टंकलेखन साहाय्य
सामर्थ्यदाता : गमभन !
(लाडू सांगे...)
प्रेषक बेसनलाडू ( शनी, 07/19/2008 - 17:53) .
पुरे आता, बास । कवितांची रास ।
किती किती त्रास । कवींचा या । ।
पाहवेना नेत्री । रात्री अपरात्री ।
कवितांना कात्री । लागलेली । ।
पुरे दादागिरी । आता माझी बारी ।
वदतो अंतरी । विडंबक । ।
इरसाल स्वारी । बसे खाटेवरी ।
पुंगी वेळेवरी । वाजवाया । ।
'काळा' की 'कावळा' । 'प्रेम' की 'पाचोळा' ।
भरल्या मी चुळा । कल्पनांच्या । ।
कवितेचा घास । करुनिया खास ।
सोडला उपास । लेखनाचा । ।
ओळींना वळण । शब्दांचे दळण ।
करितो कांडण । कवितांचे । ।
शिव्यांचाही भार । घेई शिरावर ।
खरा गुन्हेगार । कवितेचा । ।
काय त्या म्हणावं ? देव की मानव ।
कोणाला कळावं ? माकड ते । ।
प्रयत्नाच्या अंती । ध्येयाची ती पूर्ती ।
करा विडंबने । कवी व्हाया । ।
जाणा एक धर्म । 'केसु' हाच पंथ । ।
सांगे लाडू आज । सकलांना । ।
लाडू म्हणे ऐसे । कवींना पिडावे ।
कोणी न धजावे । लिहावया । ।
प्रेरणा: प्राजुताईंचा विठू काय सांगतो ते
»
- प्रतिक्रिया प्रकाशित करण्यासाठी येण्याची नोंद करा अथवा सदस्य व्हा.
- मुद्रणसुलभ आवृत्ती
हा हा!
लाडूशेठ,
ज ह ब ह रा हा.. _/\_
आमच्या आधी पांडुरंगाने तुमच्या हातून पाप करवले हे उत्तम.. विठ्ठल.. विठ्ठल..
केसु..
स्वगतः ह्याला पंथाचा संपर्क अधिकारी नेमावे का?
वा..
बेला ..
मस्त! आवडले.
स्वाती
वा!व्वा!
सर्वांच्या प्रतिभांना जाम उधाण आलेलं दिसतंय.
अगदी! आम्ही फार पूर्वीच जाणून घेतलं आहे. आपल्या अमृतवचनांबद्दल आभारी/ आनंदी आहोत.
अरे वा वा वा!!
कविता वा ओवी | कोणीही रचावी |
झणी विडंबावी | 'केसु'पंथे ||
ऐसा परिमळू | 'लाडू' वा 'आंबोळू' |
व्यंगाचा सुकाळू | म्हणे 'रंगा'||
चतुरंग
(वा वा वा)+
विडंबाचे रंग | संग चतुरंग |
डोलण्यात दंग | मिपाकर ||
(पांथस्थ)बेसनलाडू
साधो साधो
ओव्या की काव्य| केले उत्तम|
रमवले मन| बेलानी||
लिहल्या ओळी | चढाल सुळी
वाट पाहे गोळी | कविंची ||
केसु अन बेला | अमोलु आंबोळी
रंगाचा दंगा| बास आता||
धन्य.. धन्य ..
बेला...
काय त्या म्हणावं ? देव की मानव ।
कोणाला कळावं ? माकड ते । ।
प्रयत्नाच्या अंती । ध्येयाची ती पूर्ती ।
करा विडंबने । कवी व्हाया । ।
जाणा एक धर्म । 'केसु' हाच पंथ । ।
सांगे लाडू आज । सकलांना । ।
लैच भारी...
धन्य आहे तुमची..
- (सर्वव्यापी)प्राजु
http://praaju.blogspot.com/
ग्रेट.
ग्रेट. झकासच
-('मिसळ'लेला) ऋषिकेश
लाडू सांगे....
हे शीर्षक वाचून मला वाटले होते की.. ..
माती सांगे कुंभाराला पायी मज तुडविशी
ह्या भावगीताचे विडंबन आहे की काय..... लाडू सांगे हलवायाला हाती मज वळविशी...... वगैरे!
मराठी भाषा हा माझा प्राणवायू आहे
वा वा वा वा वा
वा वा वा वा वा,
भन्नाट. लय भारी.
आपला,
(प्रभावित) धोंडोपंत
आम्हाला येथे भेट द्या http://dhondopant.blogspot.com
सुंदर
काव्य आवडलं
www.shrikrishnasamant.wordpress.com
श्रीकृष्ण सामंत
"कृष्ण उवाच"
shrikrishnas@gmail.com
पुरे आता,
पुरे आता, बास । कवितांची रास ।
किती किती त्रास । कवींचा या । ।
हेच म्हणतो..!