(खरा) इनर पीस

आम्ची पेर्णा - http://www.misalpav.com/node/31745
कमुंची माफी मागून
--------------------------------------------------------------------------------------------

"तुला निवड करावीच लागेल, हे शेवटचं सांगतोय" त्याच्या पोटाच्या घेराने कच्चकन आवळून सांगितलं आणि टीव्हीवर "ये तो बडा टॉइंग है" बघत असलेल्या त्याला इलॅस्टिक काचत गेली. तो सुन्न होऊन स्वतःच्या पोटाकडेच पाहत होता.

शेजारच्या बेडरूममध्ये अती ताणल्याने फाटलेली "रूपा" पायपुसण्याबरोबर बाहेर आली आणि बरंच काही सांगून गेली.
अशी (पर्फ़ेक्ट फ़िटिंगची आणि स्टाईलची) निवड करता येते? दोन्हीपैकी एक? आणि ती निवड करायचा हक्क (वाढलेल्या पोटामुळे) मला आहे? आणि "आराम का मामला" निवडायचे मग "अपना लक"चं काय करायचं? (कंबर त्यात बसून आजूबाजूने मैदा बाहेर न येणे) कसं शक्य आहे? आणि निवडलं तरी हे (इलॅस्टिक तुटणे) इथेच थांबेल? पूर्वी थांबलंय? (तेव्हा कदाचित पट्ट्यापट्ट्याने वाचवले एका पिढीला...आणि त्याच्या आधी धोतराने...एकदम हवेशीर)

त्याचं पोट गुरगुरू लागलं. क्षणाक्षणाला विस्फोट होत होते. टीव्हीत टिपेला पोचलेलं "वैद्य पाटणकर शारंगधर काढा" त्यात भर घालत होते. तो फ्लॅटच्या गॅलरीमध्ये मोकळ्या हवेत हवा मोकळी करण्यासाठी आला..

"इनर पीस.. इनर पीस" ग्यालरीत त्याचे पोट त्याला "अंदरकी बात" शिकवत होत.
"एक्झॅटली! हेच तर हवं आहे."

१ ल्या मजल्यावरून समोरच दिसणार्‍या "सुलभ" दृश्याकडे बघत त्याच्या मनात विचार आला. त्याने खाली डोकावून पाहिलं तर पोटात शांतता होती
आणि
"इनर पीस ..इनर पीस" पुटपुटत त्याने स्वतःला किचनमध्ये झोकून दिले.