साबू-हॉलीवूड गाजवणारा भारतीय अभिनेता

आज भारतीयांनी चित्रपट क्षेत्रात जबरदस्त अशी प्रगती केलेली आहे,तरीही भारतीय अभिनेत्यांना हॉलीवूड चे आकर्षण मोठ्या प्रमाणात आहे,अनेक जण हॉलीवूडमधे काम मिळवताना धडपडताना दिसतात,या पार्श्वभुमी वर काळाच्या ओघात मागे पडलेल्या पण हॉलीवूड गाजवलेल्या एका भारतीय अभिनेत्या बद्दल वाचण्यात आले ती माहीती मिपा करांसमोर मांडण्या चा हा छोटासा प्रयत्न.
२७ जानेवारी १९२४ ला मैसूर ला साबू चा जन्म झाला. मुळ नाव शेलर शेख साबू. जन्म गाव कारापुर सभोवताली प्रसिध्द अस मैसूरच जंगल पसरलेलं(होय विरप्पन फेम जंगल).त्यामुळे बालपण जंगली श्वापदा मधे गेलेलं,त्याचे वडील मैसूरच्या महाराजांच्या पदरी माहुत होते,साहजीकच साबू ही हत्तींच्या अंगाखांद्यावर खेळतच मोठा झालेला.वयाच्या दहाव्या वर्षी वडीलांच्या हाताखाली काम करायला तोही मैसूरला गेला त्याबदल्यात त्याला मिळणार होतं दोन वेळच जेवण,वर्षाला दोने कपड्यांचे जोड आणी रोज एक रुपया पगार.घरच दारीद्र्य पाहता दररोज पोटभर जेवण हे पण मोठ आमिष होतं .हे पाहता हा मुलगा भविष्यात परदेशात जाउन किर्ती मिळवेल, महालात राहील असा विचार ही कुणी केला नसेल.

साबूला पहिल्यापासुनच हत्तींच जबरदस्त आकर्षण होत वयाच्या १० व्या ११ व्या वर्षीच हत्ती नियंत्रण करण्याच त्याच कसब अफलातुन होतं,हत्तींशी खेळण,त्यांच्या वर माया करण हे जणु त्याच्यात जन्मजातच होत.
१९३७ ला हत्तींच्या जिवनावर माहीतीपट काढणारी एक ब्रिटीश फिल्म कंपनी मैसूरला आलेली होती त्याचा प्रमुख होता रॉबर्ट फ्लो हार्टी. रॉबर्ट साबूच हत्ती हाताळण्याच कसब थक्कच झाला एकतर ब्रिटीशांना भितीदायी आकर्षण आणी त्यात हा एवढासा पोरगा मोठमोठ्या हत्तींशी एवढ सहज खेळताना पाहून त्यान साबूला अमेरिकेला नेण्याची इच्छा दाखवली,मोठ्या कष्टानं त्याच्या वडीलांच मन वळवुन रॉबर्ट साबूला आपल्या बरोबर नेण्यात यशस्वी झाला.
इथुन सुरु झाला साबूचा झगमगता काळ १९३७ ला १३ व्या वर्षी साबू रुपयार्ड किपलिंग च्या कथे वर आधारीत "एलेफंट बॉय" या चित्रपटात झळकला,हा चित्रपट चांगलाच गाजला,पुढे १९३८ ला त्याचा "दि ड्र्म " हा चित्रपट तर १९४० ला "थिफ ऑफ बगदाद" झळकला.
१९४२ ला झोल्टन कोर्डा या दिग्दर्शकाने "जंगलबुक" हा चित्रपट बनवला यामधे "मोगली"नावाच्या मुलाची प्रमुख भुमिका केली,या चित्रपटानं बॉक्स ऑफीस वर प्रचंड यश मिळवल .
१९४४ ला साबूला अमेरिकन नागरीकत्व बहाल करण्यात आल्,या नंतर साबू अमेरीकन वायुसेनेते भर्ती झाला व दुसर्‍या महायुध्दात अनेक चकमकीत त्यान मोलाची कमगीरी बजावली. त्याच्या या धाडसाबद्दल सरकारने त्याला "डिस्टिंगविश्ड फ्लांइग क्रॉस या पदकान सन्मानीत केल.
साबून तब्बल २० चित्रपटात काम केलं. २ डिसेंबर १९६८ ला त्याचं निधन झालं.

वरील लेखा चा संदर्भ हा मधुबाला या अप्रतीम पुस्तकातील आहे त्याचे लेखक डॉ.श्रीकांत मुंदरगी हे आहेत्,अजुन पुस्तक वाचतोय पण जेव्हढ वाचलय त्यावरुन सांगतो मधुबाला या अभिनेत्रीबद्दल अतिशय सुंदर माहीती यामधे आहे.