मराठी तरुणांसाठी नोकरी-उद्योग देणारा वेबमंच

एक साधा-सोपा उपाय : मिसळपावर च्या या धाग्यावर माहिती देत ठेवा. मिपाचे एक चांगले वैशिष्ट्य म्हणजे नवे प्रतिसाद असलेला धागा वर वर येत रहातो. नवी माहिती येत राहील तसा हा धागाही ताजा राहील. (५० प्रतिसाद झाले की नवा धागा उघडणे सोयीचे ! )

मलाही कल्पना आवडली.. नोकर्‍यांच्या जाहीराती असतात बर्‍याच.. त्याही मोजक्या ठीकाणांच्या..
या माध्यमातून अशा माहीतीची देवाण घेवाण होईल.. रोजगार,नोकरी-बिझनेस ,मराठी माणसाला उपलब्ध करून देण्यासाठी उपयुक्त कल्पना..
राज ठाकरेंच्या सर्व धाग्यांमधे हाच मुद्दा यायचा, की मराठी माणूस ही कामं करत नाही किंवा त्याच्यापर्यंत पोचत नाहीत.
या कल्पनेने थोडाफार तरी हातभार लागेल.. असे वाटते..

तसेच समान कार्यपद्धत/अभ्यास असणार्‍यांचा स्टडी ग्रुप हे ही आवडलं..

नक्की केले पाहीजे. भरपूर चांगला वापर करता येईल.

फक्त असे संकेतस्थळ हे निष्पक्ष (नॉन पार्टिजन) असले पाहीजे.

अभिरत भिरभि-या,

उत्तम सुचनेबद्दल धन्यवाद.
मिपा वर चर्चा, काव्य, साहित्य, पाककृती, कौल, संपादकीय असे बरेच विभाग आहेत. रोजगार म्हनुन एक असा स्वतंत्र विभाग सुरु करता येइल. त्याचा फायदा सर्व गरजु लोकांना होउ शकेल. मिपा च्या संपादक मंडळाकडे असा प्रस्ताव मांडता येउ शकतो. अंतीम निर्णय तात्या व मिपा संपादक मंड्ळाचा.

सुक्या (बोंबील)
मु. पो. डोंबलेवाडी ( आमच्या गावात पोस्ट हापीस नाय. लिवायचं म्हुन लिवलं.)

चांगली कल्पना आहे ही!
आणि त्यावरून आठवलं जी.एम.आर.टी.मधे एक तात्पुरत्या स्वरुपातली नोकरी आहे, तिची जाहीरात (बहुदा) अजून दिली नाही आहे. आणि ती नोकरी शक्यतो मराठी भाषिकासाठी आहे.
कामाचं स्वरुपः खोडद, नारायणगावच्या जवळपासच्या खेड्यांत जाऊन जी.एम.आर.टी.च्या दृश्य दुर्बिणी वापरून खगोलशास्त्राची स्थानिक लोकांना ओळख करून देणे.
रहाण्याची सोय तिथेच (जी.एम.आर.टी.ला) असेल (आणि महिना ~पाचशे रुपये भाडं), जेवण-खाणही सबसिडाईझ्ड (मराठी शब्द?) दरात होईल. कामासाठी प्रवास करण्यासाठी कार्यालयाची गाडी असेल (खर्च आणि त्रास शून्य), महिन्याचा पगार ~६०००
शैक्षणिक पात्रता: शक्यतो एम.एस्सी. (भौतिकशास्त्र), खगोलशास्त्राची थोडीफार माहिती असल्यास उत्तम! मराठी भाषिक लोकांना प्राधान्य कारण नारायणगावच्या जवळपासच्या खेड्यांतल्या लोकांशी बोलायचं असेल तर मराठीच भाषा असलेली बरी!
कोणी इच्छुक उमेदवार असल्यास माझ्याशी संपर्क साधा. पुढची फॉर्मल अर्ज करण्याची इत्यादी सगळी माहिती काढून देईन.

रोजगार संधी असा एकादा विभाग मिपा वर सुरु करण्यास काही हरकत नसावी. जिथे एकादी नोकरी उपलब्द असेल त्याची माहिती संबधिताने मिपा वर द्यावी. म्हणजे मराठी गरजवंताला नोकरी मिळु शकेल.
वेताळ

माझ्या कंपनीत ३- ४ जागा आहेत..

कामाचे स्वरुप- हाय टेक बायोटेक्नोलॉजी संयंत्राचे विक्री व्यवस्थापण.

शिक्षण- एम एस्सी इन लाइफ सायन्स / बायोटेक्नोलॉजी

पगार- १५०००- ८०००० महीना अनुभवानुसार, मराठी ऊमेद्वारास प्राधान्य.( कंपनीचे मालक मराठी.)

कम्पनीच नाव कळु शकेल का?बायोटेकनोलोजी मधे एम्.बी.ए असेल तर चालेल का?

कपनीचे नाव,पत्ता तसेच तुमच मेल पत्ता ही दया.

माझ्या कंपनीत २-३ जागा आहेत

.net Developer

अनुभव :- ६ महिने ते २ वर्ष

पुणे, मुंबई साठी...

मराठी तरूणांचा विचार मराठी माणसानेच करणे आज आवश्यक आहे.यानुसार अभिरत भिरभिर्‍या यांनी सुचवलेली कल्पना अतिशय उत्तम आहे.मिपावर ही कल्पना यश संपादन करेल,याची मला पूर्ण खात्री आहे.

आम्ही असेचं हाव भाऊ...(मनीम्याऊ)

http://vipravani.wordpress.com/ आपले अभिनंदन. हेच तर करायचे असते.

खुपच चांगला दुवा चालु केला आहे.
मराठी तरूण्-तरूणींना नक्की याचा उपयोग होईल. :)

आपले हे पाऊल विधायक असेच आहे. मिपावर याचे वेगळे सदर होऊ शकते. त्यापेक्षाही आपण एक वेगळे संकेतस्थळ निर्माण करु शकतो.

त्यामध्ये स्वताचे विश्लेषण, भविष्यकालिन व्यवसाय / नौकरीच्या गरजा, यशस्वी लोकांचे मनोगत इत्यादी आपण व्यावसायीक स्वरुपात निर्माण करु या.

त्याचबरोबर समज / गैरसमज इत्यादीही देऊ या.

मराठा तितुका मेळवावा आणि महाराष्ट्रधर्म वाढवावा हे आपले ब्रीदच आहे.

अभिरत भिरभिर्‍या... मस्त नाव आहे...

सर्वप्रथम उपक्रमाबद्दल अभिनंदन....मराठी लोकांना रोजगार मिळवून देण्यासाठी अतिशय चांगले समाजोपयोगी काम आपण करत आहात.

माझ्या काही सूचना:
१. शासनाच्या मुख्य रोजगार केंद्रातून रोजगाराच्या संधींबद्दल माहिती मिळवून ती जास्तीत जास्त मराठी लोकांपर्यंत पोहोचवणे ( सरकार मदत करेन की नाही माहीत नाही. पण हेतू पटवून दिलात तर सरकारात काम करणारे मराठी जन नक्कीच मदत करतील. )

२. इंटरनेट या माध्यमाचा प्रभावी वापर : याहू ग्रुप्स , गूगल ग्रुप्स , मराठी फोरम अशा अनेक माध्यमांतून ही माहीती जास्तीत जास्त लोकांपर्यंत पोहोचवता येईल.

३. ग्रामीण भागात इंटरनेटवर अवलंबून राहता येणार नाही. पण त्यासाठी चर्चा करुन नेटवर्क उभारता येईल...

४. एक कमिटी असावी जी सर्व प्रकारच्या स्पर्धा परिक्षांमधून उपलब्ध होणार्‍या रोजगारांच्या संधींवर लक्ष ठेवीन (युपीएससी, एमपीएससी, मर्चंट नेव्ही, आर्मी, इ...) आणि जास्तीत जास्त लोकांपर्यंत ई-मेल , परिपत्रक या माध्यमातून पोहोचवेन.

५. एक स्वतंत्र कमिटी असावी जी अभ्यास करेन की एखाद्या विभागात परप्रांतीयांनी रोजगार उभे केले आहेत, त्यांना टक्कर देईन अशी मराठी उद्योजकांची फौज उभारण्यात मदत करेन. इथे लांबचा विचार करुन परप्रांतीयांना टक्कर देण्यासाठी दीर्घमुदतीची नियोजन आखणी करणे आवश्यक आहे

या सर्व ढोबळ सूचना आहेत, ४ डोकी एकत्र आली की त्याला चांगले स्ट्रक्चरल स्वरुप देता येईन.

एकच सांगतो, सगळी कामे छोट्या छोट्या स्वरुपात वाटून दिलीत तर कामाचा ताणही कोणावर पडणार नाही आणि मराठी जनांसाठी रोजगार मिळवून देण्यात हातभार लावल्याचे समाधानही लाभेल...

जय महाराष्ट्र
- सागर

Namaskar.
I am Chaitanya Kulkarni, living in Pune and doing self business from last four years in ERP software. I have developed an ERP system for companies based on Indian Work Pattern and Standards. This ERP system is already sold to two private sugar factories and are working properly on three locations. But due to my personal problems and lack of sufficient finance, I am searching for a Job now.
But still I think ERP software which I developed has a good potential and can stood in Market very well. If any one is interested in business for marketing and sales/support of this software then please give me the details at shreeseva.it@gmail.com.
You can also contact me if there is any opportunity for the ERP/any such software, Data Analysis tools or s/w etc. in your company.

आपल्या सहकार्याबद्द्ल धन्यवाद व अशी महत्वपुर्ण संकल्पना मांडल्याबद्दल आपले अभिनंदन!

जपान मधे लॉजिस्टिक्/सप्लाय चेन मॅनेजमेन्ट संदर्भात असणार्‍या संधींची माहीती देऊ शकेल का? (थोडीफार जपानी भाषा बोलू शकेन्...डे टू डे ...सरावानी ऑफिशिअल भाषा बोलता येईल.)

व्य नि/खरड चालेल

धागा काढतोय वर...

भारी खोदकाम केलेत की हो.

दिवाळी अंकातला एक उप्क्रम म्हणून हा धागा दखलमध्ये दाखल करावा आणि नेहमी अद्ययावत करावा (विशेष तः शालेय-कनिष्ठ महाविद्यालयीन स्पर्धा परिक्षा यांची माहीती,जाहीराती, वेळा इत्यादी या धाग्यात आल्या तर उत्तमच. नेट पेक्षाही थेट आणि सुटसुटीत समजेल अशी माहीती केव्हाही जास्त श्रेयस्कर.

नाखु पालकायनी

ही कल्पना आधीही चर्चिली होती.
छोट्या जाहिराती (घर, इत्यादी विकणे/विकत घेणे)
रोजगार

या विभागांचा विचार होऊ शकतो

Please think about this.