'मुंबई' कट्टा १९ मे २०१२

वृत्तांत मस्त लिहिलायस रे अन्या! फोटो कुणी काढलेत की नाही?

पनीर फोटूमुळे

छायाचित्रं नसल्याने कट्ट्यास मजा आल्याचे विशेष जाणवले नाही. छोट्याशा वृत्तांतात लघुरुप शब्दांचा मुक्त वावर आणि वापर, माझ्या सारख्या मूढ सदस्यास, वृत्तांत गोंधळविणारा वाटला. 'आजच्या तरूणांची भाषा' असे म्हणून, चाळीशी पुसून, सकाळपासूनचा चहाचा चवथा कप तोंडास लावला.

ए फोटू कुठाय ? फोटु फोटु फोटु ;)

फोटू फोटू फोटू....! झ्याक आले हायती...

काय गडबड चालवली आहे रे सर्वांनी...... जयपाल आजोबांनी त्यांच्या महागड्या सॅमसंग गॅलेक्सी टॅब मधुन सुंदर फोटो काढले आहेत. टाकतील ते थोड्याच वेळात. मी माझी डिटेल प्रतिक्रिया टाकेन काही वेळाने. अन्याला काल सर्वांनी प्रेशराईज करुन कोणत्याही परिस्थितीत आज धागा टाकच रे असा दम देऊन ठेवला होता म्हणुन त्याने बिचा-याने आज लगेच वृत्तांत टाकला. काल मस्त मजा आली. आम्हा बाकीच्यांच्या प्रतिक्रिया वाचुन आणि फोटो पाहुन तुम्हाला त्याचा अंदाज येईलच. जाता जाता - रामदास काका, सर्वसाक्षी काका आणि ज्यांच्यामुळे आम्ही मिपावर एकमेकांनी ओळखायला लागलो त्या तात्यांची उणीव खुप जाणवली. ते तिघे काल आले असते तर आणखीन मजा आली असती.

वृत्तांत आवडला. कट्टा वृत्तांत आवडला यासाठी की लेखनात प्रचंड स्मायल्या दिसल्या नाहीत, उगाच टींबटींब, बाण, असं विनाकारण लक्षवेधक काहीही न दिसल्यामुळे कट्टा वृत्तात सुसह्य आणि वाचनीय झाला. धन्स. :)

कट्टा वर्णनात फोटो पाहिजेच होते अर्थात बाकीचे सदस्य आता भर घालतीलच म्हणून फोटोच्या प्रतिक्षेत.

>>>>> १] नि.दे.- म.क. यांतील खरा संपादक कोण ?
च्यायला, या गोष्टींचा कधीच विचार मनात डोकावला नाही. अधिक तपशील काही वाचायला मिळेल काय...
[दोघेही ह.घे. घेतील]

-दिलीप बिरुटे

<रत्नांग्री> यां पेंक्षां वृंत्तांतं टांकंलां नंसंतां तंरीं चांलंलें अंसंतें हों, झंप्यां ... हें अंसें चंटांवंरंच्या श्रांध्दांसांरंखें उंरंकंलेंनींतं!!

काल संध्याकाळी ५ ला स्पाचा फोन. म्हणे "कुठे आहात खरे" ? मी पण मख्खपणे त्याला "मी आत्ता बोरिवलीत आहे पण निघतोय आता, पोहोचतो आता लगेच ६ पर्यंत" असे म्हणालो. त्यावर त्याने हताशपणे "ये रे बाबा लवकर" असं म्हणुन फोन ठेवला. मी शार्प ६.३० ला पोहोचलो. :) तेव्हा तिथे स्पा, सौरभ उप्स, चचा आणि पुश्कर गोल करुन गप्पा मारत बसले होते. मी पण त्यांना जॉईन झालो. मग माननीय विमे आले आणि आम्ही आत जाऊन बसुया म्हणुन हॉटेल मध्ये शिरलो तर तिकडे लाद्या पुसत होते, बाहेर जा म्हणाले. मग परत बाहेर आलो. मोठा ग्रुप आहे बघितल्यावर आम्हाला बसायला खुर्च्या मांडुन दिल्या. वारा छान वाहत होता त्यामुळे बाहेर पण खुप मजा येत होती. एकेक जणांना फोन करुन तो येतोय / नाही येत याचा अंदाज घेणं सुरु होतं. तेवढ्यात अन्या दातार चा फोन आला. अरे तुम्ही कुठे आहात असं गोंधळुन विचारत होता. मी इकडे तिकडे पाहिलं तर एकजण शॉर्ट्स आणि टीशर्ट मध्ये फोनवर बोलत फिरत होता. मी उत्साहात अन्याला तु शॉर्ट्स घालुन आलायस का रे ? असं विचारलं, तर बिचारा बावचळला. मग थोड्या वेळाने हा भाई केईएम समोर असलेल्या नाव समान असलेल्या हॉटेल मध्ये आहे असं कळलं. मग तो तेथुन १५ मिनिटांत आला आणि आम्हाला जॉईन झाला. मग मकी आणि निदे आले आणि आम्ही सर्व जण आत गेलो. तोपर्यंत जयपाल पण आले होतेच. मग आत परत गप्पांची मैफल रंगली. अनेक विषय डिस्कस केले गेले, ज्यामध्ये अवलिया कोण ? (हा प्रश्न दर कट्ट्याला बाय डिफॉल्ट असतोच आणि त्याचं उत्तर कोणाकडेच नसतं), धमु का ऑनलाईन नसतो, आणि असे अनेक प्रश्न चर्चिले गेले. ( खरड / व्यनि पाठवुन "कोणते प्रश्न रे ?" असं विचारु नये. म्हणजे खरड पाठवा हवं तर पण उत्तर मिळणार नाही). अनेक ईंटरेस्टिंग गोष्टी कळल्या. हे सर्व चालु असताना लज्जतदार पदार्थ येत होते. पनीर च्या अनेक डिश टेस्ट केल्या. प्रास दादांचं सिलेक्शन मस्त होतं. एकेक डिश अप्रतिम चवीची होती. विमे, पुशकर (नाव बरोबर लिहिलाय. ह्याला पुशकर बदलुन घ्यायचाय. सारखं कोणीतरी ढकलताय असं वाटतं त्याला बहुदा) अनेक नवीन गोष्टी सांगत होते. निदे आणि मकीला सतावणं चालुच होतं. पण निदे बिचारा शांतपणे सर्व ऐकुन घेत होता. बोलता बोलता २-२.५ तास असेच निघुन गेले. एकदा मी आपणही लाईव्ह अपडेट्स देऊ असं म्हणालो पण मागील ठाणे कट्ट्याच्या वेळेस लोकांचं निम्म लक्ष अपडेट्स देण्यात होते आणि त्यामुळे गप्पा नीट रंगल्या नाहीत असं काहीजणांच मत पडलं. पण काहीही असलं तरी सॉल्लिड म्हणजे सॉल्लिड मजा आली. परत एकदा तात्या, रामदास काका आणि सर्वसाक्षी काकांची कमतरता जाणवली. ते असते तर जास्त मजा आली असती. ते सर्वजण काही कामात बिझी असल्याने येऊ शकले नाहीत. पण ह्या एका मिपामुळे मी टोटली अनोळखी लोकांना बिन्धास्तपणे भेटु शकलो. ह्याच मिपामुळे अन्या दातारला त्याने कधीही न पाहिलेल्या मिपाकरांना भेटावसं वाटलं, ह्याच मिपामुळे स्पा इतक्या रात्रीपर्यंत थांबुन ठाकुर्लीपर्यंत गेला. हे सर्व तात्यांमुळे झाले. मिपा असंच बहरत राहो आणि असे कट्टे वरचेवर होवोत हीच इच्छा. कालच्या कट्ट्याला हजर असलेले बाकी मिपाकर ह्यात भर घालतीलच.

कट्टा नक्की झाला का याविषयी शंका आहे. तुम्ही कॉन्स्पिरसी करून खोटा वृत्तांत कशावरून दिलेला नाही.

आम्ही डोळ्यांनी फोटो पाहू तेव्हाच विश्वास ठेवू.

अरे अन्या शेवटी का होईना मी पण फोन केला होता की रे !! ते लिहीलंच नाहीस. बाकी काही अपरिहार्य कारणास्तव येणे झाले नाही.

अन्या दातार, अमोल, जयपाल यांचे वृत्तांत, फोटू आवडले.
निदे बिचारा शांतपणे सर्व ऐकुन घेत होता.
मकची कृपा आहे ही. ;)
नेहमीपेक्षा हा कट्टा गुणी मुलांचा का वाटला? ;)
एकंदरीतच इनो घेण्याची वेळ.

कट्टा उत्तम झाला राव.. माझा हा पहिलाच कट्टा होता.

स्पा ला आधीपासून ओळखत होतो, चचा व विमे यांना रायगड दौर्यावर भेटलो होतो त्यामुळे हे तिघे सोडले तर बाकी सगळ्यांशी पहिल्यांदाच भेट झाली, सर्वांना भेटून खूप छान वाटले .....

करा लेको मजा करा!
मटार उसळ खा! शिक्रण पोळी खा! चैन करा! एकतर सगळ्यांनी जमायचे, वर पोट्भर गप्पा मारायच्या
हादड हादड हादडायचे आणि वर फोटो पाठवून आम्हाला खिजवायचे कुठे फेडाल ही पापे?
फोटो बाकी मस्तच हं!
पुढच्या कट्ट्याला शुभेच्छा!

अखेर (उन्नीस) १९ तारखेला कट्टा ठरला आणि मग काय स्पा उर्फ (मन्या फेणे) यांनी कट्ट्याला अपेक्षित मिपाकरांची यादी धाग्यावर दिली. यावरुन हाटेल्च्या बाहेर काही काळ व्यतित करावा लागल्याने मग स्पा आणि विमे यांच्यात पैज लागली विमे म्हणे स्पा अरे तु अपेक्षित असे धाग्यावर नमुद केलेच नाहीस मग काय तर स्पा गप्प बसेल तर तो स्पा कसला? लगेच त्याने एक हाती पैजेचा विडा उचलला आणि विमेपुढे आव्हान उभे केलेन की मी जर अपेक्षित असा शब्द धाग्यावर नमुद केला आहे जर असा शब्द असेल तर मला रुपये ५००/- द्यायचे आणि जर नसेल तर तु मला रुपये ५००/- द्यायचे...
शेवटी स्पाने बाजी मारली पण हार मानेल तो विमे कसला त्याने स्पष्ट्च सांगितले की मी कुठे मान्य केले तुला रुपये ५००/- देईन म्हणून....

शेवटी एकदा हाटेलात गेल्यावर ओळख परेड झाली आणि कट्ट्याला खर्र्या अर्थाने सुरुवात झाली :) यात नव्याने ओळख झालेले मिपाकर: नि.दे, स्वाती तै, अमोल खरे, पुशकर

मग काय गप्पा टप्पा आणि खादाडी खादाडी आणि नुसती खादाडी

वृत्तांत आवडला.
मुंबई कट्टा जेव्हा सुरु होता तेव्हा पुण्यात पुणेकरांचाही राजधानीमध्ये समांतर कट्टा चालू असल्याने जळजळ झाली नाही. मोदक, ५० फक्त, प्यारेकाका, गणामास्तर, कवि गणेशा, पिंगू आणि अस्मादिकांनी मिळून आमरसाचा मनसोक्त आस्वाद घेतल्या गेला.

समांतर वेळेत मनसोक्त अनलिमिटेड भोजनाचा फन्ना उडवला गेल्याने इनो घ्यायची वेळ टळली..

- पिंगू

कट्ट्याला आलेल्या सर्वांचे आभार. मी सगळ्यांना पहिल्यांदाच भेटत होतो तरी पण कोणी अनोळखी वाटले नाहीत . खूप विषयांवर बोललो , चमचमीत पदार्थांचा आस्वाद घेतला...
असेच कट्टे वरचेवर होऊदे .

मस्त कट्टा झालेला दिसतोय.
बाकी मुंबई कट्ट्याला ठाणेकरांची उपस्थिती अम्मळ कमीच दिसते आहे. ;)

अवांतरः फोटो ४ मध्ये निदेंनी अशी 'गलगले स्टाईल' पोझ का घेतली आहे बरे?

आता फोटो आले असले तरी चटावरचे श्राद्ध उरकल्यासारखा छोटासा वृत्तांत टाकल्याबद्दल अन्याचा निषेध!
बाकी मस्तच म्हणायचं :( :)

(फोटोजनित जळजळग्रस्त ) यक्कू

त्या पनीर कडे बघून अक्षरशः तोंडाला नुस्त पाणी सुटलेलं, कसातरी खाण्यावर किंचित सय्यम ठेऊन मी काढलेला हा फोटो.

अप्पर वरळीत जमलेला मराठमोळा मिसळपाव चा कट्टा आणि त्याचा वृत्तांत व फोटो लाजवाब
शाकाहारी कट्टा झाल्याने शाकाहारी मिपाकरांना आनंद वाटला झाला असेल.
अजून नवे नवे सदस्यांनी अश्या कट्याला हजेरी लाऊन परस्परातील स्नेह वृद्धिंगत करत आहेत हे पाहून आनंद झाला.
पुढील कट्याला आगामी शुभेच्छा.

वा वा वा!
फुल्टु धम्माल

तरी मी त्याला सांगत होतो की माझ्या नादाला लागु नकोस.

वर चचा म्हणतोय त्याप्रमाणे कट्टा १९ ला असावा की २० ला हा महत्त्वाचा प्रश्न होता. २० ला असता तर मला पूर्ण वेळ थांबता येणार होतं पण १९ ला ठरल्याने माझी उपस्थिती अर्धवेळच असणार होती. (खरं तर विमे आणि स्पांनी मी येणार नाही असंच गृहित धरलं होतं.)

मी वेज ऑल्वेजला पोहोचे पर्यंतअंगणात मिपाकरांची मस्त मैफल जमली होती. विमे, जयपाल, स्पा, चचा, अमोल खरे, सौरभ, पुश्कर यांच्यात मी जॉईन होतोय तोवर अन्या, निदे, म.क. आले आणि आम्ही वेज ऑल्वेजवर चढाई केली. हॉटेल माझ्या माहितीचं असल्याने ऑर्डर देण्याची जबाबदारी माझ्याकडे होती ती बहुदा मी योग्य पाळली असावी असा अंदाज आहे. स्टार्टर्सची ऑर्डर देई पर्यंत 'मी कस्तुरी' देखिल डेरेदाखल झाली.

ओळखपरेडी आणि मिपा नि मिपाबाह्य इतर अनेक प्रकारच्या गप्पांमध्ये बरोबरच मागवलेल्या स्टार्टर्सच्या खाण्यामध्ये दोन तास कसे गेले ते कळलंच नाही. मग मी मेन कोर्ससाठी तीन वेगवेगळ्या प्रकारच्या सिझलर्सची ऑर्डर दिली. दरम्यान गप्पा सुरूच होत्या. ही ऑर्डर येण्यापूर्वीच घरी परतण्याची ऑर्डर मला फोन वरून मिळाल्याने दु:खी अंतःकरणाने आणि हलक्या पोटाने ;-) मी घराकडे प्रस्थान केलं. पण मला वाटतं की मी मागवलेले सिझलर्स चवीला सगळ्यांनाच आवडले असतील. (अजून तरी कुणी त्याला नावं ठेवलेली वाचनात आलेली नाहीत :-))

या कट्ट्याचा प्लस पॉईन्ट हा की मुंबईकर मिपाकरांच्या ओळखी झाल्या. आता पुढला जोरदार कट्टा दक्षिण मुंबईतच घ्यायचा यावर शिक्कामोर्तब इथेच होऊ द्या. बाकी कार्य सिद्धीसाठी मिपाकर समर्थ आहेतच. :-)

वा वा ...
बरिच मजा केलेलि दिस्तेय :)