रसिद्ध अक्कलदाढा..
उत्क्रा॑ती चालू आहेच.. म्हणून काही (भाग्यवान) म॑डळी॑च्या जबड्यात अक्कलदाढ तयारच होत नाही.. काही॑च्या मात्र तयार होऊन तो॑डात उगवण्याचा निष्फळ प्रयत्न करतात. निष्फळ अशासाठी म्हणतोय कारण त्या॑ना पुरेशी जागाच नसते.. मग अशा अक्कलदाढा तिरक्या येतात कि॑वा हाडातच पूर्णपणे लपून बसतात.
".. पण डॉक्टर अक्कलदाढ येता॑ना माझा गाल का सुजलाय.. असह्य दुखत॑य..दोन दिवस झोप नाहिये.. सेशनल्स तो॑डावर आल्यात आणि ही दाढ मला हातात पुस्तक घेऊन देत नाहिये.." मेघनाच्या डोळ्यात पाणी आल॑ होत॑.
उत्तर॑ पुढील भागात..

मोबाईल फोन्स वापरण्यात भारतात सर्वत्रच आणि विशेष करून शहरात, त्यातही तरूण वर्ग बराच पुढे आहे. वर्षानूवर्षे दूरध्वनी क्रमांक मिळण्यासाठी तिष्ठत राहावे लागलेल्या भारतात आता मोबाईल तरी लगेच मिळू शकतो आणि जगाबरोबर दुहेरी संवाद सहजसाध्य होतो.

अर्थात त्याच बरोबर शाळा-कॉलेजात मोबाईल्स आले त्याचे दुष्परीणाम, नंतर मोबाईल मधे असलेले कॅमेरा आणि व्हिडीओ कॅमेरा यांचे वाईट उपयोग आदी सुरू झाले. पण अशा गोष्टींना आळा घालणे शक्य असते.

आज मात्र म.टा. मधे खालील (सारांशाने दिलेली) बातमी वाचली. ज्यातील माहीती कायमच कुठेन कुठे तरी ऐकली आहे पण इतकी अधिकृत कशी आणि कोणी दिली असे वाटले:

मोबाइलचा वापर सर्वांनाच धोकादायक
16 Jun 2008, 1751 hrs IST

नवी दिल्ली ,
मटा ऑनलाइन वृत्त

मोबाइल फोनमुळे होणा-या रेडिएशनचे शरिरावर अनेक वाईट परिणाम होतात. म्हणूनच लहान मुले आणि गर्भवती महिला मोबाइल फोनचा वापर करत असतानाच्या प्रचार मोबाइल फोनचे सर्विस प्रोवायडर आणि फोन निर्मात्यांनी टाळावा अशा सूचना सरकारने दिल्या आहेत.

मोबाइल फोनमधून निघणा-या इलेक्ट्रिक मॅग्नेटिक वेव्ज या मोबाइलचा वापर करणा-यांच्या डोक्यातील टिश्यूला नुकसान पोहोचवू शकत असल्याचे
दूरसंचार मंत्रालयाने अलिकडेच जाहीर केलेल्या मार्गदर्शनपर सूचनेत म्हटले आहे. तसेच लहान मुले , गर्भवती महिलला , हृदयविकाराचे रूग्ण यांनी मोबाइल फोनचा वापर कमी प्रमाणात करावा , असेही या सूचनांमध्ये नमूद करण्यात आले आहे. ....

वरील बातमी मुळे काही प्रश्न उद्भवतातः (हे विचारत असताना मोबाईलच्या दूष्परीणामांबद्दल मला शंका घेण्याचा उद्देश नाही. किंबहूना अशा सुचनेचे स्वागतच आहे)

1. सामाजीक स्वास्थ्याच्या दृष्टीने इतकी महत्वाची बातमी असून देखील इतकी शांतपणे कशी दिली जात आहे?
2. त्यासाठी सरकारने नक्की कुठले वैज्ञानिक निरीक्षण संदर्भ म्हणून वापरले?
3. इतरत्र (देशांमधे) इतके अधिकृतपणे (सरकारी) सांगितले गेले आहे का?
4. वास्तवीक राजकारण्यांचा विचार करता मोबाईल कंपन्या त्यांना सहज खिशात घालून गप्प करू शकतील असे वाटते. तरी देखील असली सुचना जर दिली जात असेल तर याचा अर्थ सरकार कडे काही समाजस्वास्थ्यासंदर्भात अधिक माहीती उपलब्ध झाली आहे का? की ज्याबद्दल विशेष न बोलता फक्त अशी सुचना दिली जात आहे?
5. आणि सर्वात महत्वाचे तुम्हाला या संदर्भात (मोबाईल वापर) काय वाटते?

नजर पोहोचते तेथवर रखरखीत वाळवंटी टेकड्या.
संतप्त झळांनी आसमंत निर्दयपणे भाजून काढल्या जात आहे.
घळीतील अडचणीच्या जागेत असलेल्या भुयारी गुहेत,
बाहेरचे पेटलेले उन्ह भोकाभोकांनी आत ठिपकले आहे.
गुहेत येताच, अंगावरचे घामाने थबथबलेले राखाडी पिवळे रकटे
यासीम ओरबाडून फ़ेकून देतो.
त्या छोट्याशा जागेत आधीच,
त्याच्या सारखी वीस एक अर्धीउघडी शरीरे
जागा मिळेल तिथे पडली आहेत.
रोज दुपारचे सुखे मटन चावून झाल्यावर मिळणारी
अर्धा तासाची विश्रांती सगळ्यांना खूप मोलाची आहे.

उकाडा आणि तहानभूक ह्यांनी आलेली ग्लानी
यासीमच्या डोळ्यात उतरून त्याची द्रष्टी जडावली आहे.
तशातही, त्याचा उघडा बाहू कुरदणारी मक्खी त्याला दिसते.
भयंकर त्वेषाने तो पंज्याचा एक फ़टकारा मारून तिला चिरडतो.
खूप पुर्वी सरहदपार पाहिलेल्या शोले मधील गब्बरसिंगच्या त्वेषात!
कितीतरी साल लोटले फ़ील्लम पाहून.
****द अमेरिकनांनी दबाव वाढवल्यामुळे,
पर्बत सोडून जाणेही धोक्याचे झाले आहे.
केव्हा त्यांच्या मिसाईल्स सारे तहसनहस करतील, काही नेम नाही.
***द...... यासीम पुन्हा एक अर्वाच्च्य शिवी थुंकतो.

तो उकाडा, ती वाळू विखूरलेली गुहा, दाढ्या वाढलेले, घामात लोळणारे मुजाहिद,
यासीम सगळा उदासवाणा नजारा घृणाभरल्या नजरेने पहातो.
खिडकीच्या गजांवर त्याला एक क्षीणसा फ़डफ़डाट नजर येतो.
मातकट तपकिरी रंगावर मोठे काळे ठिपके असलेले पंख.
वाळवंटी फ़ुलपाखरू. साधारण मुठीयेवढे.
***द आमच्या नशीबात तितली सुद्धा रंगबिरंगी नाही.
कश्मीर घाटीत पाहिलेली रेशमी गर्द चमकत्या रंगांची मुस्कुराती फ़ुलपाखरे यसीमला अचानक वेडावून जातात.
खिडकीजवळ मंदशी हालचाल करणार्‍या तितलीचा
त्याला तीव्र द्वेष येतो.
तितली जर जवळपास असती, तर मघाच्या मक्खीसारखीच चिरडली असती.

यासीमला आता स्वत:चीच चीड येते.
लढून दुष्मनची कतल करण्याऐवजी आपण,
ह्या वाळवंटी भट्टीत छुपून, चिल्लर मक्खी आणि तितली चिरडीत बसलो आहोत!
थ्थू!

आता तो तितली कडे असुयेने पहात आहे.
निदान ह्या तितलीला तरी मिसाईलपासून बचण्यासाठी
छुपून रहावे लागत नाही.
जेव्हा वाटेल तेव्हा खुल्लेआम उडायला ती आज़ाद आहे.
यासीमला आता मातकट तपकिरी तितलीचा खूप प्यार येतो.
तिचे मऊमऊ पंख एकदा तरी छुवावे म्हणून उठून तो खिडकीजवळ येतो.

यासीम तिथे पोहोचण्या आधीच, तितली उडून बाहेरच्या दगडी पाळीवर बसली आहे.
खिडकीजवळ येऊन, यासीम तितलीच्या पंखावरील काळी रांगोळी बघतो.
उन्हात चमचमणारे पंख नायलॉनचे असावे असा भास होतो.
साली दलीद्दर काली तितलीभी आपल्याला जवळ करीत नाही....
पचकन थूंकून तो आत वळतो. त्याला खबरही नसते........

तितलीच्या नांग्यांमधून, ठीकाणाचा पत्ता दूरवर पोहोचला असतो.
आणि ह्या क्षणी भारी शक्तीचे एक मिसाईल
डोंगरात दडलेल्या मुजाहिदांना तहसनहस करायला
वेगाने झेपावत असते...........................

असेही एक पैलतीर

काळसागर अथांग आहे. ह्या अथांग सागराच्या दूरच्या किनार्‍यावरील लोकांना एकदा इकडच्या पैलतीराचे दर्शन घडले ते असे.......

*********************************************
रियल होम ड्रामा ई एडीशन 12 फेबृवारी 2106
"थ्री डी ड्रामा"च्या फ्रेश ईन्टरनेट इशूत हंड्रेड इयर्‍स ऍगो टीव्ही वर प्रोग्राम कसे होते ह्याचा एक एन्टरटेनींग विडीयोग्राम आला होता. त्याची वीजूअल लीन्क इथे दिली आहे.--->
*********************************************

दादर 3 जानेवारी 2106
दादर म्युनीसीकॉन्सीलच्या ट्वेन्टीफीफ्थ बर्थडेला दादरचे मेयर भिकाजी खताडे ह्यांनी ओपन केली हंड्रेड
इयर्‍स ऍगो बरी केलेली टाईम कॅपसुल. त्या टाईम कॅपसुल मधे आर्टीकल होता कॉन्टेम्पोरेरी ईन्डीयातल्या टीव्हीचा. "टीव्ही ऑल टाईम" या चॅनेलवर त्या इरात स्क्रीन करायचे सोशल सोप ऑपेरा. ऑब्वीयसली तेव्हा आजचा रिऍलिटी थ्री डी व्ही टीव्ही नव्ह्ता. पब्लीक पहायची सोशल ड्रामा तेव्हा टॉकीन्ग पिक्चर् मधे फ्लॅट स्क्रीनवर.

"टीव्ही ऑल टाईम" होती ही त्या टाईमची एक फेमस कंपनी. कंपनीच्या ऍन्युअल मॅगेझीनमधे एक आर्टीकल होता. कॉन्टेम्पोरेरी सोशल लाइफ पोर्ट्रे करणार्‍या सिरीयल विषयी. हा आर्टीकल मिळाला टाइम कॅपसुल मधे. ह्या आर्टीकल मधे फर्स्ट हॅन्ड अकौन्ट हिस्टौरिकल पिरीयड्च्या टीव्ही सोशल ड्रामाचा डिसकव्हर झाला. हे आहे मार्व्हलस रेफरन्स फाउन्ड ड्रामा हिस्टरीच्या स्टुडन्टसाठी.

ओरीजीनल आर्टीकल ओल्ड मराठीत होते. हिस्टरीचा परस्पेक्टीव्ह इन्टॅक्ट रहावा म्हणून ईन्गराठीत ट्रान्स्लेट नाही केले. काही पार्ट ओल्ड मराठी आर्टीकलचा दिला आहे पुढे. रीडरला फील येईल ओल्ड मराठीचा हे रीड केल्यावर. हार्ड असेल जर फॉलो करायला ओल्ड मराठीचे वर्डस तर ईन्गराठी ट्रान्स्लेशन एव्हेलेबल आहे. लीन्क ---> वर क्लीका. जर हवा असेल फुल आर्टीकलचा ईन्गराठी डायरेक्ट ब्रेनकॉन, तर ब्रेन डाउनलोडची ऑर्डर द्या, डायल करून कन्ट्रोल नंबर 56230 तुमच्या पर्सनल ब्रेननॉन कन्सोलवर.

*************************************
क्रमशः

आज सर्व भारतीयांना अभिमान वाटेल अशी घटना, "पीएसएलव्ही सी-9' चे यशस्वी उड्डाण.

एकाच वेळेस १० उपग्रह पृथ्वीच्या कक्षेत सोडण्याचा विक्रम. "ईस्रो" च्या सर्व वैज्ञानिकांचे व सहकार्‍यांचे हार्दिक अभिनंदन. ह्या बद्दल सविस्तर माहीती येथे वाचा.

विसाव्या शतकाच्या सुरुवातीलाच, 'काळ ही चौथी मिती आहे आणि ती सापेक्ष आहे' असे धक्कादायक प्रतिपादन करुन संपूर्ण जगाला हादरविणार्‍या महान वैज्ञानिकाचे, अल्बर्ट आईनस्टाइनचे १८ एप्रिल १९५५ रोजी अमेरिकेतल्या न्यू जर्सी येथील प्रिन्स्टन इस्पितळात निधन झाले आणि वैज्ञानिक जगतातला एक महान तारा चौथ्या मितीतून लुप्त झाला!

तो एक महान शास्त्रज्ञ तर होताच पण त्याबरोबरच तो मानवी आयुष्याचा साक्षेपाने वेध घेणारा विचारवंत, माणसाचे अस्तित्व नक्की कशासाठी आहे ह्याचा शोध घेणारा तत्वज्ञ, एक सहृदय मानवतावादीही होता.

शास्त्रातल्या अनेकविध शोधांप्रमाणेच विचारांचेही अनेक मौलिक स्फटिक त्याने त्याच्या आयुष्यात वेचले. "क्वोटेबल आईनस्टाइन" ह्या पुस्तकात त्याची अनेक अवतरणे संग्रहित करुन दिलेली आहेत. फारच वाचनीय आणि चिंतनीय अशा प्रकारचे हे लिखाण आहे. कित्येक अवतरणामधून तर त्याला असलेल्या विनोदाच्या उत्तम जाणिवेचं आपल्याला आकलन होतं आणि आपण चकित होतो!
एके ठिकाणी तो म्हणतो "तरुण असताना मला एकच गोष्ट आयुष्यात हवीशी वाटे ती म्हणजे, लोकांनी माझ्याकडे लक्ष देऊ नये, एखाद्या शांत कोपर्‍यात मी माझे काम विनाअडथळा करीत बसलेलो आहे. आणि आता इतक्या वर्षांनी माझे काय झाले आहे ते पहा!" ह्यातली खोच लक्षात घेतलीत की आपण डोलतो.

तो एक उत्तम व्हायोलिनवादकही होता. सॅटरडे ईवनिंग पोस्टला दिलेल्या एका मुलाखतीत तो म्हणून गेलाय "जर मी भौतिकशास्त्रज्ञ झालो नसतो तर मी बहुदा संगीतकार झालो असतो. मी बहुतेक वेळा संगीतातून माझे विचार करतो. माझी दिवास्वप्ने हे एक संगीतच असते. माझे आयुष्यच मी संगीताच्या स्वरुपात बघतो..मला माझ्या आयुष्यात खूप मोठा आनंद संगीतातून मिळतो."
अंतःप्रेरणेच्या अगम्य खेळातून विश्वाची वेगवेगळी रहस्ये उकलण्याची ताकद त्याला अशाप्रकारे संगीतातूनच मिळत असावी काय?

(गुरुत्वाकर्षणाच्या प्रभावाने प्रकाशात होणार्‍या वक्रीभवनाचा त्याचा सिध्दांत खरा ठरला त्यावेळी त्याचा अमेरिकेत उदोउदो झाला. त्यावेळी तो म्हणाला होता "मी बरोबर आहे म्हणून आज ते मला अमेरिकन म्हणताहेत. जर मी चुकलो असतो तर ते मला जर्मन म्हणाले असते आणि जर्मनांनी हिणवलं असतं की हा तर ज्यू आहे!")

प्रिंस्टन विद्यापीठात त्याने काही काळ अध्यापन आणि संशोधनाचे काम केले. मी तिथे जाऊन त्याच्या काम करण्याच्या जागेचे भक्तिभावाने दर्शन घेऊन आलोय. त्याच्या शेवटच्या इच्छेनुसार तिथे कोणतंही स्मारक वगैरे केलेलं नाही. त्याची खोली सध्याचे प्रोफेसर वापरत असतात. तिथे फक्त त्याच्या नावाची एक पाटी आहे. मला त्याजागी उगीचच भारल्यासारखं वाटलं. मनात विचार येऊन गेला की ह्याच खोलीत बसून परमतत्वाच्या त्या अंशानं जगाची काही कोडी सोडवण्याचा प्रयत्न केला असेल. मानवाच्या कल्याणाबद्दल मौलिक विचार केला असेल.

मानवजातीबद्दल तो म्हणतो. "किरणोत्सारी पदार्थांचे गुणधर्म एकवेळ बदलता येतील पण मानवाच्या मधला आसुरशक्तीचा अंश काढून टाकणं महाकठिण!"
आज आपण त्याच प्रत्यंतर जगात ठायीठायी बघतो आहोत. तेव्हा आपल्यातली आसुरशक्ती थोडी का होईना कमी करणे हीच त्याला वंदना ठरेल.

चतुरंग

(ताजा कलम - उपरोल्लेखित तिरप्या अक्षरात दिलेल्या अवतरणात बदल - सामान्य सापेक्षता सिध्दांत मांडल्यानंतर फ्रान्समधे बोलताना तो म्हणाला होता "माझा सिध्दांत बरोबर आला तर जर्मन मला त्यांचा नागरिक म्हणतील. फ्रान्स घोषित करेल की मी जगाचा नागरिक आहे. आणि मी चुकलो तर फ्रेंच म्हणतील की मी जर्मन आहे आणि जर्मन्स म्हणतील की हा तर ज्यू!")
आधी दिलेल्या चुकीच्या माहितीबद्दल क्षमस्व.

सध्या इंटरनेट वर अशा अनेक साईट्स आहेत ज्यांच्यावर अनेक वस्तु विक्रीस ठेवलेल्या असतात. (उदा. रेडिफ, ईबे वगैरे). यासंबंधी मला पडलेले काही प्रश्न खाली लिहिले आहेत. त्यांची उत्तरे मला येथे मिळतील अशी आशा वाटते.

१] जर क्रेडीट कार्ड नसेल तर वस्तु विकत घेता येतात का? डेबीट कार्ड चालते का?
२] वस्तुच्या गॅरंटीबद्दल काय खात्री?
३] वस्तु घरी पोहोचेपर्यंत जर काही इजा झाली तर जबाबदार कोण? कंपनी रिप्लेसमेंट देते का?

.
.
.
.

मध्यंतरी सहज मी एकाला म्हटले, तू आमच्या दोघींच्या मैत्रीत उत्प्रेरक होतास तर त्याला मजा वाटली. म्हणाला, "शाळा संपल्यावर पहिल्यांदाच हा शब्द ऐकला".
.
.
परवा मिपा वर कोणी तरी अभिप्रायात "गृहितक" लिहिले आणि परत जुन्या आठवणींना उजाळा मिळाला....

को-बा-को,
पुंकेसर,
बेरी बेरी,
पडताळा,
हरितद्रव्य,
प्रकाश संश्लेषण,
समलंब त्रिकोण,
मूलद्रव्ये,
म.सा.वि.
.
.
.
.

जणू मराठी माध्यम गणित, विज्ञान विषयाच्या पा.पु.म.नि. पुस्तकातील शब्दांची पोतडीच उघडली...