चोर कुणाला म्हणावे

मित्राची प्रतिक्रिया फार बोलकी आहे. तुमचं नेमकेपणाने मर्मावर बोट ठेवणंही आवडलं (आधी प्रवाशांचं आणि मग पोलिसांचं क्रौर्य. नंतर पोलिसांनी चोराला आधी हिंदु का मुसलमान असे विचारणं, वगैरे). उत्तम वर्णन केलंत मानवी स्वभावाचं, रोजच्या आयुष्यात आपण किती सहजपणे भष्टाचार आणि stereotypes सहन करतो (आणि कधी कधी मान्यही करतो) त्याचं टोकदार उदाहरण. लेखनशैलीबद्दल बोलायचं तर हा लेख कोणत्याही अग्रगण्य दैनिकात सरावलेल्या लेखकाने लिहावा इतका छान जमलेला आहे. अर्थात्, याचा असाही अर्थ होतो की मिपा केवळ हौशी लेखकांचं व्यासपीठ नव्हे तर उत्तम, कसदार लिखाणाचंही 'घर' झालंय. (याची बरीच इतर उदाहरणं आधीही दिसली आहेत.)

>>>लेखनशैलीबद्दल बोलायचं तर हा लेख कोणत्याही अग्रगण्य दैनिकात सरावलेल्या लेखकाने लिहावा इतका छान जमलेला आहे. १००% सहमत.

अगदी वेगळाच अनुभव. काहीसा विषण्ण करणाराही. खरं तर पोलिसांची अवस्था, त्यांचा भ्रष्टाचार वगैरे विषय म्हणजे कोंबडी आधी की अंडं आधी असला प्रकार आहे. पण शेवटी समाज किडतोय एवढं मात्र नक्की. बिपिन कार्यकर्ते

अगदी सरळ शैलीतला, खूप परिणामकारक लेख. माझ्यामते ३०२ रुपये चोरणारे अधिक खतरनाक आहेत.

कठीण आहे यावरून काही निष्कर्ष काढणे! प्रत्येकजण आपापल्या जागी बरोबर (किंवा चूक) असतो. वस्तुस्थिती आहे, म्हणून सोडून द्यावे. "Great Power Comes With Great Responssibilities"

छान लिहिला आहे अनुभव.. जो लाच घेतो तो चोर. जो लाच देतो तो चोर. (घेणार्‍यापेक्षा मोठा) जो आपल्या स्वार्थासाठी,फायद्यासाठी कायदा-नियम तोडतो तो चोर. जो पायरेटेड चित्रपट बघतो, गाणी डाउनलोड करतो,सॉफ्टवेअर वापरतो तो चोर. आपण या गोष्टींचा जेंव्हा स्वतःला त्रास तेंव्हाच समोरचा चोर अशी बोंब ठोकतो कृपया हे वाक्य वैयक्तिक घेऊ नये. मी इथे जेंव्हा "समाज कसा सुधारावा, कीड कशी नष्ट करावी" असल्या "गप्पा" वाचतो तेंव्हा मला मनापासून प्रश्न पडतो की यातले किती जण वरील पैकी एकही गोष्ट करत नसतील..जर कुणी तसा / तशी असेल तर माझा त्याला / तिला _/\_ . ही फक्त स्माईली नाही,मी त्याच्या / तिच्या घरी येऊन साष्टांग दंडवत घालायला देखील तयार आहे. एकदा अविनाष धर्माधिकारी (माजी आय. ए. एस. अधिकारी) यांना एकाने भाषणानंतर प्रश्न विचारला की " तुम्ही चाणक्य मंडळ मधे शिकणार्‍यांच्या कॅरॅक्टर-बिल्डींग साठी काय प्रयत्न करता". त्यांनी काय उत्तर दिले आत्ता आठवत नाहीय (मला तेंव्हा ते न आवडल्याने), पण जो पर्यंत सगळ्यांचे असे कॅरॅक्टर बिल्डींग होत नाही तो पर्यंत अशा गोष्टी होतच राहणार.अर्थात ज्याच्यापुढे पोटात काय ढकलायचे हा प्रश्न आहे त्याला असे काही सांगितले तर तो म्हणेल 'कॅरॅक्टर गेले गाढवाच्या **त'. (गरीब म्हणजे कॅरॅक्टरलेस असा अर्थ कृपया घेऊ नये) मला स्वतःला गांधीजींचे "बी द चेंज यु वाँट टु सी" हे वाक्य फार आवडते आणि मी ते आचरणात आणण्याचा प्रामाणिक प्रयत्न करतो..अर्थात ते खूप अवघड असल्याचे मला कळुन चुकले आहे.

छान कथा! :) अहो तश्या चोर्‍यामार्‍या चालायच्याच. प्रत्येकाला पोट आहे अन् जो तो आपापल्या वकुबाप्रमाणे कामं करत असतो.. आता शिर्षकाचे उत्तर -

चोर कुणाला म्हणावे?

जो पकडला जातो त्याला! :) आपला, (चोर) तात्या.

चांगलाच अनुभव..यामुळे आपण पुढे होऊन समाजकार्य (पोलिसांना मदत) करावे की नाही अशी शंका मनात येते.. माझा एक मित्र चोरी झाली म्हणून पोलिस स्टेशनला गेला होता. तेथे पोलिसांनी पहिल्यांदा त्याचीच व्यवस्थित माहिती घेतली. आणि नंतर "च्यायला लाख लाख रुपये जातात तर लोकं गप्प बसतात आणि फालतू ५-१० हजाराची चोरीची तक्रार काय करता" असे म्हणून अक्षरशः हाकलवले..आता बोला.. खादाडमाऊ

लेखनशैलीबद्दल बोलायचं तर हा लेख कोणत्याही अग्रगण्य दैनिकात सरावलेल्या लेखकाने लिहावा इतका छान जमलेला आहे. नाही हो आम्ही आपले हौशी लेखकच..... चोर कुणाला म्हणावे? जो पकडला जातो त्याला! तात्या मस्त उत्तर, खरोकर जो पकडला जातो तोच चोर ठरतो ==निखिल

"तुम जैसे छोटे लोगों की यहीं प्रॉब्लेम है| कितनी बार कहा है, चोरी करना जुर्म नहीं, पकडे जाना जुर्म है| " :( >>बाई:- " काय रे तु हिंदु आहेस की मुसलमान?" :? चला, म्हणजे धर्माधारीत आरक्षणं गुन्हेगारीतही यायला लागलेली दिस्ताहेत. असो, ह्या गोष्टीला बुध्दीवादी दृष्टीकोनातून अनेक छटा आहेत, 'चोर चोरी का करतो?', 'चोर सुधारावा म्हणुन काय करावे?', 'पोलीस लाच का घेतात?', 'पोलीसांची वैयक्तिक आयुष्याची कुतरओढ' वगैरे वगैरे!!!! आता ह्या मुद्द्यांवर ते-ते जग जवळून पाहिलेले लोक आपापल्या अनुभवविश्वाच्या कसोट्यांवर घासून पडताळून निरनिरळी उत्तरं देऊ शकतील.. पण एक सर्वसामान्य माणूस म्हणुन माझं वैयक्तिक मत तर इतकंच असेल 'काही सन्माननीय अपवाद वगळता, ही पोलीसयंत्रणा म्हणजे मढ्याच्या टाळूवरचं लोणी खाणारी' !!!! ह्या वाक्याला वैयक्तिक अनुभवही कारणीभूत आहेत. अगदी, वाक्याच्या उत्तरार्धाचा अनुभव कित्येकांना आलेला असेलच, पण पुर्वार्ध (सन्माननीय अपवाद वगळता..)ह्याचाही अनुभव काहींना नक्कीच असेल! असो, बा देशपांड्या, ह्या निमित्ताने का होईना, पण खरडवहीतून बाहेर पडून आपण मुख्य धाग्यावर बर्‍याच दिवसांनी धागा प्रवर्तकाच्या भुमिकेत दिसलात ह्याबद्दल अंमळ बरे वाटले :)