...

कविता आणि प्रतिसाद वाचून वाटू लागलं, 'संस्थळ वयात आलं'*! ;)
*मराठी नाटकाविषयी असं माधव मनोहरांनी म्हटलं होतं. हा केवळ अतिरिक्त खुलासा आहे!!!

"या जॉनला कोणीतरी कोपर्‍यात घेऊन जमेल तितपत आडवा हाणा रे.."

सध्या केवळ कवितेचा आणि प्रतिसादांचा लुत्फ घेत आहे. :)

कुठेतरी वाचलं होतं "स्त्रीला एकाच* पुरुषाकडून सगळं हवं असतं आणि....".

एकूण कवितेतल्या अपेक्षा वाचून ते खरं ठरलं.
*कवयित्रीने पुरूष हवे आहेत असे अनेकवचनी म्हटल्याने एकाच पुरूषाकडून सगळ्या अपेक्षा नाहीत असे म्हणता येईल.

वाक्याचा दुसरा भागही खराच असणार. ;)

धम्माल!

प्रियाली, अदिती आणि शुचि यानी काही म्हणायला शिल्लक ठेवलं नाही!! तेव्हा तिघीनाही साष्टांग नमस्कार!

कविता पुरूषावरील असल्यामुळे, "अखुड शिंगी, बहुकामी" अपेक्षा आहे असे म्हणतो... :-)

या वर्णानाशी बर्‍यापैकी जुळेल असा एकमेवाद्वितीय पुरूष फक्त हाच असेल ;)

त्याला अ‍ॅक्शनमध्ये पहायचे असेल तर पूर्ण चित्रपट पहायचा पेशन्स आहे का नाही याची चाचणी करण्यासाठी आणि नाहीतर निव्वळ स्वत:ला विसरायला म्हणून खालील चित्रफीत पहा:

---------------------------------------------------------------------------------------
बाकी या विषयावरील Multiplicity नामक मजेशीर चित्रपट जर पाहीला नसला तर अवश्य पहा!

काय चावटपणा लावलाय रे मुलांनो !

आता बास करा मंडळी!
माझ्यासारख्या शिनियर शिट्टीझनला मधे पडायला लावू नका.;)
मगाशीच एक जान की कायसे नावाचा शिनेमात काम कर्णारा बुवा भेट्ला होता.
म्हटलं,"मेल्या तुला पुरेशे पैशे मिळ्तात की नै? आमचा माळीबुवासुधा आंगभर कपडे घालून येतोय."
त्याचं उत्तर आयकायला कै थांब्ले नै, तुळशीला पाणी घालून आपली घरात परत आले.

कविता आणि त्यानंतर चालु झालेला दंगा याने खूपच मनोरंजन झाले.

यानिमित्ताने आमचाही थोडासा फुटकळपणा -

बायका हव्या आहेत...
आजच्या पुरुषांना हव्या आहेत बायका,
आधुनिक, नखरेल आणि आकारबाज बायका,
स्त्रीत्वाचे भांडवल न करणार्‍या बायका
आणि पुरुषांच्या ह्या जगात स्वकर्तृत्वाने स्थान निर्माण करणार्‍या बायका.

दुपारच्या वेळेत डेस्कवर न झोपणार्‍या बायका,
चहा पिऊन झाल्यावर घरी पळण्याचे वेध न लागणार्‍या बायका,
प्रॉडक्शन रीलीजसाठी उशिरापर्यंत थांबणार्‍या बायका,
आणि डिफेक्ट आल्यावर हात वर न करणार्‍या बायका.

बसमधे लेडिज सीटवरुन उठायला न लावणार्‍या बायका,
आणि लोकलच्या जेन्टस डब्यात न लुडबूडणार्‍या बायका,
हॉटेलातल्या जेवणाचा तिरस्कार करणार्‍या बायका,
आपण असताना कशाला पाहिजे कामासाठी बाई असं म्हणणार्‍या बायका,
सायनाची मॅच बघू देणार्‍या बायका,
आणि सचिनच्या सेंचुरीवर उड्या मारणार्‍या बायका,
भाड्याच्या घरातसुद्धा पिरपिर न करणार्‍या बायका,
आणि चिक्कार पैसे मिळवूनसुद्धा टिमकी न वाजवणार्‍या बायका.

कुठे मिळतील अशा बायका?,
इतिहासात अस्तित्वात नव्हत्याच.
वर्तमानातदेखील औषधालासुद्धा सापडत नाहीत.
ट्रेनिंग सेंटर उघडलं तरीसुद्धा भविष्य धूसरच आहे.

हिंदी पिच्चरातला ओरिगिनल टॉल डार्क अ‍ॅण्ड हॅण्डसम हीरो!

तो डार्क टॉल ह्यान्डसम असेल पण बोलायला लागला की मात्र शेजारच्या माणूस दोन मैलांवर असल्यासारखे का बोलतो कोण जाणे?

<< कुठे मिळतील असे पुरुष? >>

असं कसं काय विचारू शकता तुम्ही? पुरूष म्हणजे काय निर्जीव वस्तू आहेत काय मिळायला? निर्जीव वस्तू मिळतात तर सजीव व्यक्ती भेटतात. असो, तुम्हाला असे पुरूष कुठे भेटतील किंवा मिळतील असा प्रश्न विचारावासा वाटला कारण तुमच्या
कवितेत व्यक्त केलेल्या अपेक्षा पूर्ण करणारे पुरूष "इतिहासात दुर्मिळ होते वर्तमानातही थोडेथोडकेच आहेत" असं तुम्ही पुढे म्हणताय.

आता प्रौढ असणारे पुरूष हे स्त्रियांनीच घडविलेले आहेत. आम्ही लहान असताना आमचे बाबा चरितार्थाकरिता कार्यालयात नोकरीला जात. साधारण दहा तास तरी घराबाहेर असत. आम्ही जास्त काळ आईच्याच सहवासात असू. त्याचप्रमाणे शाळेत ही शिक्षकांपेक्षा शिक्षिकांचीच संख्या जास्त होती. साधारण हाच अनुभव अनेकांचा असतो की वयाच्या अठरापर्यंत व्यक्ती घडत असते आणि या घडण्याच्या काळात अवतीभवती असणार्‍या प्रौढ व्यक्तींपैकी पुरुषांपेक्षा स्त्रियाच (आई / आजी / काकू / शिक्षिका इत्यादी) जास्त असतात. असे असूनही स्त्रियांकडूनच घडविले गेलेले पुरूष स्त्रियांच्याच अपेक्षांप्रमाणे असत नाहीत ही आश्चर्याचीच गोष्ट आहे.

याबाबत माझा स्वत:चा एक अनुभव (विस्तारभयास्तव सविस्तर तपशील टाळून) इथे मांडतो. मी २००८ साली दिल्ली मुंबई असा प्रवास राजधानी एक्स्प्रेसने करीत होतो. तेव्हा सहप्रवासी महिलेशी माझ्या बराच वेळ मनमोकळ्या गप्पा रंगल्या. काही मुद्यांवर आम्ही एकमेकांशी चक्क वाद ही घातला. इतका वेळ संवाद साधल्यावर आम्हाला एकमेकांच्या व्यावसायिक व खासगी जीवनाविषयी देखील बरीच माहिती मिळाली त्याचप्रमाणे स्वभाविषयीही ढोबळ मानाने कल्पना आली. त्यावेळी मी तिशीत होतो तर ती महिला साधारण पंचेचाळिशीची असावी (कारण तिचा मोठा मुलगा इंजिनीयरिंगच्या दुसर्‍या वर्षात शिकत असल्याचे तिने सांगितले होते). शेवटी निरोप घेताना तिने मला सांगितले, "तुझ्या स्वभावातल्या काही गोष्टी मला पटल्या, तर अनेक बाबी खटकल्या. अर्थात तुझ्यासारख्या स्वभावाचा माझा मुलगा असेल तर मला आनंदच आहे. पण थॅंक गॉड माझा नवरा तुझ्यासारख्या स्वभावाचा नाहीय. अशा स्वभावाचा मुलगा मिळणे अतिशय अभिमानाचे ठरेल, पण असा नवरा मिळाला तर ते फारच त्रासदायक ठरणार."

म्हणजे तिला नवरा म्हणून त्रासदायक वाटू शकणारा पुरूषाचा स्वभाव तिच्या मुलाचा असेल तर अभिमान वाटतो यातच सारे काही आले. स्त्रिया अशा पद्धतीने जर मुलांना वाढवत असतील तर त्यांनी वाढवून मोठे केलेले हे पुरूष पुढे इतर स्त्रियांना नकोसेच वाटणार.

तरीही या वरून योग्य तो बोध घेऊन तुम्ही आताच वय वर्षे पाच किंवा त्याहून कमी वयाच्या मुलग्यांना तुमच्या अपेक्षांप्रमाणे घडवू / वाढवू शकता. त्याकरिता तुम्ही शिक्षिका होणे अतिशय उत्तम. कारण तुम्ही जास्तीत जास्त मुलांना घडवू शकाल. म्हणजे निदान पुढे पंधरा वीस वर्षांनंतर तरी त्यावेळच्या महिलांना तरी असे पुरूष कुठे मिळतील? हा गहन प्रश्न पडायला नको.

अच्छा असे प्रशिक्षक आधी माझ्या हाताखालीच शिकायला येतात हे तुम्हाला कळले तर...

कधीही या. खाली संपर्क तपशील दिला आहेच.