Qnet क्युनेट : आशियातील सर्वात मोठी फसवणूक साखळी २

त्यानंतर त्याने मला सांगितलं कि तुला यात काही अमाऊंट गुंतवावी लागेल कारण या अमाऊंट मधून तुझं इ -शॉपीचा ID विकत घ्यावा लागेल ती अमाऊंट ३. ५० लाख , ५. ५० लाख, ७. ५० लाख, १०. ५० लाख आणि या पुढे तू कितीही टाकू शकतेस. यावर मी ३. ५० लाख गुंतवू शकते कारण मी कोणाकडे मागायला जाऊ शकत नव्हती माझे आई बाबा भारत बाहेर होते आणि मी सासू सासऱ्याकडे मागु कसे? जे काही होत ते मला माझ्या जबाबदारीवर उभं कराच होत. मी त्याला माझा पैशाचा प्रॉब्लेम आहे पण मी बिझनेस साठी टाइम मॅनेज करू शकते असं सांगितलं. त्यावर त्याने बघ हि एक बिझनेस संधी आली आहे तुला बिझनेसमध्ये पैसे गुंतवावे लागतीलच आणि कुठला हि बिझनेस हा गुंतवणूक केल्याशिवाय चालत नाही. (बरोबर आहे पण मी अजूनहि कंपनी नाव विचारलं नाही???)आपण पुढल्या मीटिंगला भेटु तोपर्यंत तु पैशाची व्यवथा कर. असं बोलून Mr. परेश जाधव निघून गेला.

माझी मैत्रीणने मला सांगितलं तुला जे काही कमी पडतील ते तू माझ्या कडून घे. मी तुला पैशाची मदत करेन. मी कॉफे मधून बाहेर येऊन विचार करू लागली एवढे पैसे कसे जमा करू?. मी जॉब वरून लोन करते २लाखच आणि माझ्या मुलीच्या नावावर काही FD आहेत त्यावर मी लोन करते. तर मला कमीत कमी ३. ५० लाख जमा होतील (खूप कठीण होत मला भावनिकदृष्ट्य, माझ्या मुलीच्या भविष्यसाठी जी रकम ठेवली होती त्यावर लोन काढणं) पण जर हे सगळं चांगलं झालं तर मी तिच्या साठी अजून काही तरी चांगलं करेन. मी आई म्हणून तिचा आणि फक्त तिचाच विचार करत होती.

आता यात एक अजून मोठी आणि कठीण गोष्ट होती कि माझ्या नवरयाला समजावून सांगणं आणि माऊच्या (माझी मुलगी) नावावर असलेल्या FD वर लोन काढणं त्यासाठी त्याला तयार कारण खूप किचकट काम होत जे मला करायचं होत. माझा नवरा मुंबईच्या बाहेर होता. नोव्हेंबरच्या १० तारखेला मुंबईत परत येणार होता.

नोव्हेंबरच्या ६ तारखेला मी Mr. परेश जाधव भेटली होती आणि ८ तारखेला ८ वाजता एक आवाजाने आख्या भारताला हादरून सोडलं "मेरे भाई और बेहनो म्हणत ..... मोदीनी नोट बंदीची घोषणा केली.

(क्रमश.)