अन्वयचा बाळकडू वरचा लेख वाचला आणि परवाची गोष्ट आठवली ती लिहावी म्हटले.
-------------------------------------------------------------------
हा आठवडा चिरंजिवांच्या ह्या शालेय वर्षाचा शेवटचा आठवडा. शनिवारपासून सुट्टी सुरु होईल आणि थेट सप्टेंबरात शाळा उघडेल तेव्हा मुलगा पहिलीतून दुसरीत जाईल.
परवाची गोष्ट, मुलाला टेबल्स करुन द्यायचे मनात आले, टेबल्स म्हणजे पाढे. म्हटलं त्यालाच लिहायला लावूयात म्हणजे अनायसे लिहूनही होतील. क्रिएटीविटी चं भूत डोक्यात ना!
मनाशी कल्पना घोळवत होतो काय करावे. एकदम त्याला सांगायला नको कारण नाही म्हणणार हे माहीत होते.
मग वेगळाच पवित्रा घेतला
मी : "एक कागद दे रे, मला टेबल्स करायची आहेत."
तो : "कशाला टेबल्स?" (हल्लीची मुलं प्रश्न फार विचारतात बुवा - आम्ही मुकाट्याने कामं करायचो असं आठवतंय)
मी : "मला टेबल्स लिहावीशी वाटताहेत, माझी विसरली आहेत त्यामुळे पाठ करायची आहेत."
तो : थोडा विचार करुन, "ओके." फोल्डर काढून एक कागद दिलान. (त्यावेळी त्याच्या डोळ्यात एक वेगळीच चमक होती..)
मी मनात स्वतःवरच खूष म्हटले वा रे पठ्ठे बरोब्बर लागू पडली मात्रा!
त्याचं एकीकडे लेगो की कायसं खेळणं सुरुच होतं. मी फारसं लक्ष नाही असं दाखवत होतो. त्यालाच पट्टी, पेन्सिल, रंगीत खडू वगैरे मागितले त्यानं इमाने इतबारे दिलेन.
मला वाटलं चला फसत चाललाय गडी आता घोळात घेऊयात. कागद घेतला रेघा वगैरे मारल्या. नंतर एकामागे एक चार फोन आले मग ते काम तसंच राहिलं...
----------------------------------------------------------------------------------
काल संध्याकाळी बायको म्हणाली.
"काय म्हणताहेत टेऽऽबल्स?" (प्रश्न सरळ कधी आला तर शप्पथ!)
मी : "अरे हो. आज करायला हवीत. काल तशीच राहिली. आज गप्पा मारता मारता हळूच त्यालाही कामात ओढतो!"
बायको (छद्मी हसत) : "हॅहॅहॅ..चिरंजीव काय सांगत होते माहिते का आज शाळेतून आल्यावर?"
मी : "काय?"
बायको : "म्हणाला, आई, बाबा काय करणारेत मला माहिती आहे. त्यांना कशाला हवीत टेबल्स ते तर कॅलक्यूलेटर वापरतात!
स्वतः आधी टेबल्स काढायला सुरुवात करतील. मग थोडी टेबल्स काढून झाली की मला बोलावून घेतील आणि आपण दोघं करुयात म्हणून हळूच माझ्याकडून सगळं लिहून घेतील!!"
मी स्तंभित झालो. टेबल्सचा बेत रहित झाला. परवापासूनचा रेघा मारलेला कागद मला अजूनही हॅहॅहॅ करुन चिडवतोय असं वाटतं!
मनात म्हटलं चतुरंगा पोरानं तुला कधीच मात दिली आहेन, पहिले पाढे पंचावन्न!!
चतुरंग
प्रतिक्रिया
23 Jun 2009 - 7:54 pm | अवलिया
हॅ हॅ हॅ
--अवलिया
23 Jun 2009 - 8:01 pm | यशोधरा
बेटा सवाई आहे! =))
काही वर्षांनी चतुरंगजींच्या विडंबनांचीही विडंबने नक्की वाचायला मिळणार! वाट पाहते! :)
23 Jun 2009 - 8:02 pm | परिकथेतील राजकुमार
चेकमेट झाले की रंगाशेठ ;)
º°¨¨°º© परा ©º°¨¨°º©
फिटावीत जरा तरी जगण्याची देणी, एक तरी ओळ अशी लिहावी शहाणी...
आमचे राज्य
23 Jun 2009 - 8:37 pm | निखिल देशपांडे
चेकमेट झाले की रंगाशेठ
असेच म्हणतो...
बापसे बेटा सवाई....
==निखिल
24 Jun 2009 - 10:33 am | दशानन
खी खी खी खी खी खीखी खी खीखी खी खीखी खी खी
=))
रंगासेठ.... बच्चे को बचा मत समज ना... तुम्हे कच्चा चबा जायेगा... डकार भी नही लेगा.... =))
लहान मुलांना मी जाम घाबरतो ;)
थोडेसं नवीन !
23 Jun 2009 - 8:05 pm | श्रावण मोडक
बुद्धी आणि बुद्धीचे बळ यांचे महत्त्व असे समजणार होते तर तुम्हाला! :)
23 Jun 2009 - 8:06 pm | सहज
हा हा हा!
चेकमेट झाले मालक.
23 Jun 2009 - 9:38 pm | ३_१४ विक्षिप्त अदिती
पहिले पाढे पंचावन्न!
23 Jun 2009 - 9:52 pm | स्वाती दिनेश
चेकमेट झाले मालक.
अगदी अगदी... :)
स्वाती
24 Jun 2009 - 12:18 am | धनंजय
पहिले प्यादे x e५(वजीर), शह आणि मात!
23 Jun 2009 - 8:10 pm | संदीप चित्रे
ह्याला म्हणतात बाप से बेटा सवाई !
तुझी पावलं ओळखायची कला बहुतेक आईच्या पोटातूनच शिकून आलाय ;)
23 Jun 2009 - 8:15 pm | अनामिक
अगदी हेच म्हणतो...!
-अनामिक
23 Jun 2009 - 8:17 pm | धमाल मुलगा
हे सगळं वाचुन आता काही काळानं 'बाळा, मला शिकवू नकोस, मी तुझा बाप आहे' असं म्हणण्याचीही सोय उरणार नाही असं वाटायला लागलंय.
----------------------------------------------------------------------------------------
::::हल्ली चालु असलेल्या मराठी-आंतरजालीय-टोळीयुध्दाचा आपण एक भाग नाही आहात? काय सांगता? स्वतःला कर्कवृत्ती मराठी माणुस कसे काय म्हणवता?::::
23 Jun 2009 - 9:08 pm | घाटावरचे भट
असेच म्हणतो.
23 Jun 2009 - 9:23 pm | बिपिन कार्यकर्ते
मालक, काही काळानं काय? ऑलरेडी वाईट अवस्था आहे. आजचा डायलॉग सांगितलाच आहे तुला.
बिपिन कार्यकर्ते
23 Jun 2009 - 9:32 pm | श्रावण मोडक
त्यांचे डिंकाचे लाडू अजून तयार झालेले नाहीत. त्यामुळं ते काही काळानं असंच म्हणणार... ;)
23 Jun 2009 - 9:37 pm | बिपिन कार्यकर्ते
खरंच की.... सध्या नुसताच गूळ काढणे चालू आहे. डिंकाला वेळ आहे.
बिपिन कार्यकर्ते
23 Jun 2009 - 8:58 pm | टारझन
ख्या ख्या ख्या !!! अफाट =)) =)) =))
23 Jun 2009 - 9:02 pm | क्रान्ति
मुलं मिपा वाचत नाहीत, म्हणून सगळे हात धुवून मुलांच्या मागे लागलात की काय? तिकडे त्या आदीचा कात्रज वाचून होत नाही, तर इकडे पुन्हा चिरंजीवांच्या कागाळ्या! ;) [ह. घ्या हो!] बाकी, आजकालची लेकरं खरंच सवाई! आपल्यासारखी "मुकी बिचारी कुणी हाका" अशी नाहीत!
लेख आवडला.
क्रान्ति
ध्यानम् मूलम् गुरुमूर्ति, पूजामूलम् गुरु पदम्
मंत्र मूलम् गुरुवाक्यम्, मोक्षमूलम् गुरुकृपा
अग्निसखा
23 Jun 2009 - 9:08 pm | प्राजु
=)) =)) =))
- (सर्वव्यापी)प्राजु
http://praaju.blogspot.com/
23 Jun 2009 - 9:12 pm | ऋषिकेश
=)) =)) =)) __/\__
चतुरंगांची टेबलं क्रमशः म्हणायची ;)
ऋषिकेश
------------------
बुद्धीसाठी लोह वाढवणारी औषध घ्यायला लागल्यापासून "डोकं गंजलं तर!" ही भिती वाढली आहे
23 Jun 2009 - 9:20 pm | क्रान्ति
चतुरंगांची टेबलं क्रमशः म्हणायची
इथेही क्रमशः!!!!!!!!!!! =)) =)) =))
क्रान्ति
ध्यानम् मूलम् गुरुमूर्ति, पूजामूलम् गुरु पदम्
मंत्र मूलम् गुरुवाक्यम्, मोक्षमूलम् गुरुकृपा
अग्निसखा
23 Jun 2009 - 9:21 pm | बिपिन कार्यकर्ते
पोऽऽऽप्पट!!!!
बिपिन कार्यकर्ते
23 Jun 2009 - 9:36 pm | विनायक प्रभू
मुलाकडे टॅक्ट वापरुन उपयोग नाही.
सरळ शरण जा.
23 Jun 2009 - 9:50 pm | चतुरंग
हल्ली बरोबरीचा मित्र असल्यासारखेच वागतो! #:S
(बरोबरीचा प्रस्ताव मांडणारा) >:D< चतुरंग
23 Jun 2009 - 9:41 pm | विनायक प्रभू
तुम्ही विटी क्रिएट करायला गेलात,
चिरंजीवानी टाळक्यात दांडू मारला की हो.
23 Jun 2009 - 10:04 pm | पिवळा डांबिस
हा, हा, हा!!!!!
घरोघरी मातीच्याच चुली!!
:)
23 Jun 2009 - 10:10 pm | शाल्मली
हा हा..
भारी किस्सा!
लेक फार भन्नाट दिसतोय :)
--शाल्मली.
23 Jun 2009 - 10:50 pm | स्वाती२
एकदम चतुर आहे तुमचा लेक. अशा चेकमेटचा आनंद आगळाच.
24 Jun 2009 - 12:56 am | चित्रा
असेच म्हणते!
23 Jun 2009 - 10:53 pm | नीधप
वा.. मीठमोहर्‍यांनी दृष्ट काढा या हिरोची!
- नी
http://saaneedhapa.googlepages.com/home
24 Jun 2009 - 12:34 am | लिखाळ
हा हा .. मजेदार :)
भारी किस्सा !
--(लहानपणी अनेकांची विकेट घेतलेला) लिखाळ.
या प्रतिसादासाठी एकदा जोरदार टाळ्या झाल्या पाहिजेत !!! - लिखाळ जोशी :)
24 Jun 2009 - 1:28 am | अनामिक
चतुरंगांना आपण अगदी चतुर असल्याचा रंग दाखवलाय सुपुत्राने!
-अनामिक
24 Jun 2009 - 1:46 am | मुक्तसुनीत
सही आहे किस्सा ! शिष्यादिच्छेत्पराजयात ! ;-)
24 Jun 2009 - 1:37 am | विकास
एकदम मस्त अनुभव आहे. "पहीले पाढे पंचावन्न" हे उत्तर स्वानुभवानेपण चपखल वाटते :-)
24 Jun 2009 - 6:38 pm | आपला अभिजित
असेच अनुभव घेतोय सध्या!
हा मुलांविषयीच्या प्रेमाचा महापूर ओसरला, की लिहू त्याविषयी सवडीने!!
:S