प्रेरणा : - अर्थात हीच! मिसळलेला काव्यप्रेमी यांनी ह. घ्यावं. मूळ कविता फारच सुंदर आहे. तिला मी दिलेली दाद समजावी. :)
भर दुपारी चाललेला गायनाचा तास आहे
सांग कैसी काढु डुलकी, ताप हा डोक्यास आहे
झोप येता धावली ती बावळी कार्टीं तुझी गं
सोड तू छंदास या, हा मद्गळ्यासी फास आहे
तान लावोनि भसाडी, रेडक्याला साजिरीशी
गंध नाही त्या सुरांचा.. च्यायला! वनवास आहे
'सा' मधूनी 'रे' निघाला, बांधली पेटी कुणी गं?
सूरसूर्या लागलेले त्वदग्रहण खग्रास आहे!
रोज शिक्षा कृष्ण-पाण्याची, जरा बक्षी जिवाला
चार क्षण झोपेन म्हणता, काय साला त्रास आहे!
|- त्रासलेला निद्राप्रेमी -|
(रोजचंच आहे. तारीख कुठली द्यायची?)
मात्रा : गानत्रागा गानत्रागा गानत्रागा गानत्रागा
वृत्त : नीजभंगा
प्रतिक्रिया
15 Dec 2011 - 1:31 am | गणपा
चांगल 'खत' मिळाल्याने हल्ली विडंबकांचं पीक ही जोर धरु पहातय. ;)
मस्त रे.
15 Dec 2011 - 2:17 am | पुष्करिणी
शेवटच्या कडव्याची पहिली ओळ नाही बसत मिटरमधे..
15 Dec 2011 - 2:23 am | मेघवेडा
मूळ कवितेत त्या ओळीत यतिभंग असल्याकारणाने इथंही तेच. विडंबनांत मूळ कवितेतल्या यतिमात्रादि जशाच्या तशा उतराव्यात या मताचा मी असल्याने इथंही ते तसंच उतरवलं. :)
15 Dec 2011 - 4:17 am | वीणा३
मुळ कविताही सुंदर आणि विडंबनही झकास :)
15 Dec 2011 - 6:28 am | सुहास झेले
ह्येच म्हणतो :)
15 Dec 2011 - 8:48 am | प्रचेतस
झक्कास.
15 Dec 2011 - 8:54 am | यशोधरा
मात्रा : गानत्रागा गानत्रागा गानत्रागा गानत्रागा
वृत्त : नीजभंगा
LOL! :D
कामं नाहीयेत का रे ऑफिसमध्ये मेव्या सद्ध्या! :)
15 Dec 2011 - 8:59 am | क्रान्ति
अफाट विडंबन! मात्रा आणि वृत्तनिर्मितीबद्दल साष्टांग दंडवत...................... :)
15 Dec 2011 - 9:15 am | विदेश
" मस्त "
लगावली : त्रासगात्रा त्रासगात्रा त्रासगात्रा त्रासगात्रा
वृत्त : रोजदंगा
15 Dec 2011 - 9:23 am | गवि
परफेक्ट मीटरात विडंबन..
ठ्ठो...
ठार...
खल्लास...
क्या बात.. क्या बात.. क्या बात...
15 Dec 2011 - 9:29 am | प्रीत-मोहर
यशोमावशीशी पुर्णतः सहमत ...
मेव्याला सध्या हापिसात काम नाहीये. :)
:)) =
15 Dec 2011 - 2:13 pm | यशोधरा
मावशी होंगे हमारे दुश्मन! :P
15 Dec 2011 - 3:10 pm | प्रीत-मोहर
बरां तर यशोताय मिया तुका मावशी म्हणानय ना आयच्यान.
15 Dec 2011 - 3:34 pm | यशोधरा
बाप्रे. एकदम आईपरेंत पोहोचू नको गं. :)
बाकी ठीक.
15 Dec 2011 - 3:59 pm | प्रीत-मोहर
अग बै आजपासुन म्हणा होतय मी.
15 Dec 2011 - 4:27 pm | यशोधरा
LOL! असंय होय! वक्के, वक्के मग. :)
15 Dec 2011 - 9:34 am | चतुरंग
काल कविता वाचली तेव्हाच म्हंटलं हाप्पिच डिलिवरी आहे कुणी स्टेडियम बाहेर कशी नाही टोलवली! ;)
गानत्रागा आणि नीजभंगासाठी पेश्शल मार्क्स! ;)
(समानशील) चतुरंग
15 Dec 2011 - 9:36 am | अत्रुप्त आत्मा
सत्ते पे सत्ता............. :-)
15 Dec 2011 - 9:52 am | रमताराम
ये म्मारा. हा मेव्या साला केसुगुर्जींची उणीव भासू देत नाही हल्ली.
मात्रा : गानत्रागा गानत्रागा गानत्रागा गानत्रागा
वृत्त : नीजभंगा
येकदम हिट्टं.
15 Dec 2011 - 9:54 am | प्यारे१
खी खी खी खी.
(हे कवितेसाठी की विडंबनासाठी असे कृपया विचारु नये . ;) )
15 Dec 2011 - 9:55 am | कवितानागेश
च्यायला! :D
15 Dec 2011 - 9:57 am | सूड
वाह !!
15 Dec 2011 - 9:59 am | स्पा
ख्या : ख्या : :D
__/\__
15 Dec 2011 - 10:17 am | लीलाधर
चपखल विडंबन फारच चान चान :)
15 Dec 2011 - 10:18 am | जाई.
झकास विडंबन
15 Dec 2011 - 10:48 am | उदय के'सागर
अप्रतिम विडंबन.... खल्लास... हहपुवा....मार डाला :D
15 Dec 2011 - 10:57 am | पाषाणभेद
फोटो छान आलेले आहेत.
शेवटून दुसर्‍या फोटोत आनंद बक्षी आहे काय?
कॅमेरा कुठला वापरलात?
15 Dec 2011 - 2:38 pm | sneharani
झकास जमलय विडंबन!!
15 Dec 2011 - 4:06 pm | इंटरनेटस्नेही
=)) =)) =)) =)) =)) =)) =)) =))
15 Dec 2011 - 4:38 pm | ५० फक्त
जबराट विडंबन.
15 Dec 2011 - 7:37 pm | देविदस्खोत
वाहवा !!!!! वाहवा !!!!! अतिउत्तम !!!!!!
15 Dec 2011 - 7:43 pm | परिकथेतील राजकुमार
मस्त... सुरेख.
पहिल्या कडव्याची शेवटची ओळ सोडली तर वृत्तातही चपखल..
सांग कैसी काढु डुलकी, ताप हा डोक्यास आहे (इथे 'सांग कैसी पटवू पोरगी, बाप हा गावास आहे' कसे वाटते?)
मला वाटतं, वृत्तातही ही ओळ तांत्रिकदृष्ट्या बसते आहे.
पण "काढु" या दोनाक्षरी जडाक्षराने अविचारी ताण बसतो आहे.. वृत्तात म्हणताना नेमके "काढु" वर तोडावे (काळजी घेण्याचे ठिकाण) लागत असल्याने बोचरा कोपरा झाला असावा..
हे एरवी जाणवायचं अजिबात कारण नव्हतं. पण बाकीच्या ओळी बर्मुडात आणि हिच ओळ टाईटस असल्यानेच जाणवतंय रे.. तुझ्या कवितांमधे हाच प्रॉब्लेम असतो. हँड रमी सारखी नशिबवान असते त्यामुळे टेबलावरती एकच नोट असल्यासारखे बोचतं..
15 Dec 2011 - 7:45 pm | किसन शिंदे
मुळ कविता आणी दोन्ही विडंबनं(एक विजुभौंनी केलेलं आणी दुसरं हे) मस्तच आहेत.
15 Dec 2011 - 8:09 pm | मदनबाण
झकास...
15 Dec 2011 - 10:49 pm | प्रभो
ह्म्म!! बरं झालंय विडंबन...
17 Dec 2011 - 10:48 pm | पैसा
सध्या मेवेला हापिसात झोपा काढायला मिळत नाहीत बहुतेक! सगळाच त्रास एकदम आठवलाय!
18 Dec 2011 - 11:17 am | सुहास..
हाण्ण हाण्ण लेका !!
तान लावोनि भसाडी, रेडक्याला साजिरीशी
गंध नाही त्या सुरांचा.. च्यायला! वनवास आहे
=)) =)) =))
मान मोडिशी कामाशी , वृषभास जुंपल्याशी
वक्र गतीच त्या खुरांची..त्रासच ! मुंग्यास आहे