जे न देखे रवी...

एप्रिल मध्ये काकांची,
संपतीय मुदत,
मग बदलावीच,
लागणार आदत ||

राज्यसभेत नाही प्रवेश,
म्हणून हा नाट्यप्रवेश ||

नुसती भावनिक
पाजा वाईन,
पाळीव पत्रकार
देती हेडलाइन ||

अपुरी संख्याबळे
मग बोला बळेबळे ||

देऊन आवळा
(१० आमदार)
पाहिजे कोहळा
(४१ आमदार) ||

आधी रापचीक,
आता लवचिक,
सत्ते साठी विक,
पक्ष निष्ठा ||

आधी ताताथय्या,
काढ एकमेक मैया,
आता एक शय्या,
विरोधकांशी ||

सर्व पक्षांची भेळ,
ना कुणाचा मेळ,
आकड्यांचा खेळ,
खुर्ची साठी ||

पक्षफुटी ची भीती,
अनीती हीच रीती,
समर्थन शब्द किती,
बुडबुडे ||

बदललो कधी ना समाजाप्रमाणे
सदा वागलो मी मनाच्याप्रमाणे

कसा मार्ग चुकला कळेना कुणाला
जरी चालले ते गुगलच्याप्रमाणे

स्वतःची बनावी इथे खास ओळख
कशाला लिहावे कुणाच्याप्रमाणे

खरे सांग मित्रा, असा वागला तू
कशाला कुणाच्या इशाऱ्याप्रमाणे

उगा भावना का दुखाव्या कुणाच्या
कला पाहिली जर कलेच्याप्रमाणे

आठवणी आठव्याला गेलं की खरंच खूप आठवणी आठवतात
काही आठवणी गाण्यांमध्ये रमतात तर काही शब्दांमध्ये अडकतात

काही आठवणी चेहऱ्यावर उगाच हसू आणतात
तर काही आठवणी उगाच मनास छळू पाहतात

काही आठवणी पुन्हा आठवणी मध्ये गुंतवतात
तर काही आठवणी आठवणींचा गुंता सोडवू पाहतात

काही आठवणी आयुष्य सुंदर बनवतात
तर काही आठवणी आयुष्य जगायला शिकवतात.

हिंदू मराठी महापौर

हिरवा उद्ध्वस्त ठेचला,
स्तब्ध नकलाकार कुंचला,
नानांनी असा विजय खेचला,
बोलल्याप्रमाणे ||

आता विरोधी बाकडा,
काय करेल तो वाकडा,
पाय ओढणारा खेकडा,
खोलल्याप्रमाणे ||

आधी ते EVM खोटे,
आता शाई पुसती बोटे,
किती बहाणे होते,
सोलल्याप्रमाणे ||

Intelligence is abundant in the world,
I'm searching wiseness... 

जगात,
बुद्धिमत्ता खूप झालीय, 
शहाणपण शोधतो मी |
मोठेपणा खूप झालाय, 
लहानपण शोधतो मी |

तर्क कुठे उगाळावा, 
सहाण पण शोधतो मी |
माणुसकी ची पाणपोई,
तहान पण शोधतो मी |

निवडणूक झाली नाही,
पण विजयी झाले काही.
नवीन फंडा बिनविरोध...
व्हा बाप वापरून निरोध !

५ कोटी बक्षीस द्या...
माघारपत्र विकत घ्या...

निवडणूक आयोग करणार
आहे चौकशीचा फार्स,
एक affidavit फेकून मिळणार,
शेती, फार्म हाऊस, महागड्या कार्स.

कुणाचाही नव्हता दबाव,
माघारवीर करणार बनाव.

ग्रीष्म-तप्त भूमीवर तू तर
सर सर मृगसर कोसळणारी

विकल-विव्हल प्राणांवर फुंकर
घालुनी सांत्वन तू करणारी

क्षणभंगुरता गर्वे मिरवीत
चिरंतनासम तू फुलणारी

परंपरांचे अवजड बंधन
सहज समूळ तू झुगारणारी

कोलाहल भवताली त्यावर
प्रशांत शिडकावा करणारी

भळभळते व्रण माझे बांधून
भरजरी पैठणी तू उरणारी

यामुळे वाट्यास माझ्या रोज परवड
बोलतो कायम म्हणे मी फार परखड

वेळ येता कर्जमाफीची बळीच्या
मग तिजोरी शासनाची जाम खडखड

एकही नेता गुणी ना भ्रष्ट सारे
भाषणे आता तयांची हीन बडबड

इंग्रजीला शक्य तितकी टाळतो मी
टिकविण्या करतो मराठी हीच धडपड

यामुळे हरकत तयांची लेखनाला
वापरत नाही कधी मी शब्द जडजड