हास्य

( "एका माणसाची दाढी केवढी लांब सांगू काय ...." या एका बालगीताच्या चालीवर खालील विडंबनात्मक कवीता वाचावी. वरील बालगीत फाउंटेन कंपनीच्या च्या एका बालगीतांच्या व्हि‌. सी. डी. मध्ये आहे. ते 'यु ट्युब' वर शोधले तरी मिळू शकेल. दैनंदिन जीवनातील, राजकारणातील विविध ठिकाणी विरोधाभास दिसतो, त्यावर उपहासात्मक कविता मी लिहीली आहे.)

एका मॉडेलची वस्त्रे केवढी छोटी, सांगू काय ?

सांगू काय, सांगू काय, सांगू काय ?

एवढी छोटी, एवढी छोटी की,

रॅंपवर चालतांना गळून जाय....

सांगू काय, सांगू काय, सांगू काय ?
---

एका चॅनेलची बातमी इतकी खरी, सांगू काय?

सांगू काय, सांगू काय, सांगू काय ?

इतकी खरी, इतकी खरी की,

राजा हरीश्चंद्रही लाजून जाय ...

सांगू काय, सांगू काय, सांगू काय ?

---
एका क्रिकेटपटूच्या खेळाची महती, इतकी मोठी सांगू काय?

सांगू काय, सांगू काय, सांगू काय ?

इतकी मोठी, इतकी मोठी की...

अनेक अभिनेत्रींशी त्याची काडी जोडून, मोडून जाय ...

सांगू काय, सांगू काय, सांगू काय ?
---

एका चित्रपटाचे गाणे एवढे आक्षेपार्ह सांगू काय?

सांगू काय, सांगू काय, सांगू काय ?

एवढी आक्षेपार्ह एवढी आक्षेपार्ह की,

सगळीकडे जाळपोळच होवून जाय ...

सांगू काय, सांगू काय, सांगू काय ?
---

एका अभिनेतत्रीचा फोटो एवढा अश्लील सांगू काय?

सांगू काय, सांगू काय, सांगू काय ?

एवढा अश्लील एवढा अश्लील की,

सगळीकडे वर्तमानपत्रात पुन्हा पुन्हा छापला जाय ...

सांगू काय, सांगू काय, सांगू काय ?
---

एका शहरातील रस्त्यावरचे खड्डे इतके मोठे सांगू काय?

सांगू काय, सांगू काय, सांगू काय?

इतके मोठे, इतके मोठे की,

एखादा माणूस त्यात सहजच मावून जाय....
---

शहरांतील खड्ड्यांबाबत सरकार एवढे उदासीन सांगू काय?

सांगू काय, सांगू काय, सांगू काय?

एवढे उदासीन , एवढे उदासीन की,

'लीटमस पेपरच' रागा रागाने लाल होवून जाय....

---
एका मॉडेलच्या चपला केवढया उंच, सांगू काय ?

सांगू काय, सांगू काय, सांगू काय ?

एवढ्या उंच, एवढ्या उंच की,

रॅंपवर चालतांना मॉडेलच पडून जाय....

सांगू काय, सांगू काय, सांगू काय ?

----

बरीच घरे ......बरी>>>>>>>च घरे ! घ री च बरे !!

Syllybus जरा जास्तच आहे
दर वर्षी वाटतो...
Chapters पाहून Passing चा
Problem मनात दाटतो...

तरी lectures चालू राहतात
डोक्यात काही घुसत नहीं....
चित्र-विचित्र figures शिवाय
Board वर काहीच दिसत नाही....

तितक्यात कुठून तरी Function ची
Date जवळ येते...
Sem मधले काही दिवस
नकळत चोरून नेते...

नंतर lecturers Extra घेउन
भरभरा शिकवत राहतात...
Problems Example Theory सांगून
Syllybus लवकर संपवू पाहतात...

पुन्हा हात चालू लागतात...
मन चालत नाही....
सरांशिवाय वर्गामध्ये
कुणीच बोलत नाही...

Lectures संपून Submission चा
सुरु होतो पुन्हा खेळ..
journal Complete करण्यामध्ये
फार फार जातो वेळ...

चक्क डोळ्यांसमोर Syllybus
चुटकी सरशी sampun जातो..
'PL's मध्ये वाचून सुद्धा
Paper काबर सो...सो..च जातो?????

Syllybus जरा जास्तच आहे
दर वर्षी वाटतो...
Chapters पाहून Passing चा
Problem मनात दाटतो...

तरी lectures चालू राहतात
डोक्यात काही घुसत नहीं....
चित्र-विचित्र figures शिवाय
Board वर काहीच दिसत नाही....

तितक्यात कुठून तरी Function ची
Date जवळ येते...
Sem मधले काही दिवस
नकळत चोरून नेते...

नंतर lecturers Extra घेउन
भरभरा शिकवत राहतात...
Problems Example Theory सांगून
Syllybus लवकर संपवू पाहतात...

पुन्हा हात चालू लागतात...
मन चालत नाही....
सरांशिवाय वर्गामध्ये
कुणीच बोलत नाही...

Lectures संपून Submission चा
सुरु होतो पुन्हा खेळ..
journal Complete करण्यामध्ये
फार फार जातो वेळ...

चक्क डोळ्यांसमोर Syllybus
चुटकी सरशी sampun जातो..
'PL's मध्ये वाचून सुद्धा
Paper काबर सो...सो..च जातो?????

कधी कधी प्रेरणा एखादीच कविता असते पण काहीवेळा कवितेसोबतच इतरही धाग्यांचा दंगा एवढा भरपूर असतो की समजत नाही नेमकी प्रेरणा कोणती...जाऊ दे प्रेरणेची काळजी 'मंगेशाला'!

वाळलाच तो चुना लावतो पुन्हा पुन्हा
जर्द पान लाल हे चघळतो पुन्हा पुन्हा

चांदणी दिली कुणी लेखनास ठाव ना
लेख मग उगाच का हरवतो पुन्हा पुन्हा

लेख काव्य पाडले मी लगेच ऑर्कुटी
का मिपाकरांवरी मी भेकतो पुन्हा पुन्हा

माज ही जुनाच शिरजोर आज मी पुन्हा
लोक हुच्च पेटती पोळतो कुला पुन्हा

हां...कबूल उंटचाल जन्मजात लाभली
मालकास मी थुका लावतो पुन्हा पुन्हा

तोंड पाडुनी उभे काव्य मजपुढे सदा
'रंग'तेच खाज ही खरडतो पुन्हा पुन्हा

चतुरंग

प्रस्तावना: आपण सकाळी सकाळी जेंव्हा घाई घाई मध्ये कामासाठी चाललो असताना, आपण ट्राफिक सिग्नल तोडतो आणि मग पोलीसवाला मामा आपल्याला थांबवतो आणि मग आपल्याकडून पैसे लुटतो.. तो सगळा प्रसंग सांगण्याचा प्रयत्न ह्या कवितेतून केला आहे...
आमची प्रेरणा: संदीप खरे ह्यांची 'नसतेस घरी तू जेंव्हा' ही कविता

रस्त्यात मामा आडवा येतो जेंव्हा...

रस्त्यात मामा आडवा येतो जेंव्हा...
जीव तुटका तुटका होतो...
फिरण्याचे विरती धागे
मूड फटका होतो...

रस्त्यात मामा आडवा येतो जेंव्हा...

नभ फाटून वीज पडावी
कल्लोळ तसा ओढवतो..
हि धारा दिशाहीन होते...
अन driving licence परका होतो...

रस्त्यात मामा आडवा येतो जेंव्हा...

येतात अपशब्द तोंडाशी
हिरमसून जाती मागे..
गप्प ऐकून सारा अपमान
तव मंन उदास होतो...

रस्त्यात मामा आडवा येतो जेंव्हा...

सांगा तुम्हीच मज काय
मी सांगू ह्या मामा...
त्याच्या खिसा वखवखलेला
मात्र हा आमचा लुटतो..
रस्त्यात मामा आडवा येतो जेंव्हा...

--संदीप

** कोणाच्याही भावना दुखावल्या आसतील तर क्षमस्व !!!

जातो म्हणतोस..हरकत नाही
एक पेग पेऊन जा

चपला घालतोस..हरकत नाही
एक जोडा खाऊन जा

नियम मोडतोस..हरकत नाही
एक फटका खाऊन जा

रडतो आहेस..हरकत नाही
एक रुमाल घेऊन जा

पुन्हा येतोस..हरकत नाही
एक डायपर घेऊन ये

पुन्हा लिहितोस??..हरकत नाही
कोणी मारल्यावर रडु नकोस

मिसळचाट पाहिजे..हरकत नाही
खायला घातल्यावर ओकु नकोस

काय्..लाल झाली..हरकत नाही
पुन्हा मी काय करतोस विचारु नकोस

एक चोरलेली कविता.

आज पुन्हा गपचूप घरी येऊन गप्प बसलो ...........

आज पुन्हा गपचूप घरी येऊन गप्प बसलो
कुणाला सांगू कि नको या धर्मसंकटामध्ये अडकून बसलो

आता बोललो तर ती काय म्हणेल
नाही बोललो तर मित्र काय म्हणतील
म्हणून आज कॉलेज मधून मान खाली घालून घरी कटलो............

आज पुन्हा गपचूप घरी येऊन गप्प बसलो
कुणाला सांगू कि नको या धर्मसंकटामध्ये अडकून बसलो

तिच्या मैत्रिणीशी ओळख काढायला गेलो
तिच्या आवडी बद्दल काही जाणायला गेलो
पण तिच्या मैत्रिणीच्याच आवडी निवडी ऐकून आलो.................

आज पुन्हा गपचूप घरी येऊन गप्प बसलो
कुणाला सांगू कि नको या धर्मसंकटामध्ये अडकून बसलो

आज मनाशी एक प्रण केले होते
काही झाले तरी बोलायचेच हे ठरवले होते
तिच्या साठी माझी बाईक विकून एक गिफ्ट घेतले होते

मग आज पुन्हा शेवटचेच गपचूप घरी येऊन गप्प बसलो
कुणाला सांगू कि नको या धर्मसंकटामध्ये अडकून बसलो....

आज निघालो तडक तिला भेटलो
तिला तुझ्या वर प्रेम आहे म्हणालो
"मुस्काटात खाल्ली जोरात", हातातले गिफ्ट खाली कोसळले
बॉय फ्रेंड आहे तिला समजताच रडू आवरले.....

मग नंतर काय झाले तुम्हाला माहीतच आहे

आज पुन्हा गपचूप घरी येऊन गप्प बसलो
कुणाला सांगू कि नको या धर्मसंकटामध्ये अडकून बसलो

मंगेश पावसकर

mgccmangeshpaw@gmail.com

आता पुन्हा बॉम्बस्फोट होणार...

आमची प्रेरणा - संदीप खरे यांची 'आता पुन्हा पाउस येणार' ही कविता

आता पुन्हा बॉम्बस्फोट होणार , घरादाराच्या चिंधड्या होणार,
सरकार किती परदेशी गेले ते शोधणार, रिक्षावाले गेले याचा विसर पडलेला असणार ,
अमेरिका संध्याकाळी निषेध करणार , सकाळीच त्यांनी 'पाक' ला शस्त्रे विकलेली असणार ,
इकडे पाटील कपडे बदलणार, देशमुख चित्रपट काढणार ,
'बाबा' रात्रभर पार्टीत नाचणार, बाहेर जोड्यांसाठी मंत्री उभे असणार ,
पद्मभूषण मात्र शाहरुख च ठरणार , काय रे देवा !

आता पुन्हा दुष्काळ पडणार, विदर्भ मराठवाडा होरपळून निघणार,
आबा रडायला लागणार, शिंदे हसतच राहणार ,
चव्हाण-ठाकरे दिल्लीला जाऊन निर्णय घेणार ,
'हे' वाघावर तर 'ते' इंजिनावर स्वार होणार ,
आमटे , बंग वेड्यागत अनवाणीच धावणार ,
जाणते साहेब मात्र लवासात स्विमिंग पूल उभारणार , काय रे देवा !

आता पुन्हा निवडणुका होणार, काळा पैसा सगळा बाहेर पडणार,
यांना जिजाऊ तर त्यांना दादोजी आठवणार ,
मातोश्री गरजणार, कृष्णकुंज आदेश देणार,
बाई 'झंझावाती' रोड शो करणार, उनाड च्यानेल्स बोकाळणार ,
अण्णा उपोषण करणार, कुणा कुणाचा 'स्वाभिमान' जागा होणार,
निवडणुकीची सुट्टी म्हणून आम्ही मात्र खंडाळ्याला जाणार, काय रे देवा !

आता पुन्हा अप्रेझल होणार , जो तो बॉस ला शिव्या देणार
बॉस त्याच्या बॉस च्या नावाने खडे फोडत असणार
कंपनी मात्र कागदावर तोटाच दाखवत राहणार
किती टक्के हाच महत्वाचा प्रश्न होऊन राहणार
पंधरा नाही तर दहा तरी द्या असे लाचार स्वर निघणार
'थाळात' मात्र एक टन उस ९० लाच तुटणार, काय रे देवा !
- सुभाष डिके (कुल)

तळटीपा :
१. 'थाळ' - ऊस तोडणीचे स्थळ
२. तोडणी मजुराला ९० रुपये टन हा अगदी अलीकडचा खरा भाव आहे
३. घटना व पात्रे खरे आहेत - योगायोग नाही