मुक्तक

स्पर्शरेषा जोखते जणु
वर्तुळाची वक्रता
परीघ अंशी / व्यास छेदी
(π) उरवी तत्त्वता

वर्तुळाचे केन्द्र जीवा #
ना कधीही स्पर्शिते
केंद्र गिळता तीच जीवा
व्यास बनुनी राहते

(π) द्विगुणित होऊनी
परिघास जेव्हा भागतो
हाती ये त्रिज्या-जिला
व्यासार्ध कुणी संबोधितो

वर्तुळाच्या गारुडाने
भूल गणिती टाकली
जटिल विद्यांची कवाडे
(π) करितो किलकिली

परीघ, त्रिज्या दोन्हीही
परिमेय असती पण तरी
(π ) का मज वेड लावी
अपरिमेयाचे परी
~~~~~~~~~~~~~

# जीवा = chord of a circle

(π) = 3.14.....

वाण्याचे सांगतो कुळ, विकतो देहू गावी गुळ

 नांदुरकीच्या झाडाखाली बेतुक्या शोधतो मुळ 

स्वर टाळ चिपळ्यांचा विरून हवेत गेला

 छेडून विणेच्या तारा बेतुक्या थकून गेला

 भोवती गर्द पाचोळा काही हिरवा काही पिवळा

 काही वार्‍याने उडून गेला काही तीथेच निजला 

दुथडी किनारा जोडी सावरते पाण्याचे लोटं

 विझतील श्रावणधारा दोलायमान ही होडी 

सोडून पाश होडीचे तो घेऊन जाईल दूर 

झुरतील बंध रेशमाचे मग पुन्हा येईल पूर

(FunU)वादी लेखनाची
होता उर्मी अनावर
ब्रह्मलीन असूनही
प्रकटू का मिपावर?

बादरायणी संबंध
येतील का माझ्या कामी?
(एन्ट्रॉपीचे ॐकाराशी
करू कलम कसे मी?)

"जानव्याचा दोरा हाच
स्ट्रिंग थिअरीचा पाया"
हीच थीम ठेवूनिया
लेख घ्यावा का पाडाया?

ओव्या, अभंग, सूक्तांची
लेखा जोडू का शेपटी?
डिस्क्लेमर टाकावा का
स्वांत:सुखाचा शेवटी?

असिधारा व्रत माझे
(FunU)वादी लेखनाचे
जरी गायबलो सध्या
लोड नका घेऊ त्याचे !

एक शिक्रेट सांगतो
कोणालाही सांगू नका
(FunU)वादी लेखनाचा
माझा आ-मिपांत* ठेका !

~~~~~~~~~~~~

पेरणा 

मागे वळून बघू नये, 

म्हातार्‍याने चळू नये, 

आठवणीत जळू नये, 

असं कुठं लिहिलंय? 

अवचिता परिमळू नये, 

शरदी मेघांनी पळू नये, 

अवकाळी झरू नये,

 असं कुठं लिहिलंय? 

कातरवेळी झुरू नये, 

कांचनसंध्यी उमलू नये, 

गजरा भाळी माळू नये, 

असं कुठं लिहिलंय?

 एकांताशी बोलू नये, 

भरल्या डोळी डोलू नये, 

ओल्या शब्दीं भिजू नये, 

मला स्वतःलाच ही कविता न आवडल्याने काढून टाकली आहे. क्षमस्व.