कंदमूळ-उन्हा़ळ्याचं फळ

मूळ हेच 'फळ' आहे ??

ऐला, भलतंच मोठं दिसतंय हे प्रकरण.. माणसाच्या निम्म्या उंचीचं..

मीही पहिल्यांदाच पाहिलं.. कोकणात पिकतं आणि मुंबईत खपतं असं असूनही खाण्यात येऊ नये आश्चर्यच आहे..

कदाचित याहून लहान भाग आणत असतील भाजीमंडईत आणि त्यामुळे आम्ही त्याला कोहळा भोपळ्याचा प्रकार किंवा लांबून पाहूनच एखादा दुग्धजन्य पदार्थ (खर्वसादि) मानून पुढे जात असू.

आता लक्ष ठेवतो.. अनवट प्रकार आमच्यापुढे ठेवल्याबद्दल धन्यवाद.. डोळे आणि मन उघडं ठेवून आजुबाजूच्या गोष्टी टिपण्याची तुमची हातोटी आनंददायक आहे.. मिसळीच्या धाग्यावेळीही हाच अनुभव आला होता..

भटजी, तुमचा खुप खुप राग आला आहे, पार लहानपणीची आठवण उजळवुन दिलीत, हे खाल्लंय, आणि याबरोबर मार पण खाल्लाय, ' लाकडाच्या ढलप्या' खाताय म्हणुन,

ते देउळ, तो खांब, देवळाच्या दगडी खिडकीत लावलेले लोखंडी गज, आणि समोर असलेली दगडी पायरी, समोरचा इस्त्रीवाला, छ्या स्क्रीन धुसर ह्वायलालागलंय.

लहान असताना खाल्लयं आणि हे काय आहे हे विचारल्याबद्दल मारही खाल्ला आहे. त्यामुळे आठवणीतून कसे जाणार हे.

- पिंगू

याच नाव टॉपिओका असून हे केरळ मधे जास्त प्रमाणात आढळते. हे मूळ असून फळ नाही. खोड ही नाही. याचा गाभा जवळ जवळ ९० टक्के
स्टार्च असून प्रक्रियेने यापासून साबुदाणा बनवितात. जगात अनेक प्रकारे याचे खाद्य प्रकार बनवितात .जास्त माहिती साठी विक्याचा पेड्या.

या माहितीत काही चुकीची माहिती असू शकते. कारण टॉपिओका ची मुळे इतकी मोठी दिसत नाहीत असे चित्र दर्शविते.
सबब चू भू द्या घ्या .

कोल्हापुरला एकदा खाल्लं होतं... जोतिबा देवस्थानी. मस्त गोड चव असते.

पण खायचं धाडस कधी केलं नाही. हे कंदमूळ एवढं मोठं वाढायला बरीच वर्षं लागत असतील ना?

गणपती बसतात त्या काळात हे फळ पुण्यामधे पाहिले आणी चाखले पण आहे. पुण्यामधे विक्रेत्याने कंदाचा काप जसाच्या तसा दिला.

२ वर्षापुर्वी हेच फळ बेंगलोर मधे खाल्ले तेव्हा विक्रेत्याने कंदाच्या कापावर लिंबु पिळले आणी साखर भुरभुरली. उभ्या उभ्या ३-४ काप खाल्ले :)

हा कंद रानात उगवतो. आत्तापर्यंत ह्या फळाचे नाव - कंदमुळ, रामकंद असेच ऐकले आहे.

पुण्यात बघितलेलं आहे, मुंबईत तर खूपदा बघितलेलं आहे. कधी खाल्लं नाही अजून.

कोल्हापूर व एकूणच त्याच्या आसपासच्या जंगल असणार्‍या भागातील गावातल्या मित्रांकडून ऐकल्य ह्याबद्दल.
मराठवाड्यात लातुरातलेही ह्याचा उल्लेख करायचे.

मुंबईत मिळते... पण ती माणसं फार चेंगट असतात.. पापडागत पातळ कापून देतात.. म्हणून परत खाल्ले नाही..

छानच.

नक्कीच पाहिले आहे पण कधी खाल्ले नाही. आता चव घ्यावी म्हणतो कधीतरी.

पाहिलेय, खाल्लेय आणि आवडलेय.....

धन्यवाद आत्मा...!

एकदम वेगळीच माहिती .. पुण्यामुंबईत मिळत असूनही प्रथमच पाहत आहे.. संधी मिळाली कि चाखून बघेन!
स्वाती

लहाणपणी पुण्यात खाल्लं होतं हे कंदमूळ. पिं-चिं भागात तो विक्रेता सायकलवरुन कंदमूळ-कंदमूळ असे हाळी देत होता. वडिलांना याची माहिती असल्याने त्यांनी सर्वांसाठी घेतले होत. चवीला जास्त गोड नसते. मुंबईला २-३ वेळा बघितले आहे.

उन्हाळ्यात पोटाला हे गार गार असते, हे मात्र आजच कळले. परत नक्की खाणार आहे. :)

आमचे एक मिपाकर इंडियाना जोन्स श्री वल्ली हे आजच पाडव्याच्या मुहूर्तावर नव्या मोहिमेस निघत आहेत. एका जुन्या बखरीत त्याना ही फळे
डायनासरॉस खात असत असे आढळले आहे. त्याना नव्या मोहिमेबद्दल विचारले असता ते म्ह्नणाले " जाअर्थी ही असली मोठीच्या मोठी फळे
अस्तित्वात आहेत त्याअर्थी ते डायनासरॉस देखील पृथ्वीच्या पोटात कुठेतरी लपून ही फळे खात असले पाहिजेत. अत्रुप्त आत्मा यांच्या जादूटोण्याच्या प्रभावाखाली डायनासरॉस नी काही फळे मार्केट यार्डात पाठवून दिली. मला यातून एक संशीधनाचा धागा मिळाला असल्याने मी
पाडव्याचा सुमुहुर्त साधून हपिसला आजाराची रजा टाकून निघत आहे. डायनासरॉस जरी नाही सापडले तरी मी नेट वरून त्यांच्या अंड्यांचे फोटो
मारून मिपावर एक धागा करेन . व प्रत्येक प्रतिसादामागे माझा " धन्यवाद प्रतिसादाबद्द्ल" असा दरवेळी कट पेस्ट करून तासाभरात सेंचुरी ठोकणार हे नक्की. याची मूळ ( याची म्हंजे या अशा सेंचुरीची ) कल्पना निश यांची असल्याने मी आताच त्यांचे आभार मानतो .....जय हिद ,,
जय महाराष्ट ...... "

पहील्यांदाच पाहीले, ऐकले हे कंद. :-)

करेक्शन - http://www.misalpav.com/node/17209 ह्या धाग्यावर पाहीले होते पण विसरलो होतो.

धन्यु गणपा!

http://www.misalpav.com/node/17209
योगेश२४च्या या धाग्याची आठवण झाली.

आजवर हा कंद*(?) केवळ जालावरच पाहिला आहे. भविष्यात कधी दिसला तर चाखुन पाहीन म्हणतो.

*कंद म्हटला की तो शक्यतो जमीनी खाली असतो. हा ही जमीनी खालीच वाढतो का?
येवढ्या मोठ्या कंदासाठी जमीनही तेवढीच भुसभुशीत लागत असणार.
मुटेकाका यावर अधिक प्रकाश टाकुशकतील अस वाटतय.
इतका स्वच्छ फोटो पाहुन तरी तो कंद आहे का? अशी शंका येतेय.

हे कंदमूळ जास्त खाऊ नये. मुलांना देऊ नये यात अर्सेनिक असते असे कोठेतरी वाचल्याचे आठवते. जास्त प्रमाणात खाल्यास वीषबाधा होऊ शकते. जास्त म्हणजे किती हे माहीत नाही. ते वाचल्यावर मी हे खाणे सोडले. पण या सगळ्याची खात्री करून मग आपापला निर्णय घ्यावा...

कंदमूळ म्हणून एक चकती खाल्ली आहे. पण या प्रकाराचं मूळ काय आहे, अजूनही काही कळलेलं नाही.
कोणी जरा तपशिलवार माहिती-बिहिती, फोटो-बिटो, वाचनीय लिंका-बिंका असेलेला प्रतिसाद दिला तर खुलासा होईल.

-दिलीप बिरुटे

.

ह्याला रामकंद म्हणतात. हे आरोग्यास हानीकारक आहे. हे बहुतेक घायपात ह्या झाडाचे मूळ असते. मागे ह्यावर सकाळ मध्ये लेख आला होता. आता तो लेख मिळत नाहीय नेट वर.