साप्ताहीक सदर- ताईचा सल्ला :- अ‍ॅडीशन टू (भूत कॉस्टींगचे...)

आधी एका रशीयन देवदेवस्की या संकेतस्थळावर ताईचा सल्ला द्यायचो, म्हणून देवळाच्या स्थळावर बसण्याची वेळ आली तरी वळ जात नाही अजून. मधून मधून उकळी येतेच.
आणि आहो जावो करू नका.
-----------------------------------
आणि हो, सांगायच राहूनच गेलं, या विधानसभेच्या ईलेक्शनदरम्यान मी नविन कार घेणार आहे.

- पाषाणभेद उर्फ दगडफोडीची सजा मिळालेला दगडफोड्या

प्रकाटाआ

अरे भूतपापेश्वर दादा,

"असेच काही प्रश्न तुला पडलेले असतील तर बेधडक विचार. अरे हे वर्तमानपत्रातील "ताईचा साप्ताहिक सल्ला" हे सदर तर तुमच्यासाठीच सुरू केले ना? यात नाव पण गुप्त ठेवले जाते."

हे तू वाचले नाहीस का?

तसेच ३०० च्या वर वाचनाचे हे सदर असतांना याला आजकाल प्रतिसाद येत नाही. लोक फक्त वाचून जातात व प्रतिसाद काही देत नाही. मुंबईत अपघातानंतर कसे लगेच तेथून काढता पाय घेतात व चालू लागतात तसे लोक फक्त हे सदर वाचतात व चालू पडतात. पण ते लाजतात व या सदरात आपले नाव टाकत नाही.
त्यांच्या मनातही असले नाजूक व गोडगोड प्रश्न विचारायचे असतात पण लोकलाजेस्तव विचारत नाही. संपादक तात्या माझा फोन नं. पण देवू देत नाही.

म्हणून मी हे सदर बंद करायचा विचार करत आहे, त्यामूळे तु काहितरी विचारले आहे त्या बद्दल धन्यवाद. (मला प्रश्न विचारणार्‍या एका भिकार्‍याची पाल्हाळ लावायची सवय लागली आहे. ) असो.

एक सांगते, मी कॉस्टिन्गच्या भुताबाबत बोलते नाही. मला तो प्रश्न विचारलेला होता.

आता तुझे प्रश्न व माझी उत्तरे:

१. एक भूत असणारी भुतोळी लिहायला साधारण किती कॉस्ट लागते.
उत्तर: हा प्रश्न येथे लागू नाही. त्या साठी मिपावरील सदर वापरावे. तेथे भुतोळी लिहीणारे तसेच बाहेरचे बघणारे मांत्रीक आहेत.

२. भुतोळीमध्ये वड, पिम्पळ, सागवान, लिम्ब यापैकी कोणते झाड वापरावे?

उत्तर: हा प्रश्न मी आउटसोर्स केला आहे. त्याचे उत्तर आल्यास मी तेथे उत्तर लिहीन.

३. खवीस, हडळ, भूत, आग्या वेताळ यापैकी स्वस्त पर्याय कुठला?एका खवीसीवर एक हडळ एकाच कथेत फ्री देणे चान्गले की एक ख्वेसाची व एक हडळीची अशा दोन कथा पाडणे चान्गले?

उत्तर: अताशा भुते बाजारात एकास एक फ्री भेटतात. एक कुटूंब असेल तर हडळ, नवरा भूत, मूंजा, सासू-सासरे भुत ईतके एकाचवेळी तयार असतात. त्यामुळे थोडा रेट जास्त पडल्यासही हे परवडते. मिपावरचे बरेच जण हा घाउक पर्याय स्विकारतात. आम्ही या घंद्यात नाही पण ह्या प्रश्नासाठी कंत्राटदारांना विचारले आहे.

४. पान्ढर्‍या कपड्यातली मेणबत्त्यावाली बाईसाठी मेणबत्ती कुठल्या कम्पनीची वापरावी? तिचा ( म्हणजे मेणबतीचा ! आयला, भुतीणीला तरी सोडा की राव!) घेर किती असावा?

उत्तर: मेणबत्ती "दो मछली" या कंपनीची असल्यास उत्तम. तसे आमचे या कंपनीशी काही व्यावसाईक संबंध नाही, पण कंत्राटदारांकडल्या एका एकाकी तरूण विधवा हडळिला विचारले आहे. "दो मछली" या कंपनी वाले साईझमध्ये कट मारत नाही असे तिच्याकडून समजले. घेर व लांबी योग्य असते. तसेच ती इमर्जंसीत कामात येते असे तीचे मत आहे. (लाईट गेल्यास.)

बाकी तुला रे मेणबत्तीची काय गरज लब्बाडा? अं? नाही घेर वैग्रे वैगे विचातोस म्हणून विचारले हो. काही गडबड नाही ना रे तुझ्यात.
प्रश्न खूप नाजूक नाजूक विचारतो आहेस हल्ली.

धिर सोडू नकोस. हिंमत धर व काही अडले तर प्रश्न विचार.

फक्त तुझीच,
सार्वजनीक सामुपदेशक ताई.
-----------------------------------

दादा,

प्रश्न फारच त्रोटक आहे. सविस्तर लिहीलेस की उत्तर देता येईल.

फक्त तुझीच अन तुझीच ,
सार्वजनीक सामुपदेशक ताई.