पुन्हा एकदा, "कानसेन कोण?"

बहुगुणी in जनातलं, मनातलं
7 Aug 2011 - 3:22 am

नमस्कार!

जुनी-नवी प्रसिद्ध मराठी आणि हिंदी गाणी निवडून त्यांचे मुखडे, किंवा कधी कधी अंतरे, प्रश्नकर्त्यांनी पेश करायचे, आणि रसिकांमधील 'कानसेनां'नी प्रतिसादांत ते गाणं ओळखायचं, आणि कमीत कमी वेळात त्या मूळ गाण्याची ध्वनीफीत आणि चित्रपटातील असेल (आणि उपलब्ध असेल) तर त्याची ध्वनीचित्रफीत या दोन्हींचे दुवेही द्यायचे, अशा स्वरूपाची 'कानसेन कोण?' ही स्पर्धा गेल्या वर्षी सलग चार आठवडे चालली, आणि मिपाच्या वाचकांनी त्याला उत्स्फूर्त प्रतिसाद दिला. ३० ऑगस्ट २०१० रोजी सांगता झालेल्या २३ भागांच्या या स्पर्धेत १८८ जण विजेते ठरले.

ही स्पर्धा सुरु होऊन आता वर्ष उलटलंय. मधल्या कालावधीत मिसळपावावर बरीच नवीन मंडळी येऊन दाखल झाली आहेत. तेंव्हा वर्षपूर्तीच्या मुहूर्तावर पुन्हा एकदा 'कानसेन कोण?' ही मालिका सुरू करावी असा प्रभो, गणपा, चतुरंग, रेवती, मस्त कलंदर, मेघवेडा प्रभृतींचा विचार आहे.

ही स्पर्धा-मालिका लवकरच सुरू होईल, आणि ती चालू ठेवण्यात मी जमेल तसा भाग घेईनच, पण गतवर्षीप्रमाणेच डॉ. प्रसाद दाढे, प्रदीप इत्यादि दर्दी मंडळींचाही सहभाग असेल अशी आशा आहे.

तर व्हा तयार स्पर्धेत भाग घेण्यासाठी!

****************

पुनःप्रत्ययासाठी या आधीच्या २०१० मधल्या स्पर्धांचे दुवे खाली एकत्र दिलेले आहेत:

- बहुगुणी

संगीतप्रश्नोत्तरेविरंगुळा

प्रतिक्रिया

सोमवारची वाट पहात आहे
7 Aug 2011 - 4:42 am | गणपा

सोमवारची वाट पहात आहे. :)

मी पण...
7 Aug 2011 - 9:51 am | मस्त कलंदर

मी पण...

+१ असेच म्हणतो.
7 Aug 2011 - 1:09 pm | बिपिन कार्यकर्ते

+१

असेच म्हणतो.

सध्या बेरोजगारीमुळे फार वेळ
7 Aug 2011 - 7:32 am | ३_१४ विक्षिप्त अदिती

सध्या बेरोजगारीमुळे फार वेळ मिळत नाही, पण जमेल तशी हजेरी लावेनच.

वाट बघतेय
7 Aug 2011 - 9:51 pm | स्मिता.

मागच्या वर्षी भाग घेवू शकले नव्हते. यावर्षी जमेल तसा सहभाग घेईन.

मजा येणार
7 Aug 2011 - 11:13 pm | प्रभो

मजा येणार :)

रेडी आहे
8 Aug 2011 - 10:38 am | मुलूखावेगळी

रेडी आहे :)