श्रीगणेश लेखमाला : एक सिंहावलोकनात्मक चिंतन

सर्वच लेखांना मिपाकरांचा भरभरून प्रतिसाद मिळाला. कुणी या लेखांना मोदकाचं रूपक दिलं, आणि सर्वांनी रोज नव्या मोदकाची वाट पाहिली. प्रत्येक लेखकानेही इतर लेखांचं कौतुक करणारे प्रतिसाद दिले. असे प्रतिसाद मिळणार असतील, तर लेखकालाही लेख लिहिण्यासाठी प्रोत्साहन मिळतं. या लेखमालेने काही लेखकांना आणि प्रतिसादकांनाही पुन्हा लिहितं केलं, हाही एक फायदाच झाला. भरघोस प्रतिसादांसाठी वाचकांचंही कौतुक करायलाच हवं.

या मालिकेसाठीच्या सर्व ज्ञात अज्ञात सहभागींचे मनःपूर्वक अभिनंदन आणि कौतुक !!!!!!

चांगला आढावा.
सं. मं.चे आणि सर्व लेखकांचे एकत्रित आभार.
आता प्रतिक्षा दिवाळी अंकाची! तोही सुंदर असणार.

जितकी सुरेख लेखमाला तितकंच सुरेख सिंहावलोकन...

ही मालिका म्हणजे खरोखरच मेजवानी होती.
आजचा लेख कोणाचा आणि कोणत्या क्षेत्रा विषयी याची रोज सकाळी उत्सुकता वाटत होती.
दर दिवशी एका नवे सरप्राइज सर्व वाचकांना मिळत होते .

या लेखमालेसाठी प्रत्येक लेखकाने आणि प्रत्येक लेखकाच्या बरोबरीने संपादक मंडळाने घेतलेली अपार मेहनत पदोपदी जाणवत होती. सर्व लेखकांचे, संपादकांचे आणि इतर सहभागी व्यक्तींचे मनोमन आभार.

शतशब्दकथा आणि गणेशलेखमालेच्या पार्श्र्वभूमीवर दिवाळी अंकाबद्दलची उत्सुकता अतिशय ताणली गेली आहे.

मिपाचा या वर्षीचा दिवाळी अंक पण असेच दणदणीत यश मिळवो ही शुभेच्छा.

पैजारबुवा,

सर्व लेख सुंदर, प्रेरणादायी होते. सर्व लेखकांचे, मिपा संपादक मंडळाचे मनापासून आभार.पुढील अंकही असाच सुंदर व्हावा ! शुभेच्छा !

लेखमालेतले सगळेच लेख चांगले होते.
वेगवेगळ्या क्षेत्रातले अनुभव हे त्या-त्या क्षेत्रात नवीन येणार्‍या लोकांना कामाला येतील. लेखमाला संपली असली तरी असे वेगवेगळे अनुभव ज्यांना असतील त्यांनी या नंतरही नव्या येणार्‍या लोकांना फायदा होईल, प्रेरणा मिळेल या साठी ते लेख लिहावेत असं वाटतं.

लेखमाला खूप आवडली!

रोजच्या जीवनांत, व्यवसायात, भूतकाळात, वर्तमानकाळात विचारांचा, अनुभवांचा भलामोठा गुंता निर्माण होत असतो. तो नीट सोडवून त्याची वेगवेगळी रिळे भरून ठेवणे ही गरज आणि मौज असते. अशी सुंदर भरलेली रिळे जेंव्हा रसिक श्रोत्यांसमोर, वाचकासमोर उलगडली जातात आणि त्या रंगीबेरंगी धाग्यातून लेखरुपी एकसंघ वस्त्र निर्माण होतं तेंव्हा वाचकांइतकीच, 'व्वा!' अशी आपलीही भावना होते. ते समाधान, तो आनंद शब्दात वर्णिता येत नाही. अशा आनंदाचा अनुभव मिपामुळे मिळाला. अत्यंत मर्यादित सर्क्यूलेशन असलेल्या 'समांतर भाग्य' ह्या मासिकात माझे अनेक लेख छापून आले, युरोपातील मराठी मंडळानेही छापले आणि दुबईच्या मंडळाच्या मासिकानेही छापले. ह्या सर्वातून जो आनंद मला मिळाला, जे कौतुक केलं गेलं त्या सर्वाचा पाया मनोगत आणि मिसळपाव ह्या दोन संस्थळांनी घातला.
मध्यंतरी मिसळपाववर चालणार्‍या डू आयडींच्या मारामार्‍या, प्रमाणाबाहेरील उथळपणा, दुस्वास इत्यादींनी मन विटलं होतं. त्या सर्वावर श्रीगणेशलेखमालेने स्वच्छतेचे आणि मांगल्याचे पांघरूण घातले. वाचकांच्या प्रतिसादाने 'अजून कांही तरी लिहावे', हा हुरुप आला. खुप ज्ञान मिळाले, प्रेरणा मिळाली, नवचैतन्य लाभले.
ह्या लेखमालेसाठी अहोरात्र झटणार्‍या संपादक, साहित्यसंपादकांनी स्वतः मागे राहून आम्हाला झळकायची ही संधी उपलब्ध करून दिली त्या बद्दल त्यांचा मी शतशः ऋणी आहे.
धन्यवाद.

इतक्या सुंदर सिंहावलोकनाला मनापासून सलाम.

हे सिंहावलोकन हाच एक अप्रतिम लेख आहे. तुमच्या मुद्रितशोधन व्यवसायातल्या अनुभवांवर एक लेखमाला येऊ दे आता!

एका कौतुकास्पद उपक्रमाचा तितकाच वाचनीय आढावा !
नूलकरकाका, अतिशय अचूक आणि तत्पर मुद्रितशोधनाबद्दल तुमचंही अपार कौतुक आहे !

सुंदर सिंहावलोकन

संपुर्ण लेखमाला खूप आवडली. प्रत्येक लेखावर प्रतिसाद द्यायला जमले नाही पण प्रत्येक लेख आवर्जुन वाचावा असा होता. आणि हा आढावा देखील तेवढाच उत्तम.

शुध्दलेखनाचे बारकावे, संदर्भ या सर्वच बाबतीत तुमचा शब्द प्रमाण मानला जात आहे. आमच्या सारख्या हौशी मंडळींसाठी तुमच्यासारख्या तज्ञ व्यक्तीचा हातभार लागला हे भाग्यच आहे असे मानतो. मनापासून धन्यवाद.

सं. मं.चे आणि सर्व लेखकांचे आभार.अतिशय प्रेरणादायी विषय निवडला गेला लेखमालेसाठी.तितकेच सुंदर लेख वाचायला मिळाले.या लेखमालेसाठी कष्ट घेतलेल्या प्रत्येकाचे कौतुक.
सिंहावलोकनहि सुरेख.

अतिशय उत्तम झालेल्या या वर्षीच्या श्रीगणेश लेखमालेचा सुंदर समारोप!

सर्वच लेखकांना खूप धन्यवाद! इतके सुंदर लेख एकामागोमाग एक वाचायला मिळाले. आणि चांगल्या लिखाणाला मिपावर प्रतिसाद मिळत नाहीत ही गैरसमजून खोडली गेली. त्यासाठी भरभरून प्रतिसाद देणार्‍या वाचकांचेही आभार! अगदी मनापासून धन्यवाद स्वतः नूलकरांना! दिवाळी अंकासाठी ते आम्हाला नेहमी मदत करतातच, पण या वेळी हे जास्तीचे काम. त्यांनी वेळात वेळ काढून या मालिकेतील प्रत्येक लेख निर्दोष करा राहील हे पाहिले. तुम्ही अजून जास्त लिहीत जा हो!

आदूबाळाने ही अभिनव कल्पना मांडली तेव्हाच मालिकेचे यश निश्चित झाले होते. मात्र तिचा पाठपुरावा करणे, लेखकांना चिकाटीने लिहा लिहा करून लेख वेळेत पुरे करून घेणार्‍या संपादक आणि साहित्य संपादकांचेही प्रचंड कौतुक. दोन्ही अन्या दातारांनी स्वतःच सुंदर लेख लिहिले आहेत. मिपासंवादच्या इतर सदस्यांनीही खूप छान सहभाग दिला.

मिपावर साहित्य संपादक असावेत ही कल्पना अजयाने मांडली आणि नीलकांतने लगेच अंमलात आणली. ती किती यशस्वी ठरली हे शशक स्पर्धा आणि श्रीगणेश लेखमाला यानिमित्ताने पहायला मिळाले. या निमित्ताने साहित्य संपादकांचे जाहीर कौतुक करण्याची संधी घेत आहे!

एकूण मजा आली! मंडळी, असाच उत्साह दिवाळी अंकासाठी आणि इतर उपक्रमांसाठी दाखवा! इत्यलम!

गणपतीबाप्पा मोरया!

हे सिंहावलोकन खूप आवडले.
गणेशलेखमालेतील निर-निराळ्या क्षेत्राबद्दलची माहिती, अनुभव वाचताना खूप छान वाटले.
एक स्तुत्य उपक्रम आम्हा वाचकांसाठी उपलब्ध करुन दिला त्याबद्दल संमं आणि सासंमं ह्यांचे मनःपूर्वक आभार.

संमं आणि सासंमंचे दोन कारणांसाठी आभार. एक, इथल्या अफाट यशस्वी लोकांच्या कारकीर्दीबद्दल वाचता आलं यासाठी, आणि दुसरं माझ्या या यशस्वी लोकांच्या खिजगणतीतही नसलेल्या करियरबद्दलसुद्धा तितक्याच आत्मीयतेने विचार करून, माझ्याकडून ते योग्य पद्धतीने लिहून घेण्यासाठी.
नूलकर काकांनी छोट्यातल्या छोट्या चुकासुद्धा नुसत्या सुधारल्याच नाहीत, तर त्यांच्यामागची कारणमीमांसाही समजावली. मिपावरचे सुंदर लेख नेहमीच वाचले जातात. पण नवख्या लेखकाकडून लेख लिहून घेण्याचं काम हे सगळे लोक किती छान करतात हे कळणं हा एक सुंदर अनुभव होता.
धन्यवाद!

सुधांशुजी, सिंहावलोकन मस्त केलय.
सगळे लेख ग्रेटच होते.

सुधांशूदादा, खूप खूप धन्यवाद. आम्ही लिहिलेल्या शब्दांना व्याकरणाचे अन शुध्द्लेखनाचे अंगडेटोपडे सुरेख चढवून सादर केलेत. तुमच्या मुद्रीतशोधनानंतर किती फरक पडतो हे अनुभवले आहे.
या लेखनमालेत खरेतर मी शेवटचा राखीव भीडू ठरेन असे वाटले होते. पॅड बांधून बसावे अन कोल्ड्रिक्स पिऊन घरी जावे हा प्लान होता. आदूबाळाने हातात ब्याट देऊन मैदानात पाठविलेच शेवटी. त्याच्या आग्रहाला बळी पडलो अन हा लेख लिहिला. मिपाकरांचे प्रेम आहेच. संपादकमंडळ आणि मालकांना विशेष धन्यवाद.
(पुढच्या मॅचला कायतरी वेगळा प्लान करायला पायजे ;) )

सुंदर लेखमालेचं तितकंच तोलामोलाचं अवलोकन.
जियो.

अप्रतिम लेखमालेचे तितकेच सुंदर सिंहावलोकन !

या लेखमालेतील लेख म्हणजे श्रीगणेशाच्या गळ्यात घातलेल्या साहित्यरुपी हारातले दहा हिरे होते !!

छान समारोप केलाय
लेखमाला तर सुंदर होतीच

एका सरस लेखमालेचा तितकाच सरस समारोप.

श्री गणेश लेख मालेतील सर्व लेख आवडले आणि या सर्व लेखांचे सिंहावलोकन देखील सर्वार्थाने चिंतनीय आहे. :)
या सर्व लेखांतुन लेखकांचे अनुभव विश्व, जिद्द, चिकाटी,प्रामाणिकपणा,कला इं आणि अनेक गुणांशी नव्याने परिचय झाला. या सर्व लेखक मंडळींकडुन आपल्यास बरेच काही शिकणे आहे, याची जाणीव मला प्रकर्षाने झाली....

मदनबाण.....
आजची स्वाक्षरी :- डगा डगा वई वई वई..... :- KALI TOPI LAL RUMAL (1959)

ही लेखमाला म्हणजे खरच एक अप्रतिम अनुभवांची माळ आहे. सर्व लेखकांना आणी मिपा टीमला मनापासून धन्यवाद !

एक प्रश्न : जर आणखी कोणाला स्वताच्या करियर विषयी लिहायचे असेल तर ते शक्य आहे का? कारण लेखमाला ही १० लेखांचीच होती आणी अतिशय सुंदर असे १० लेख आधीच आल्याकडे आहेत.

आयुष्यात कोणीही विचारले यापुढे की तुम्ही मिसळपाववर का जाता तर त्यास ही लेखमालिका अतिशय योग्य उत्तर आहे. असेच आणि यापेक्षाही अधिक चांगले लेख मिपावर मुसळधार पावसाप्रमाणे कोसळत राहोत ही गणरायाचरणी प्रार्थना.

सुरेख लेखमालिकेचे त्याच तोडीचे सिंहावलोकन करुन समारोप.धन्यवाद आणि कौतुक सर्व संबंधितांचे.

अतिशय सुरेख सिंहावलोकन.
लेखमाला अप्रतिम होती. ती यशस्वी करण्यासाठी झटणार्या सर्वच लोकांचे खूप खूप आभार.

तितकेच किंवा जरा जास्तच चांगले सिंहावलोकन... आता सासं मंडळाला एक विनंती की नवरात्रा निमित्त अजून एक दर्जेदार लेखमाला [किंवा लेख माळ - जशी दीपमाळ असते तशी] चालू व्हावी...

सिंहावलोकन आवडले. खुपच सुंदर.
लेख मालिका अतिशय दर्जेदार झाली.

-दिलीप बिरुटे

मिसळपाव !!
खरंच अप्रतिम उपक्रम.प्रोफेशिनॅलिझम म्हणजे काहीतरी जड,बोजड, रुक्ष, रटाळ,सपक हा संदर्भ दूर केला या लेखमालेने. सर्व लेखक प्र्तिसादक, प्रतिसादक आणि वाचक यांचे अभिनंदन!
आणि सिंहावलोकन तर अप्रतीम! जे लोक ओरिजिनल लेख वाचू शकले नाहीत त्याना आणि ज्यांचे वाचून झाले असेल त्यांना परत एकदा वाचायला उद्युक्त करणारे.
माझे स्वतःचे काहिही कॉन्ट्रीब्युशन नसताना आपण उगीचच ग्रेट आहोत असे वाटणे हा आणखी एक फायदा

नूलकर काकांनी लेखमालेचा अतिशय सुंदर समारोप केला आहे. त्यांच्या मुद्रितशोधनानंतर लेखात खरोखर खूप फरक पडतो हे जाणवते आहे. आता मी लेख लिहिताना किती चूका केल्या आहेत हे समजुन येते आहे आणि त्या चूका खड्यासारख्या टोचत आहेत. त्यामुळे नूलकर काकांना अनेक धन्यवाद. संमंला आणि आदूबाळला देखील पुनःश्च एकवार धन्यवाद.