जात जातच नाही ... काय करू??

दादा
समाज म्हणून तुम्हाला फायदे हवेत कि प्रेम ? शहरात जातसमाजातून बहिष्कृत केलं तरी फरक पडत नाही. लग्न आणि दु:खद प्रसंगात काय ते तेव्हढेच नातेवाईक एकत्र येणं इतकंच सामान्यांच्या बाबतीत नातेसंबंध आणि जातीचं महत्व आहे. राजकिय व्यक्तींना मात्र जातीचं महत्व आहेच आहे.

आणखी एक मार्ग आहे. पण खडतर आहे. सामाजिक सुधारणेचं व्रत हाती घ्या. जातीभेद संपवा आणि मग सुरजभाऊच्या शिनुमामातल्यासारखं सगळ्यांनी एकत्र क्लोज अप फोटु काढुन घेत लगीन करा. लग्नात नातवंडांना मांडीवर बसू द्या

दीपकशेठ,

ती मुलगी जर मराठा असेल अन तेही छोट्या खेड्यातील, तर खरंच १०० वेळा विचार करा पळून वगैरे जाण्याआधी... तिच्या घरच्यांच्या आयुष्य नरक होऊन जाईल.. पुढे कदाचित माफ करतील ही तुम्हाला पण त्यांच्या जखमा कधीही भरून येणार नाहीत...

दिपकराव जरा पोरीच्या बापाचे आणी भावाचे बॅकग्राउण्ड सांगता काय ? शक्य ती मदत मिळवुन देउ,पन लक्षात ठेवा normally वाय झेड पब्लिक असत आमच्, खर्‍या खोट्या इभ्रतीसाठी मारायची आणी मरायची तयारी असते यांची त्यामुळे विचार करुन निर्णय घ्या.....

पाटीलबाबा तुमची तयारी समजू शकतो हो पण तुम्ही म्हणता तसे

खर्‍या खोट्या इभ्रतीसाठी मारायची आणी मरायची तयारी असते यांची

हे गुण मुलीत पण असले म्हणजे?
त्यामुळे तुमच्या इशार्‍याशी सहमत. दिपकराव विचार करून निर्णय घ्या

:) चालुद्या, सह्या करायच्या असतील तेंव्हा बोलवा..

पुण्याच काम आहे, आम्ही नाही म्हणत नाही,,..

तुम्हीच विचार करा.
- तुम्ही कुठे रहाता? गावात की शहरात? तुमचे उत्पन्नाचे साधन काय? समजा तुमचे काही बरे-वाइट झाले तर भावी पत्नी एकटीने जगू शकेल काय?
- दोघांना भाउ-बहीण आहेत काय? असतील तर त्यांची लग्ने झाली आहेत काय? बहीणींना जास्त त्रास होतो लग्न जुळवायला अशावेळी.
- तुमचे प्रेम आहे म्हणजे काय आहे? - म्हणजे मैत्री मग प्रेम? बघता-क्षणीच प्रेम?
- समाजामधे सगळी उदाहरणे दिसतील अशा प्रकरणामधील. - सुखांत (सगळे सरळ झाले), दु:खांत (खून, म्रुत्यु, घटस्फोट ... सगळे प्रकार होतात) त्यामुळे उदाहरणे शोधून उत्तर मिळणार नाही. तुमचे उत्तर तुम्हालाच ठरवावे लागेल.
- तुम्हाला कधितरी सामाजिक प्रश्नांवषयी आवड होती? असेल तर तुम्हाला त्यातील त्रासाची कल्पना आहे.
- तुम्ही पूर्वी कधी जे बरोबर वाटते त्यासाठी विरोध पत्करून वाटते ते केले आहे काय?

मुलिचे वडिल ज्या व्यक्तिला मानतात/ शक्यतो अशी व्यक्ति जिच्यावर आर्थिक कमाइची गणितेही अवलंबुन असतात मान असतो, त्यांच्याकडुनच जर मध्यस्ति करता आलि तर तुमचं काम होउ शकतं कोणालाच त्रास न होता. अन्यथा...

ये इष्क नही आसां इतना
इक आगका दरिया है
और डूबके जाना है !

दिपकशेठ

प्रश्न विचारुन गायबलात तुम्ही..
इतके सगळेजण इथे डोकी खाजवत बसलेत तुमच्यासाठी.. सांगा तरी तुम्हाला यातले उपाय पट्तायत की नाय ते....

तु नही और सही और नही और सही असा दृष्टीकोन ठेउन जगणे जमत असेल (तुम्हाला ही आणि तिलाही) तर विसरा तिला आणी पुढे जा. नपेक्षा तिच्याशीच संसार मांडणे उत्तम. तुम्ही तिलाच मनात ठेउन दुसृया कोणाशी लग्न केलेत तर तुमच्या २चे आणि तुमाच्य जोडीदारांचे अश्या ४ जणांचे आयुष्य बरबाद कराल.

बाकी राहिला प्रश्न भावंडांचा आणि घरच्यांचा तर त्यला काही इलाज नाही. होइल हळु हळू सगळे ठीक. सगळ्यांचे भले होइल. लग्न नाही केलेत तर मात्र तुमचे नुकसान होइल.

गुलाबी गँगला बो लावा बरोबर ठिकाणावर येतील सगळे.

पोरांनो सुखी रहा....

माझा एक ब्राम्हण मित्र आणि माळी मैत्रिणीचा असाचं प्रॉब्लेम झाला होता. दोघांच्या घरचे तयार नव्हते. शेवटी आम्ही मित्रांनी दोघांच्या घरच्यांना एकत्र बोलाऊन नीट समजावल तेव्हा कुठे तयार झालेत. दोघांचा साखरपुडा नुकताच पार पडला, आता लग्नाची तारीख ठरवायचं चालु आहे.
नीट समजावलं घरच्यांना तर तेही समजावुन घ्यायला तयार असतात. तुम्ही दोघं एकमेकांशिवाय कशी राहु शकणार नाहीत ते सांगा. तुम्ही तिच्या आईवडीलांची आणि ती तुमच्या आई-वडीलांची सदैव काळजी घ्याल हे ही सांगा. आई-वडील ऐकतात योग्य पद्धतीनी सांगीतलं तर. आणि नाहीच ऐकल तर दोघही सज्ञान असल्यान लग्न करु शकताच. समाजाच काय आहे हो? चार दिवस बोंब मारतील नंतर विसरुन जातील. तुमचं मनापासुन प्रेम असेल एकमेकांवर तर एवढी रिस्क नक्कीच घ्यायला पाहीजे. आयुष्य तुम्हाला समाजातल्या सो कॉल्ड जात-पोलिसांबरोबर काढायचं आहे की तुमच्या प्रेमाबरोबर ते पण पहा.

(प्रेम व्यक्त नं करता आल्यानं तिच्या लग्नाला जायला लागलेला) मन उधाण वार्‍याचे.

एक कन्फेशन.

धागा पाहताक्षणीच ह्यात इतके मुक्तपीठीय पोटेन्शिअल असेल असं ह्या पामरास खरंच वाटलं नव्हतं ;)

आमचा घोड्यान्चा धन्दा आहे. पान्ढरे, काळे, खरबे उपलब्ध.
जमले कि सान्गा. खास सवलत पण देवू.