कविता

चैत्राची पालवी,
मरगळ घालवी ।।

कोकीळ कूजन,
श्रीराम पूजन ।।

तारीख रचली,
अयोध्या सजली ।।

मंदिर नवे,
चैतन्य सवे ।।

मंदिर मालकी,
रामाची पालखी ।।

गुढ्या तोरणे,
नयन पारणे ।।

आला मधूमास,
संपला वनवास ।।

https://www.loksatta.com/explained/loksatta-explained-article-navneet-ra...

Shared by Loksatta android app
click here to download
https://loksatta.page.link/LS_app

ज्या शाळेत शिकल्या
म्हणे नवनीत राणा ।
ती अस्तीत्वात च नाही,
म्हणे, हे कारण जाणा ।।

https://www.loksatta.com/politics/in-nanded-lok-sabha-bjp-s-ashok-chavan...

Shared by Loksatta android app
click here to download
https://loksatta.page.link/LS_app

डीलर झाले लिडर
भित्रे झाले नीडर ।।

झाले भाजपा-वासी,
धरला भगवा दामन ।।
दाग अच्छे है...,
दागी झाले पावन ।।

https://www.esakal.com/global/swedish-national-in-nagpur-in-search-of-bi...
घ्या कविता...

कुणी आई देता का आई
पेट्रीसिया विचारत जाई.

स्विडन ते नागपूर
घेऊन डोळ्यात पूर

तपासल्या सर्व सरकारी नोंदी
तरी सुटेना कोडे, तिची कोंडी.

मला काहीच नको,
नाही काही तक्रार,
फक्त मला झोपू दे
शांत मांडीवर एकवार

तू टाकलेस आश्रमाबाहेर
सोडले वा-यावर
स्विडिश फरीश्त्यां नी
झेलले वरवरच्या वर

धाव धाव टीम लिडरा
बग आली माझ्या कोडा

किती आता गुगलावे?
एआय मदतीला घ्यावे?

डेडालाईन मृत्यू भासे
चहा कॉफी नरडी डाचे

आता उद्धरण्या केवळ
तूच येई धावत सबळ

पाषाणाच्या चुकल्या कोडी
टेस्टर, क्यू.ए. इग्नोर करी

- पाभे
२६.०३.२०२४

विडंबन - 'बाँड'

बाँड हा वटण्यास थोडा समय आहे
आणि त्याला देणगीचे वलय आहे

बोलणे खोटे तुझे हे जाणतो मी
बातम्या मज वाचण्याची सवय आहे

सांग आता मी खरे बोलू कुणाशी
झूठ येथे बोलण्याला अभय आहे

'देश हा बदलून टाकू' ते म्हणाले
बोललो त्यांना 'कुठे हा विषय आहे?'

शासनाची का तमा मी बाळगावी?
आज झाले आत्मनिर्भर हृदय आहे

- 'सुमार' जावडेकर

माझीच मूळ गझल - 'बांध'

बांध हा फुटण्यास थोडा समय आहे
आणि मागे जीवनाचा प्रलय आहे

बोलणे खोटे तुझे हे जाणतो मी
चेहरे मज वाचण्याची सवय आहे

तुझ्या कप्पाळीचे बिंब
भासे मध्यान्हीचा भानू
लल्लाटीच्या लाटा बघुनी
'उन्हाळी', लागते गं जानू

नाही गंधार कोमलं,
करपले मन नुस्ताच विषाद
नाच नाचता नाचता
आता धपापतो ऊर

जुनेरले नाते आपुले
आता कुठवरं पाळू
वयमान पाऊणशे अवघे,
आता तरी नको छळू

प्रारब्धाचा खेळं
विळ्या भोपळ्याचे नाते
दिनरात अशी साथ
कधी सरेल जन्मठेपेचा काळं?

जुनेरल्या नात्यामध्ये
ऊब गोधडीची;
विरलेले धागे तरी
जर ओळखीची..
जुनेरल्या नात्यामध्ये
अबोल पाऊस;
भिजलेले मन तरी
डोळा ना टिप्पूस..
जुनेरल्या नात्यामध्ये
सल ही जुनीच;
गळाभेट नाही परी
सय नेहमीच..
जुनेरल्या नात्यामध्ये
शब्द हरवले..
जुनेरले नाते आता
मुके मुके झाले..
जुनेरले नाते सख्या
नशिबाचा खेळ..
पाय निघता निघेना
आली निरोपाची वेळ
....
आली निरोपाची वेळ.

वाढे माईक्स चा खणखणाट,
पूढे कॅमेरांचा लखलखाट,
गाड्यांच्या ताफ्याचा दणदणाट

तोंडात शब्द कडक,
जरांगे निघाले तडक...

कडकलक्ष्मीचा जसा चमत्कार,
शाब्दीक-चाबकांचा टणत्कार,
मिडीयाला रेडी साक्षात्कार,
आरक्षण-बुभूक्षूंचा नमस्कार !

मी तोडणार बामणी कावा,
जातीयवादी झालास भावा,
सिल्वर ओक चा का तू छावा,
इलेक्शन अन तापला तवा !
तुला काय एम पी तिकीट हावा?

थकले रे पोलीस,
नको धरु ओलीस,
विषय खूप खोलीस
राजकारणी टोळीस
जनतेस हा पोळीस
निवडणूक होळीस.

अता आर्त हळवी हवा सांज असते
स्मृती पाखरांचा थवा सांज असते

जरी रात्र असते तुझी दाट छाया
छटांचा तुझ्या कारवा सांज असते

दिशा क्षितिज संदिग्ध करती पुन्हा अन्
पुन्हा जीवनी नाखवा सांज असते

जुने तेच ते रंग लेवून परके
समारंभ अवघा नवा सांज असते

न तू आज येथे न मी आज तेथे
अता रोज ही मारवा सांज असते

- कुमार जावडेकर