प्रेरणा: दमलेल्या बाबाची कहाणी
घामेजून ताणलेला एक पट्टा कुणी
काचलेला लालेलाल वळ उठे झणी
रोजचेच झाले आता नवे काही नाही
इन कशी करु आता मला सांगा कुणी
झोपेतच हात जातो ढेरी वरी जरी
निजेतच स्वप्नी भासे स्लीम झाली ढेरी
सांगायचे आहे काही माझ्या मनातले मला
सुटलेल्या पोटाची ही कहाणी तुला
ना ना ना ना ना.. ना ना ना ना ना....
दाटदाट नगरात गर्दी होई सारी
घामाघूम राजा नाही तरी एसीचा हा वारा
रोज सकाळीच राजा निघताना बोले
जिम मारायचे काल रा‍हूनिया गेले
जमलेच नाही जरी चालायाला कधी
आज परि चालतच मी येणारच घरी
स्वप्नातल्या मांड्‍यांवरी मारु ताव थोडा
ढेरी कमी झाली स्वप्नी पाही वेडा
येता घरी दोन पेग मारु आज थोडे
दोनच पेग त्यामुळे फार काही न घडे
सुटलेल्या पोटाची ही कहाणी तुला
ना ना ना ना ना.. ना ना ना ना ना....
ऑफिसात उशीरा मी राही सदा बसून
थंडावले जाल सारे लोक गेले उठून
तास-तास गेला कसा प्रतिसादी निघून
एक-एक भिडू गेला हळूच निघून
अशा वेळी कसे सांगू काय-काय वाटे
ढेरीपाशी हात जाई वेड्‍यापरी धावावेच वाटे
वाटे मज सदासाठी रहावे उपाशी
उगाचच पळावे नि खावी फळे खाशी
उतरत उतरत उतरेल काही
बघताना भान मला उरणार नाही
हसूनिया दोस्तलोग मारतील ढुशा
बसूनच स‍ेलिब्रेट करु आता उठ लेका नशा
नको नको म्हणताना
मारु दोन-दोन पेग
क्षणोक्षणी ढेरी वाढे मज येई राग
सांगायचे आहे काही माझ्या मनातले मला
सुटलेल्या पोटाची ही कहाणी तुला
ना ना ना ना ना.. ना ना ना ना ना....
पीतापीता केव्हा तरी येईल जांभई
जाऊ घरी हळूहळू जरी पाय धरवणार नाही
झोपू मग दिवसभर तंगडे पसरुनी असे
पूर्वीपेक्षा वाढे ढेरी असे उगा वाटे
ढेरीच ती सांगताहे ऐक बाळा उगा
तुझीच रे सदा आता मी
तुज कधी सोडणार नाही
सांगायचे आहे काही माझ्या मनातले मला
सुटलेल्या पोटाची ही कहाणी तुला
ना ना ना ना ना.. ना ना ना ना ना....
प्रतिक्रिया
18 Jan 2012 - 3:32 pm | गणपा
आयला! इथे तर प्रतिसाद द्यायचीच गोची! ;)
19 Jan 2012 - 11:51 am | सागर
आयला! इथे तर प्रतिसाद द्यायचीच गोची!
गणपा मित्रा,
माझी पण तीच गोची झालीय ;)
18 Jan 2012 - 5:53 pm | श्रावण मोडक
परिक्रमेचा लाभ काय रे हा? अर्ध्यामुर्ध्या परिक्रमेचा? भारीच!
बादवे, आता 'हळव्या' प्रतिसादांची प्रतीक्षा करतोय. ;)
19 Jan 2012 - 12:08 am | यकु
मोडक,
अहो काही लोकांना तर लाभ कमावण्यासाठी अर्धीमुर्धीही नर्मदा परिक्रमा करावी लागत नाही. ;-)
आलं लक्षात की उकल करुन सांगू? ;-)
हळवे प्रतिसाद बरेच आलेत. पाहून घेतले ना?
18 Jan 2012 - 3:54 pm | प्रास
धन्य आहात....
__/\__
18 Jan 2012 - 4:04 pm | जाई.
_/\_
18 Jan 2012 - 4:10 pm | Maharani
भारीच!!
18 Jan 2012 - 4:18 pm | गणेशा
विडंबन आवडले.. मजा आली वाचताना
बाकी
बोळ्क्या मधे लुक - लुकलेला ह्या गद्य ओली राहिल्या की वो .. देतो.
कमरेवरच ओघळलेला तुझा पहिला घाट, आणि पहिल्यांदाच घेतले जेंव्हा तुला प्रेमाणे आत
ओह म्हणण्या आधीही म्हणालो होतो बास, हळु हळु घेतलास जेंव्हा सर्वांगाचा घास
लुटु लुटु हालत हालत टाकलीस पहिली उडी.. लांबचे जावुद्या जवळच ही उडी मारणे जमलेच नाहि
ला लाला ला !
18 Jan 2012 - 4:42 pm | अत्रुप्त आत्मा
यक्कूशेठ जियो... बेक्कार हसू येत होतं वाचताना...काही ओळींपुढे तर ---^---
@निजेतच स्वप्नी भासे स्लीम झाली ढेरी
@येता घरी दोन पेग मारु आज थोडे
दोनच पेग त्यामुळे फार काही न घडे
@हसूनिया दोस्तलोग मारतील ढुशा
बसूनच स‍ेलिब्रेट करु आता उठ लेका नशा
18 Jan 2012 - 5:01 pm | मेघवेडा
एकदम झ्याक जम्या हय!
18 Jan 2012 - 5:19 pm | नि३सोलपुरकर
यशवंत राव्,भट्टी मस्त जमलीय..
खूप हसू येत होतं वाचताना .....
@ गणेशा ...अ‍ॅडीशन पण छान जमलीय.
18 Jan 2012 - 5:31 pm | michmadhura
छान आहे, मजा आली वाचताना. :-)
18 Jan 2012 - 5:35 pm | मूकवाचक
__/\__
18 Jan 2012 - 5:49 pm | सुहास झेले
जबरा !!
18 Jan 2012 - 6:15 pm | उदय के'सागर
दमलेल्या बाबाची कहाणी ऐकतांना जेवढा 'सेन्टी' झालो नव्हतो तेवढा हि कविता वाचुन 'सेन्टी' झालो :(
असो, पोट सुटलेल्याचे दु:ख कोणाला तरी समजले .. धन्स यकुजी!!! ;)
18 Jan 2012 - 7:27 pm | मिसळलेला काव्यप्रेमी
आपण महान आहात. __/\__
18 Jan 2012 - 9:01 pm | रेवती
परिक्रमा पूर्ण केली असती तर असे लिहायची वेळ आली नसती.
18 Jan 2012 - 9:03 pm | स्वानन्द
हा हा!!
एकदम फक्कड. :D
गणेशाची अ‍ॅडीशन सुद्धा सही सही जमलीय!
18 Jan 2012 - 9:33 pm | ५० फक्त
यक्कुशेट, आमच्या वरुन लिहिलेल्या कवितेला सलाम,
आपल्याकडं ती दगडं उभी करायची पद्धत असती ना तर हीच कविता लिहायला सांगितलं असतं मी..
18 Jan 2012 - 9:39 pm | टुकुल
एकदम झक्कास..
--टुकुल
18 Jan 2012 - 10:10 pm | चतुरंग
आमचे हे एक जुने विडंबन आठवून दिल्याबद्दल आभारी आहोत! ;)
-रंगा
18 Jan 2012 - 11:06 pm | पैसा
६ महिने डाळ बट्ट्या खाऊन आणि रोज चालून सडसडीत होऊन येशील!
19 Jan 2012 - 12:08 am | कवितानागेश
मीटर चुकलंय,
असे कुणी म्हणाले कसे नाही अजून? ;)
19 Jan 2012 - 4:35 am | मराठमोळा
काय बोलावे यावर..
ही सुटलेल्या पोटाची कहाणी नव्हे तर 'कहानी घर घर की' आहे. ;)
19 Jan 2012 - 10:16 am | प्यारे१
खी खी खी !
19 Jan 2012 - 11:11 am | पियुशा
मस्त जमलय :)
19 Jan 2012 - 11:40 am | गवि
वा वा यशवंता...
क्या बात है..
पण बेल्टमधून बाहेर ओघळलेल्या पोटाप्रमाणे अनेक ओळीत शब्द मूळ गाण्याचा मीटर फोडून फोफावलेत की.. ;)
कपड्यांचे कपाट उपसताना करुण सत्यपरिस्थितीतून मलाही "पुरानी जीन्स, और गिटार"च्या धर्तीवर
"जुनी जीन्स , पण पोट फार..
**च्या वरती चढेनाच यार.."
असं गाणं सुचलं होतं. पण ते अपुरं राहिलं.. तुझी कविता वाचून समाधान पावलो.
19 Jan 2012 - 11:47 am | यकु
ते खरंय
पोएटिक फ्रिडम कायसं असतं तसं विडंबिक फ्रिडम घेतलंय ;-)
19 Jan 2012 - 12:52 pm | कपिलमुनी
नाद खुळा ....
जिकलास !!!
19 Jan 2012 - 4:59 pm | इरसाल
हातोहात प्रत्येकाने आपला टायर कोणता तेही जाहीर करावे.................
19 Jan 2012 - 5:15 pm | गवि
आमचा मिशेलिन.
19 Jan 2012 - 5:12 pm | आदिजोशी
पण विडंबन मिटर मधे नसल्याने वाचायला अजिबात मजा आली नाही.
मूळ चालीत, मूळ गेयतेसकट विडंबन म्हणता आलं नाही तर ते वाचायला मजा येत नाही.
19 Jan 2012 - 5:41 pm | यकु
सहमत.
19 Jan 2012 - 8:00 pm | सूड
आवडलं, सुदैवाने माझं पोट आटोक्यात आलं म्हणावं तर उगा झैरात केल्यासारखं वाटायचं म्हणून गप्प बसायचं ठरवलं आहे.
19 Jan 2012 - 8:04 pm | प्रचेतस
माहितेय बे तू जिमला जातोस ते.
बाकी ते ट्रेडमिलचं काय झालं तो किस्सा जरा सांग की. ;)
19 Jan 2012 - 8:07 pm | यकु
खाली झालंय तसं काही झालं होतं का ;-)
19 Jan 2012 - 8:15 pm | प्रचेतस
ते आता सूडच सांगेल ब्वा. ;)
19 Jan 2012 - 8:53 pm | कानडाऊ योगेशु
सर्व काही खाऊन सुध्दा..
माझं ताटं कसं भरलेले..
पाहील तर..मी तुझंच ताट
माझ्या समोर धरलेलं..
- द्याद्या ढेकर..
19 Jan 2012 - 9:23 pm | वपाडाव
अन यकु त्ये मीटर बीतर ग्येलं चुलीत.... आपाण आपली व्यथा सांगुन व्हा मोकळे....
-(समदु:खी) वपाडाव
20 Jan 2012 - 4:38 am | नंदन
लै भारी