अत्तर
कपडे
कितीही मळले,
जुने झाले,
रंग उडून गेला
वीण उसवून गेली
घड्या विस्कटून गेल्या
तरी
कधीतरी लावलेले
मायेचे भरजरी अत्तर
मंदपणे दरवळत राहते!
.
.
.
माणसं अशी
अत्तर असती तर..!
शिवकन्या
मुक्त कविता
घननीळ वाजवी बासरी
ये पुन्हा, छेदून ये त्या काल-पटलाला, इथे
ये जरा, समजावया ही शब्दविरहित भाषिते
ये जरा, स्पर्शून पुन्हा अद्भुताची ती मिती
जी दिसे स्वप्नात सरत्या जागृतीच्या शेवटी
ये इथे, ऐकू पुन्हा, घननीळ वाजवी बासरी
चल पुन्हा, बरसून येऊ तप्त मरूभूमीवरी
श्री वडा-पाव स्तोत्र
इंडियन पोटॅटो बर्गरम्
जगप्रसिद्ध स्नॅक डिशम् ।
बॉइल्ड मॅश्ड बटाटम्
स्मॉल गोल आकारम् ।।
बेसनस्य बॅटर लपेटम्
तेलात डीप डीप फ्रायम् ।
बर्गर बन सँडविच पावम्
मिर्ची चटणी सवे सर्व्हम् ।।
मराठी व्हेज फास्ट फूडम्
क्रिस्पी वडा अन लादीपावम् ।
स्वस्त गरीबस्य खाद्यम्
सर्वत्र हातगाडीस्य उपलब्धम् ।।
तेलात पुनर पुनर तळनम्
हायजीनस्य पर्वा न करनम् ।
वन मोअर वन मोअरम्
त्वरित चट्टामट्टा करनम् ।।
इति श्री वडा-पाव स्तोत्रम्
पापणी
*पापणी*
लवलवती पापणी...
अश्रूंना घेऊन लपली, मिटल्याने झाली ओली
आतल्या अंधारात तरी, पहा चमचमली
...लवलवती पापणी
थरथरती पापणी...
अश्रूंच्या लाटांनी, बेभान जराशी झाली
सोडण्या तयांना खाली, पहा तयार झाली
...थरथरती पापणी
झरझरती पापणी...
अविश्रांत असा, झरा वाहता झाली,
पुन्हा भरण्यासाठी, वेडी, रिक्त झाली
...झरझरती पापणी
- संदीप चांदणे
निर्णय
मान्य आहे ते सत्तेत होते
मान्य आहे त्यांनी स्वप्नं दाखवली
मान्य आहे ते तुमचे 'आदर्श' होते
त्यांच्यातले बरेच जण
खरे असतील
हेतूही स्वच्छ असतील बहुतांशी
आणि काही जण त्यांनीच घेतलेल्या निर्णयाच्या
विरोधातही असतील
पण कदाचित
निर्णायक क्षणी समोर आलेली
त्यांची काही अपरिहार्यता असेल
किंवा त्यांना, तुम्हाला सगळ्यांना
घाईसुद्धा झाली असू शकते...
ईतकी वर्षं लढा दिल्यावर
समोर विजय दिसत असतानाची घाई
~~~मैत्री~~~
~~~मैत्री~~~
आपसुक ओळख
सगळ्यात निखळ,
आपुलकीचं नातं
सर्व सामावून घेतं,
जीवनाच्या मेळाव्यात
भेटतात अनेक,
मनाच्या कोपऱ्यात
मैत्रीचं विशेष,
रक्ताच्या नात्या पलिकडचं
सर्वात अधिकतमच,
एका हाकेत
निस्वार्थ सोबत,
जणु ओंजळीत
मैत्रीची गाठ,
सुख शांती ची शिदोरी
दुख जाई दूर कोसवरी,
हक्काचं रागावणे
क्षणांत माफ करणे,
हातात हात
कायमची साथ,
अलगद प्रवास
सुखाचा सहवास,
डोळ्यांत आठवणी
अन,निःशब्द मैत्री....
कवी- स्वप्ना..
((तो मला आवडत नाही))
पेर्णा- निओ यांची कविता "ती मला आवडते"
जेव्हा तो त्याच्या पार्टीनंतर तर्राट होऊन
माझ्या अंगाशी कसाही झोंबतो
तेव्हा तो मला आवडत नाही
जेव्हा किरकोळ वादातून तो मला
हिंसकपणे Get out you bitch म्हणतो
तेव्हा तो मला आवडत नाही
माझ्या खरं बोलण्यावर, समजावल्यावर
मलाच लाथाबुक्क्याचा प्रसाद मिळतो
तेव्हा तो मला आवडत नाही
मी एकटीच आवरून बाहेर जाताना
तो एकटक संशयानं बघतो
तेव्हा तो मला आवडत नाही
साडेपाच इंच !
माझं मन कायम ह्या साडेपाच इंची चौकटीत वावरणारं . . . .
आजूबाजूला काय चाललंय हे पाहूनही न पाहिल्यासारखं करणारं . . .
काही वेगळं दिसलंच तर डोळे असूनही ह्या स्मार्ट खेळण्यातूनच बघतो. . .
मग समोर खाद्यजत्रा असो की प्रेतयात्रा . . तोच निर्विकारपणा असतो !
कधीकधी मरणही टिपतो मी दुसऱ्याचं कारण असं चित्र वारंवार कुठे दिसतं ?
कासावीस होतो फक्त तेंव्हाच जेव्हा बॅटरी उतरते किंवा इंटरनेट नसतं !
जगात असूनही जगाशी परत जोडण्यासाठी जपतो मी पासवर्ड. . . . .
आपण आणि आपला अंडा "सेल", कोणी माणुसकी करता का फॉरवर्ड ?
पुढील पाच मिनिटात
पुढील पाच मिनिटात, हे मानवते
"अ" अतिरेकी काळिमा फासतील तुझ्या तोंडाला
"ब" बलात्कारी झुकवतील तुझी मान शरमेने खाली
"क" कोवळी बालपणं विकली जातील बाजारात
"ड" डोकी फुटतील धर्ममार्तंडांच्या एका भृकुटीभंगाने तुझ्या डोळ्यादेखत
ई-पेपर्स सांगून थकतील "अ" "ब" "क" "ड" च्या मिनिटागणिक वाढत जाणाऱ्या किंमती
रोम-रोम जळताना तुझ्या जीर्ण-शीर्ण त्वचेच॑
हे उत्सवी फिड्ल कोण वाजवतंय न थांबता?
जेथे जातो तेथे....
जेथे जातो तेथे तो माझा सांगाती
चालतो तयाला हाती धरुनिया
गेलो कोठेही तरी देतो आधार
दाखवितो मार्ग सदैव मजला
सगळे ते नम्बरं ठेवी ध्यानी नीट
कनेक्टेड रात्रंदिन केलो देवा
तयासी मी सदा खेळतो कौतूके
नेट वरी सुखे संचार अंतर्बाही
बॅटरी होता डाऊन जीव कासावीस
धाव घेतो सत्वर चार्जर कडे
इंग्रजी, मराठी टाईपतो वेगे
त्यानेची अंगठे बहाद्दर केलो देवा
जगात नेटवर्क्स विविध अनेक
ड्युएल सिमकार्ड वापरी प्रसंगी
बॅलन्स तो संपतो असा भरभर
रि-फिलचे बळ अंगी देई देवा