परवा सहज तिच्या प्रोफाईलवर क्लिक केलेलं. नवा 'डीपी' आणि 'स्टेटस्' बघायला.
"Online" ह्या शब्दांतून जणू ती माझ्याकडे पाहतेय असंच वाटलं.... माझ्या हातापायातली शक्तीच गेली!
वाटलं, तिने पाहिल असेन का? मी तिचं प्रोफाईल बघताना. तिला मी "Typing..." असा दिसलो असेन का? बापरे! आता कस भेटणार तिला कॉलेजात?
आरारा, ओशाळून कसनुसं हसलो नि हळूच 'ब्याकचं' बटण दाबलं!
पुन्हा वाटलं, ती म्हणेल, "Typing..." तर दिसलेलं, मग काहीच कस नाही लिहीलं. मग पुन्हा हिंमत करून तिच्या प्रोफाईलात गेलो आणि लिहिल... "आज पहिल्यांदाच तुझा डिपी आणि स्टेटस बघितलय ग.... आई शप्पथ!....परत नाही बघणार."
सम्याचा काय मेसेज आलाय आत्ता! बघूया......"आव्या, तुला शितलीचा भाऊ शोधतोय! :/ "
- संदीप चांदणे
प्रतिक्रिया
6 Apr 2016 - 11:35 am | आदूबाळ
लोल! शशक बरेच दिवसांनी वाचायला मिळाली.
6 Apr 2016 - 11:40 am | रातराणी
खि खि खि :)
6 Apr 2016 - 11:44 am | विजय पुरोहित
सुरेख हल्की फुलकी कथा...
6 Apr 2016 - 11:46 am | एस
हाहाहा!
6 Apr 2016 - 12:30 pm | मराठी कथालेखक
जर तिच्याकडे याचा नंबर आहे (आणि तशी याला खात्री आहे) , याच्याकडे तिचा नंबर आहे तर मग प्रोफाईल,डीपी बघण्याचे काय मोठे टेन्शन ?
6 Apr 2016 - 12:38 pm | चांदणे संदीप
तुम्हाला खात्री आहे?
6 Apr 2016 - 1:25 pm | मराठी कथालेखक
असं त्याला वाटतंय म्हणजे तिने त्याचा नंबर सेव्ह केलेला आहे असंच तो मानतोय ना ?
6 Apr 2016 - 1:02 pm | टवाळ कार्टा
चॅट विंडो येते आणि "Typing..." असे दिसू शकते म्हणजे फ्रेंडलिस्टात आहे...म्हणजे तिच्या संमतीने तो तिच्या फ्रेंडलिस्टात आहे
फ्रेंडलिस्टात असूनही मेसेज पाठवायचा नाही / कमेंट लिहायची नाही अथवा काही ठरावीकजणांनीच मेसेज करावा / कमेंट लिहावी अशी अपेक्षा??? मग फ्रेंडलिस्टात अ‍ॅडवले तरी कशाला???
तो = low self esteem
ती = #$%@%$#@$#@...वरचा मेसेज पाहून डायरेक्ट भावाला सांगणे म्हणजे लैच रिकामे डोके =))
6 Apr 2016 - 1:30 pm | चांदणे संदीप
यातच सगळ आलंय! :D
(माझा जव्हेरगंज झालाय का?)
Sandy
6 Apr 2016 - 1:37 pm | टवाळ कार्टा
ओ...असे अर्धवट वाचू नका
तो = low self esteem
आणि
ती = #$%@%$#@$#@...वरचा मेसेज पाहून डायरेक्ट भावाला सांगणे म्हणजे लैच रिकामे डोके =))
थोडक्यात फक्त तो नाही तर दोघेही नग आहेत
6 Apr 2016 - 1:22 pm | भरत्_पलुसकर
झेपलीच नाय. डीपी बगितला म्हणून भावाला सांगितल? लईच कडू ; )
6 Apr 2016 - 2:24 pm | नाखु
दिनु गवळीशी घालून देणे.
भुताच्या भीतीने भाउच काय शीतली पासून सुटका होईल याची खात्री ! ह का ना का.
6 Apr 2016 - 1:48 pm | उगा काहितरीच
पुढचा भाग टाका...
6 Apr 2016 - 10:04 pm | जव्हेरगंज
नवा डीपी? म्हणजे जुना बघितला होतात तर !
कसं भेटणार? म्हणजे भेट ठरली होती तर!
आर्रर्र..तिच्या...! आसं झालं का? बरं मग..
लाखमोलाचा सवाल..! घामच फुटलाय बघा आमास्नीबी !
"ऑ लब्बाडा.. असं चोरुन चोरुन काय बघतो? खुल्लेआम बघ ना स्टेटस माझं" अश्या गरमागरम रिप्लायच्या प्रतिक्षेत... लवकर...लवकर..
बोंब ! खोबऱ्याचं तेल लावावं लागणार आता..! शोधा शोधा..! घाम फुटलाय आमास्नबी..!
7 Apr 2016 - 7:54 am | सिरुसेरि
तुमची ती " बाबा , तु आपिसला जाउ नको . तुला वाघ खातो" वाली गोष्ट भारी होती .
7 Apr 2016 - 8:59 am | अत्रुप्त आत्मा
छान लिहिलय