एकतर्फी प्रेम झाले आवरी संताप तू

विदेश's picture
विदेश in जे न देखे रवी...
21 Mar 2016 - 7:47 am

एकतर्फी प्रेम झाले आवरी संताप तू
वेदना मी बाळगावी हा दिला का शाप तू

वाटही पाहून झाली काळ तो सरला किती
ना घरी ओलांडले या उंबऱ्याचे माप तू

झुरत का मी राहिलो तव घेतल्या वचनावरी
का कधी शंका न आली मारली मज थाप तू

प्रेम केले तुजवरी मी सोडुनी धर्मासही
जागली धर्मास अपुल्या उलटुनीया साप तू

जन्म दुसरा खास घेइन गाठ पडण्या तुजसवे
मीहि देतो शाप तुजला घे शिरावर पाप तू ..
.

प्रेम कविताभावकवितामराठी गझलमुक्त कविताशांतरसकविताप्रेमकाव्यमुक्तकगझल

प्रतिक्रिया

अत्रुप्त आत्मा's picture

21 Mar 2016 - 10:42 am | अत्रुप्त आत्मा

व्वाह! ठेक्यात ठोकलय हो अगदी.

विदेश's picture

22 Mar 2016 - 5:58 am | विदेश

आत्मबंध -
प्रतिसादासाठी धन्यवाद !