त्रिमितीच्या तुरुंगात

अनन्त्_यात्री's picture
अनन्त्_यात्री in जे न देखे रवी...
7 Jun 2025 - 8:46 pm

त्रिमितीच्या तुरुंगात
घुसमटे जीव ज्यांचा
उघडीन त्यांच्यासाठी
मार्ग चवथ्या मितीचा

कळसा नंतर पाया
तिथे नियम असतो
कार्यकारण भावाचा
जाच जराही नसतो

स्थळ-काळात तिथल्या
पेव खाच खळग्यांचे
उतरवी वर्तमान
भूत वेडे भविष्याचे

दोर परतीचे मात्र
नाही कापणार नक्की
आपापल्या कोठडीची
खूण ध्यानी ठेवा पक्की :)

मुक्तक

प्रतिक्रिया

कर्नलतपस्वी's picture

10 Jun 2025 - 2:01 pm | कर्नलतपस्वी

शेवटची दोन कडवी समजली,आणी आवडली सुद्धा. पण बाकी कवीता समजली नाही.

श्रीधर फडके यांनी ग्रेसांच्या कवितेला चाल देण्याचा प्रयत्न केला.पण पुढील कडवी समजली नाहीत. ग्रेसांचा व त्यांचा परिचय नव्हता म्हणून ते सुधीर मोघ्यांकडे गेले. त्यांनी सोपे करून दाखवले.

https://youtu.be/Ikx26HFj_SM?si=sdn-l2uFSf7haigV

अगदी तसेच माझे झाले म्हणून तुम्हीच उलगडून सांगा म्हणजे कवीतेचा अस्वाद घेता येईल.

अनन्त्_यात्री's picture

10 Jun 2025 - 7:05 pm | अनन्त्_यात्री

प्रतिसादाबद्दल धन्यवाद!

हे मुक्तक लिहिताना wormholes in space-time हा विषय डोक्यात होता. ह्या संकल्पनेचे सुलभ मराठीत स्पष्टिकरण मी देऊ शकत नाही पण:

Many physicists postulate that wormholes are merely projections of a fourth spatial dimension.

Also,

Wormholes have the theoretical potential to disrupt causality, meaning the natural order of cause and effect could be violated.

कर्नलतपस्वी's picture

10 Jun 2025 - 8:20 pm | कर्नलतपस्वी

कवितेची संकल्पना,पार्श्वभूमी समजून सांगीतल्यावर कवितेचे मर्म कळाले. सुंदर.

आवडली.