नवीन सदस्यांप्रति जून्या सदस्यांचे वर्तन.

भले!

संपुर्ण अनुमोदन!
आणि नवसदस्यांना मदतीचे आश्वासनही देतो. तसं नेहमी शक्य तितका हा प्रयत्न करणं चालू असतंच. तरीही सदरहू प्रकटनाच्या उत्तरादाखल पुनरुच्चार करतो आहे.

एकमेका सहाय्य करु, अवघे धरु सुपंथ :)

नवीन लेखकाने लिहीलेल्या लेखनाची चेष्टा करणे, त्याचा हिरमोड होईल अश्या प्रतिक्रिया देणे टाळावे अशी विनंती सर्वांना करीत आहे. काही लोक वारंवार असे करतांना दिसत आहे. या कारणांने त्यांच्यावर कारवाईसुध्दा होऊ शकते हे लक्षात घ्यावे.
सर्वांनी सोबत राहून मिपा पुढे नेऊया. मात्र काही लोकांना मिपा म्हणजे नवीन लोकांना त्रास देण्याची जागा आहे असं वाटत असेल तर यापुढे याबाबत कडक कारवाई होईल हे लक्षात घ्या.

हे विशेष आवडल , बाकी सर्व भा.पो. धन्यवाद !!

लेखकाशी सहमत.
लोकांकडून निघणारे एका ओळीचे धागे
तसंच मिपावर आपल्या आगमानाचे धागे काढणं ही थांबवा.
आधी लेखांवर प्रतिक्रिया देवून ओळखी तर करून घ्या असं सांगावसं वाट्टं.

+१

नीलकांत चे म्हणणे पटले. नवीन सदस्यांच्या लेखांवर उत्साहवर्धक प्रतिक्रिया दिल्यास त्यांचा लिखाणाचा हुरुप वाढेल. त्याना सांभाळुन घेणे हे जुन्या सदस्यांकडुन अपेक्षित आहे!

नवीन सदस्यांची एवढी काळजी घेणारे दुसरे संकेतस्थळ पाहण्यात नाही.
याबद्दल नीलकांत आणि इतर मिपा करांचे धन्यवाद.

पूर्णत: सहमत.
रेवती यांचा प्रतिसादही महत्वाचा आहे. :)

नवीन लेखकाने लिहीलेल्या लेखनाची चेष्टा करणे, त्याचा हिरमोड होईल अश्या प्रतिक्रिया देणे टाळावे अशी विनंती सर्वांना करीत आहे.

सहमत रे नीलकांता..

तात्या.

नीलकांतची सुचना मान्य. एकदम अंगावर जाणार्‍या प्रतिक्रिया देणे चुकीचे आहे. माझ्याकडुन असे आजवर झाले असल्यास यापुढे आधिक काळजी घेइन.

आणि वरती " ण " का आलाय ते ही लक्षात आल.

सहमत आहे. पण ज्या 'जुण्या' सदस्यांणा उद्देशुन हे णिवेदण आहे त्या जुण्या सदस्यांची प्रतिक्रिया कुठाय?

सहमत आहे .
आणि लेखकांना माझ्या कडुन जास्तित जास्त प्रोत्साहन मिळेल याची काळजी घेतल्या जाईल.

नीलकांत-जी,
संपूर्ण सहमत. कांहीं चांगले लिहिण्यासारखे नसेल तर गप्प रहावे, कमीत कमी कुचेष्टा तरी करू नये.
हा लेख प्रत्येक महिन्याच्या पहिल्या तारखेला एक reminder म्हणून पुनःप्रकाशित करावा असेच वाटते!

सहमत आहे.
चेष्टा /टीका/मस्करी ही सर्व सदस्यांच्या बाबतीत होत असते.
मात्र कोणत्याही सदस्यांच्या बाबतीत ते मुद्दाम होऊन केली जात असेल तर मात्र ते चुकीचे आहे.
नव्या सदस्याना मुद्दाम होऊन कोणी त्रास देत असेल असे वाटत नाही. जुने सदस्य त्याबाबतीत थोडे निर्ढावतात .
इथले सदस्य थोडे थट्टेखोर आहेत खरे. नव्या सदस्याना रुळायला वेळ जाईल हे खरे

आपल्याला जास्त काहि समजत नाहि

तवा तुमि म्हनताल ति पुर्व दिशा

आमाला काय ? वाचायच आहे

एक मिसळपाव वाचक

अगदी बरोबर निलकान्त....सहमत आहे

असहमत होण्यासारखे काही असेल असे वाटत नाही.
योग्य वेळी नेमके सांगणारे मनोगत आले ह्याचा आनंद वाटला, सर्वांनाच फायदा होईल व खास करुन नव्या सदस्यांना निश्चितच मदत होईल असे वाटते.
सहकार्य आहेच :)

- छोटा डॉन

नीलकांत साहेबांशी सहमत. विजुभौंनी दिलेल्या पाठींब्या नंतरही ह्याच कारण साठी लेख टाकायची हिम्मत झाली नाही म्हणून आतापर्यंत फक्त पाकृवरच भागवलेय.

मला एक गोष्ट कळत नाही, मी नवीन सदस्य आहे की जुनी? म्हणजे मी नेमक्या कोणत्या बाजूला आहे?

नवीन सदस्याना प्रोत्साहन द्यावं ही गोष्ट नक्कीच जाणीवपूर्वक केली पाहिजे. आणि बहुतेक वेळा ती इथे होते सुद्धा. मी मिसळपाववर आल्यापासून यशवंत कुलकर्णी, गगनविहारी यांच्यासारखे काही चांगले लिहिणारे नवीन सदस्य इथे आले. आणि सर्वानीच त्यांचं छान स्वागत केलं होतं. मी जेवढं काही लिहिलंय त्यावरही रॅगिंग म्हणण्यासारखं कधी काही झालं नाही. :) हे माझं नशीबच! पण नवीन सदस्यांकडून कोणत्या चुका होतात हे त्याना न दुखवता सांगण्याचं काम बिपिन कार्यकर्तेंसारखे काहीजण करत असतात.

तसंच मी पण माझ्यापेक्षा नव्या सदस्याना जमेल तेवढी मदत माझ्याकडून करत असते. जर एखाद्याचं लिखाण मला आवडलं नाही तर तिथे काही प्रतिक्रिया व्यक्त करत नाही, पण प्रत्येकजण वेगवेगळ्या स्वभावाचा असतो, त्यामुळे कधीकधी या जुन्या सदस्याला सामान्य वाटणारी, पण नव्या सदस्याला जरा जास्त वाटेल अशी चेष्टामस्करी कोणा जुन्या सदस्याकडून होते, हळूहळू नवीन सदस्य इथे रुळतात आणि तेही या मस्करीत सामील होतात. हे पूर्णपणे थांबणं शक्य नाही. पण वेळोवेळी अशा खोडकर सदस्याना जागेवर आणायचं काम जुने सदस्यच करत असतात.

फक्त सगळ्यानीच कोणत्याही गोष्टीचा अतिरेक टाळावा हे श्रेयस्कर!

आम्ही प्रतिसाद देताना नवा का जुना हे बघत नाही. कोणालाही प्रामाणिक प्रतिक्रीया देणं खोटी प्रोत्साहनपर प्रतिक्रीया देण्यापेक्षा मला जास्त महत्त्वाचं वाटतं. प्रामाणिक प्रतिक्रीयेमध्ये आवश्यकतेनुसार प्रोत्साहनही देण्याचा प्रयत्न असतो हे वे.सां.न.

मला येऊन जेमतेम १ महिनाच झाला आहे...तेंव्हा मला मराठीत अजिबात टाईप करता येत नव्हतं.आणी युयुत्सू यांनी ज्योतिष भाकित वर्तवल,आणी मलाही शांत बसवेना...मी सरळ ईंग्रजी लीपीत आव्हान टाकलं...त्याच्यावरही चित्रविचित्र प्रतिक्रीया आल्या...पण तेवढ्यात कोणीतरी ते देवनागरीत टाईप करुन मला बहुमोल मदत केली...त्या क्षणी मला मी योग्यठिकाणी वर्णी लावल्याचा आनंद झाला...नंतर मी मराठित टाईप करु लागलो व त्यातलीही प्राथमिक मदत अनेकांनी केली.आजचा वरील लेखही खुप सपोर्टिव्ह वाटतो आहे...त्यामुळे मला नविन काही लिहिताना बिनधास्त पणे लिहिता येईल...धन्यवाद

नवीन सदस्यांप्रति जून्या सदस्यांची आचारसंहीता पटली.

>>याचा अर्थ मिपा नवीन लोकांकडून निघणारे एका ओळीचे धागे

१. सरसकट कुठलाही नियम लावू नये

२. विशेषतः माझ्या एका धाग्याबाबत कडवट प्रतिक्रिया आल्या होत्या
मिपा सर्वर तेव्हा बराच आजारी असल्याने मला त्याचा तातडीने समाचार घेता आला नाही
मिसळीची बरीच रडारड सुरू होती, उघडतच नसे

३. पण काही माणसे पूर्ण न वाचताच प्रतिक्रिया देतात
हे ही थोडे तपासून पहावे

४. कुणी सदस्य मिपावर नवा असला तरी लिहायला वाचायला तो आयुष्यात खूप आधी शिकलेला असू शकतो
५. फार नियमांची जाचकता दिसली की सदस्य काढता पाय घेऊ लागतात, बाकी इथे सदस्यांना लिखाणाचे पूर्ण स्वातंत्र्य आहे असे दिसते, मात्र सदस्यांनी स्वयंशिस्त पाळली पाहीजे

http://www.misalpav.com/node/18089

हा धागा पाहीला तर कळेल

धागाकर्ता कळ्कळीने काही मांडतो आहे
आणि लोक वाचण्याचेही कष्टही घेत नाही आहेत
आणि अज्ञानी प्रतिक्रिया मात्र खरडत आहेत

हा नव्या-जुन्याचा वादही तसा जुनाच आहे!
http://www.misalpav.com/node/2377
ही कविता/ विडंबन हे २००८ सालातलं आहे!!!
:)
मला वाटतं मिपावर मिळणार्‍या प्रतिक्रिया हया लेखनाला मिळतात लेखनकर्त्याला नव्हे. तसे काही लेखक बघून टार्गेट करणारे लोक कदाचित असतीलही पण मिपाकरांच्या एकूण संख्येच्या (>१२०००?) मानाने त्यांचं प्रमाण अगदी नगण्य आहे हे कोणीही मान्य करील. त्यांच्याकडे दुर्लक्ष करणं चांगलं!

मला नाही वाटत की सामान्य मिपाकर धागा वाचल्यावर प्रतिक्रिया देण्याआधी जाऊन धागाकर्त्याचा मिपावरचा अवधी आणि नंबर बघतो, तो लेखक नवा मिपाकर आहे की जुना हे आधी ठरवतो, आणि मग प्रतिक्रिया कशी द्यायची ते ठरवतो!!
लिखाण वाचनीय असेल तर त्याला चांगल्या प्रतिक्रिया मिळतात/ मिळाव्यात. लिखाण अवाचनीय असेल तर त्याला चांगल्या प्रतिक्रिया मिळत नाहीत/ मिळू नयेत...
इथे जुन्या अगदी आद्य मेंबरांच्याही वाईट अथवा वादग्रस्त लिखाणावरही टीका होते. तेंव्हा फक्त मेंबर नवा आहे म्हणून काहीही अवाचनीय लिखाणाच्या प्रशंसेची अपेक्षा केली जाऊ नये...
एक खुलासा करणं आवश्यक आहे की इथे मी लिखाणात चांगलं आणि वाईट असा भेद करत नाही. मला वाईट वाटणारं लिखाण इतर कोणाला चांगलं वाटू शकतं आणि व्हाईस व्हर्सा! मी वाचवलं जाणारं आणि न वाचवलं जाणारं असा भेद करतो आहे!!
मिपावर किती मेंबर लेखक आहेत यापेक्षा मिपावरच्या लेखनाचा दर्जा काय आहे हे माझ्यामते जास्त महत्वाचं आहे!!!

आता प्रोत्साहन देण्याबद्दल,
जर नव्या लेखक/कवीने मनापासून प्रयत्न केलेला वाचकांना जाणवला तर त्याला प्रोत्साहनही दिलं जातं. पण काहीही लिहून जर 'नवीन आहे म्हणून चालवून घ्या' अशी जर अपेक्षा बाळगली तर अपेक्षा भंग निश्चित होतो...
जर मिपावरचा सामान्य लेखक हा आधी काही महिने वाचक असतो हे गृहितक मान्य केलं तर मग त्याला इथे प्रकाशित होणार्‍या लिखाणातलं चांगलं-बेकार कुठलं हे समजायला फारशी अडचण होऊ नये...
दुसरं म्हणजे स्वतःचं लिखाण प्रकाशित करण्यापूर्वी वाचून बघून ते आपल्याला स्वतःला तरी वाचवतंय का इतकं बघण्याची अपेक्षा करायला हरकत नसावी. आपण केलेली विधानं सत्य आहेत का याचाही विचार करायला हरकत नाही.

असो! हे आमचे दोन पैसे!
बाकी आम्ही स्वतःला नवीन समजत असल्याने नव्या-जुन्या सगळ्यांचीच कृपा असो द्यावी ही विनंती!!
:)

मला सुरुवातीला खुप म्हंजे खुप त्रास झाला. पन आत्ता जरा बरे आहे.
.
नविन लोकांना उत्तेजन दिल्याबद्दल निलकांतचा आभारी आहे.

नीलकांतशी पुर्णत: सहमत.
एखाद्याचा एखादा लेख आवडला नाही तर त्याला तसे सौम्यपणे व सभ्यपणे सांगता येऊ शकते.वा अश्या लेखांकडे निव्वळ दुर्लक्ष करता येईलच,परम्तु नवीन लेखकांना उपहासात्माक प्रतिसाद देणे टाळले जावे.

मी तसा नवा सदस्य आहे येथे पण मला असा एकही अनूभव आला नाही. खरे म्हणजे प्रतिक्रीया किंवा प्रतिसाद पाहताना मी कधी हे बघितलेच नाही की सदस्य किती जूना का नवा आहे आणि प्रतिक्रीयेच्या किंवा प्रतिसादाच्या माध्यमातून आपल्याला सदस्य कसा आहे त्याचे विचार कसे आहेत हे जाणता येते व त्याच बरोबर आपला लेख किंवा विचार कितपत विवेक पूर्ण आहे ते ताडता येते. माझ्या मते येऊदेत कसेही प्रतिसाद.

मला मि पा आवडले.

सगळ्यांच्या मताचा आदर ठेऊनही थोडक्यात सांगायचं तर या मताशी पूर्ण सहमत नाही. वर पिडां म्हणतात त्याप्रमाणे बहुसंख्य सदस्य हे लेखक बघुन प्रतिसाद देत असतील असे वाटत नाही. प्रतिसाद हा साधारणतः लेखनावरच असतो तसा नसला तर इतर सदस्य प्रतिसादकर्त्याला सुनावतातच / अगदीच नियमांत बसणारा नसला तर संपादक त्यांचे काम करतातच.

त्यामुळे पाणउतारा, निरुत्साहित करण्यासाठी म्हणून नव्हे पण जर लेखन आवडलं नाही तर ते का आवडलं नाही हे अजूनही सांगत राहिन. माझ्यामते नव्या सदस्यांना अश्या प्रतिक्रीयांचाही पुढील लेखन करतेवळी उपयोग व्हावा.

मला नव्या लेखकांना टारगेट करून पाणउतारा केला जातो असे दिसलेले नाही.

मी येथे तसा नविनच आहे (कालावधी कीती ही असला तरी ७-८ नहिने पण नाही झाले येवुन).
परंतु जुन्या लोकांपेक्षा ही नविन लोकांना रिप्लाय देने मला आवडतेच.
तरीही जुन्या चांगल्या लेखांमुळे छान वाटते, आणि जुन्या लोकांचे लेखन ही वाचनिय असते.

तरीही आपल्याला न आवडलेल्या किंवा फालतु धाग्यांना रिप्लाय न देने हे टिंगल करण्यापेक्षा ही चांगले आहे.
मग तो फालतु धागा जुन्यांचा असो वा नविन लोकांचा..

वरती गवि म्हणतात तसे प्रतिक्रिया ह्या लेखनाला असल्या तरी प्रोत्साहन हे लिहिणार्‍याला असते.
उगाच कोणाला ही प्रोत्साहन द्यायचे नाही पण ज्यांचा प्रामाणिक प्रयत्न असेन त्यांना नक्कीच प्रतिसाद द्यायला हवे. भले लिखानात सुधारणा दाखवाव्यात पण टिंगल करु नये असे वाटते.

एक नविन सभासद...
गणेशा

टिंगळ टवाळी कमी होईल अशी (भाभडी) आशा आहे.

नीलकांत यांच्या भावना समजू शकतो. मी ही नवीन सदस्य आहे. एक दोन लेख टाकलेत. पहिला लेख टाकल्यावर बरेच दिवस मिपा वर फिरकलो नव्हतो. पण जेव्हा आलो आणि माझ्या लेखावर वीस हून अधिक बोल बघितल्यावर छान वाटले. आणि मिपा ची मला चटक लागली. मला मिळालेल्या सगळ्या प्रतिक्रिया काही माझ्या लिखाणाचे उदो उदो करणा-या नव्हत्या . नंतरच्या माझ्या लिखाणाला फक्त दोन वा तीनच प्रतिक्रिया मिळाल्या. पण मी माझी चटक जाऊ दिली नाही. लेखक हे नाही बघत की त्याला प्रतिक्रिया कशी मिळाली - बरी वा वाईट ! प्रतिक्रिया मिळणं हाच लेखकाचा सन्मान असतो. लेखक हाही वाचक असतोच ना. किंबहुना, लिहिणा-याने खुपदा आधी वाचकच असावे लागते. मग वाचक म्हणुन मी नाई का कधी बोचरी टीका करत ? प्रत्येक जण करत असेल. करीत नसेल तर प्रगल्भते मध्ये गडबड आहे. तसेच माझ्या ही लिखाणाच्या बाबतीत कुणी करू शकते ही परिपक्वता इथे लिहिणा-या कडे असायला पाहिजे. मिपा सारखा एखादा तरी मंच अहो असुद्या, जिथे दिलखोल के बागडावं, खरखर बोलावं. याला सांभाळ त्याला सांभाळ करत सतत भान बाळगत जगताना इथे जरा मुक्तपणे व्यक्त होण्याची मुभा असू द्याना. त्या कृत्रिम पणे सांभाळण्याच्या उद्योगांमध्ये चांगल्या प्रतिक्रिया मिळतात हो खूप. पण त्या खोट्या असू शकतील या जाणीवेने एन्जोय करता येत नाहीत. मिपा वर ख-या प्रतिक्रिया मिळतात याचे सुख उपभोगता आलं पाहिजे. त्या ब-या वाईट कशा ही असोत पण ख-या असाव्यात. मराठी माणुस खूप सावरत जगण्यात आपले आयुष्य खर्ची घालतो. म्हणुन आपल्या कडे फार जण उद्योजक नसतात. स्वत:ला सावरतात इतरांकडून ही सावरून घेतात. सवारणा-यालाही सावरतात. साली झोकून देवून जगण्याची मजा, रिस्क घेण्याची झिंग त्यामुळे येतच नाही. तुम्ही इतका छान मंच निर्माण केलाय, जरा खरं खरं होऊ द्या इथे.

नवीन लोकांना खोटं खोटं चांगलं लिहा असं कोण म्हणतंय? माझा रोख फक्त एवढाच आहे की अशी प्रतिक्रिया देऊ नका की ज्याने त्या नुकत्याच लिहू लागलेल्या लेखकाचा पुढे लिहीण्याचा उत्साह करपून जावा. नाही आवडलं लेखन तर ते सांगण्याच्या अनेक पध्दती आहेत की. नकारात्मक प्रतिक्रिया देऊन सुध्दा पुढे लिहीताना काय भान बाळगावं हे सांगणारी ओळ टाकली तर लेखकाला कदाचीत मदतच होईल.

हेच म्हणतो

आता तुमचं बघा ना, तुम्ही लेख लिहीला त्याला चांगल्या प्रतिक्रिया आल्या आणि तुम्ही आनंदीत झालात. मात्र याच वेळी तुमच्या लेखाला आलेल्या १५ प्रतिक्रिया तुमच्या लिखानाच्या वाभाडे काढणार्‍या आल्या असत्या तर तुम्ही नाराज झाले असते व कदाचीत पुन्हा लिहीले असते की नाही हे सांगता आले नसते. नवीन लोक जेव्हा लिहायला लागतात तेव्हा त्यांनी लागलीच चांगले आणि साहित्यमुल्य असलेले लिहावे असा अट्टाहास अनाठायी आहे असं वाटतं. लेखक जेव्हा नवीन असतो तेव्हा काही काळ त्याला सांभाळून घ्यावे आणि त्याचा अगदीच हिरमोड होईल अश्या प्रतिक्रिया टाळाव्यात म्हणजे त्याच्या लिखानात सुधारणेस वाव राहील. नवीन लेखकांना पळवून लावण्याच्या नादात मिसळपाव पाच दहा लेखकांनी लिहीण्याचे व त्याच पाच दहा लोकांनी प्रतिक्रिया देण्याचे ठिकाण बनेल. असा उच्चभ्रु दर्जा मिळवावा अशी मिसळपावची कधीच इच्छा नव्हती आणि नाही सुध्दा.

यातील नवीन लेखकांना पळवून लावण्याच्या नादात मिसळपाव पाच दहा लेखकांनी लिहीण्याचे व त्याच पाच दहा लोकांनी प्रतिक्रिया देण्याचे ठिकाण बनेल. असा उच्चभ्रु दर्जा मिळवावा अशी मिसळपावची कधीच इच्छा नव्हती आणि नाही सुध्दा. या विचारांशी शतशः सहमत

काहि लोक कंपु बाजी करुन ज्या मुद्द्यात दम नाहि असे निरर्थक मुद्दे माहित असताना देखिल तो लेखक केवळ आपला कंपु / समविचारि आहे म्हणून मुद्दाम त्यांच्या लेखनाला सहमती दर्शवतायत,
यातले काहि हिरमोड होईल अश्या प्रतिक्रिया देणारेहि आहेत,
हे माझ्या नाहितर इतर लेखकांच्या लेखना वरिल प्रतिक्रियांवरुन मला तरि जाणवलेय..
डायर्‍या लिहा असे सांगणारे/ काड्या घालणारे आणी कहर म्हणजे असले लिखाण इथे आणू नका म्हणजे
अप्रत्यक्षपणे लिहूच नका असे सांगणारे सदस्य
तुमचा वरचा 'सा' निट लागला नाहि खालचा 'ध' बरोबर येत नाहि असे म्हणून नुकत्याच (लिहू) गाऊ लागलेल्या लेखकाचे गळे हे (लेखनशास्त्री) गायनशास्त्री घोटतात हे पाहून त्या लेखकाचे वाईट वाटते..
नवीन लोक जेव्हा लिहायला लागतात तेव्हा त्यांनी चांगले आणि साहित्यमुल्य असलेले आणी विशेषतः आपल्याला आवडेल असेच लिहावे असा अट्टाहास अनाठायी आहे असं मलाहि वाटतं..
नाही आवडलं लेखन तर ते सांगण्याच्या अनेक पध्दती आहेत हे मि हि अनेकदा सांगितले आहे
निदान माझ्या बाबतीत तरी..दुर्देवाने टिका सहन करण्याची प्रघल्भता काहि सदस्यांकडे नाहि आहे,
अन् मोठे दुर्देव म्हणजे जे सदस्य या गोष्टि करतायत तेच इथे काय नको,काय हवे,कसे हवे यावर चर्चा करतायत...ती व्हायलाहि हवी पण त्यात सुर तोच जाणवतोय....
असो..
मला वाटलं हा धागा माझ्या मुळे काढला की काय?
हि अतिशयोक्तीची भावना मनाला चाटून गेली
आय नो ते खरे नाहि
पण या गोष्टि इथे घडल्यात हे खुद्द मालकांना जाणवले..आणी त्यांनी त्याची योग्य ती दखल घेतली त्या बद्दल त्यांचे पुन्हा एकदा आभार
सर्वांनीच योग्य ती काळजी घेतली तर भविष्यात हे प्रॉब्लेम येणार नाहित...:)

जय महाराष्ट्र......!!

माझ्या मते इथे सभासदांनी वाचावे, आवडलेले किंवा न आवडलेले मुद्दे लिहावेत, जमल्यास विधायक सूचनाही कराव्यात पण कुचेष्टा करू नये. कांहीं बोचणारी टीका असेल तर 'व्यनि'द्वारा करावी! प्रतिसादाचा उद्देश आपली हुषारी दाखविण्याचा नसावा तर लेखात सुधारणा करण्याकरता किंवा न पटलेले मुद्दे सांगण्याकरता असावा.
इथे कंपूगिरी नक्की होती व खूप होती व तिचा भर दोन गोष्टींवर असायचा. एक गोष्ट होती "अहो रूपं अहो ध्वनि:" तर दुसरी गोष्ट होती कंपूमधल्या एकाद्याच्या लिखाणावर टीका केली कीं त्याच्यावर हल्ला करणे!
कुणाच्या का प्रयत्नाने असेना, पण हल्ली हे 'अतिरेकी' खूपच 'सज्जन' झालेले आहेत असे दिसते!

बिपिन-जी,
१. मी "अहो रूपं अहो ध्वनि:"ची उदाहरणे सतत पहात असतो हे मात्र खरे.
२. मी नेहमीच एका तत्वाचा पुरस्कार करतो आणि ते म्हणजे "निरोपावर टीका करा निरोप्यावर नव्हे". पण इथे निरोप्याला निशाण बनविलेले मी रोजच पहातो. माझ्यापुरते बोलायचे झाल्यास मी सर्व बरे-वाईट प्रतिसाद वाचतो, चांगल्या सूचना अमलात आणतो, न पटल्यास त्याबद्दल बर्‍याचदा 'व्यनि'द्वारा कळवतो, व्यक्तिशः टीका करणार्‍यांना "अनुल्लेखाने मारतो" व सुखाने जगतो.
३. कंपूबाजी नक्कीच कमी झालेली आहे हे मला जाणवते. संवय झाली म्हणून नव्हे.
४. बर्‍याच बाबतीत आपले दोघांचे एकमत नाहीं असे दिसते.....इलाज नाहीं!

नवीन सदस्यांसाठी ;)

या पोस्ट बद्दल तुमचं अभिनंदन, नीलकांत.

धन्यवाद.

आजच लिलि काळे यांचा लेख आणि प्रतिसाद वाचले . पण त्या बाई वेड पांघरुन पेडगाव गाठतायत असं वाटलं . कारण बरेचसे शब्द जे अवघड आहेत ते अगदी व्यवस्थित लिहिलेले आहेत .जर समोरासमोर अशी फसवणुक होत असेल तर पब्लिक गप्प बसणार नाहिच किंवा बसुहि नये . माझ्या पहाण्यात शक्यतो चांगल्या लेखाला चांगले वाईट प्रतिसाद , व्यक्तिपरत्वे आवडीनिवडीनुसार मिळतात . लिखान वाईट नसतच फक्त ते मांडण्याची पद्धत ज्याच्या त्याच्या बुद्धीनुसार माणुस घेतो आणि टिकाहि त्यावरच असते . त्यामुळे निलकांत यांच्या या लेखाचा गैरफायदा फसव्या लोकांना होऊ नये असे मनापासुन वाटते . लोक मुद्दाम इथे काहिहि भोचक , भंकस लिहित असतिल आणि वर नविन आहे , त्रास देऊ नका असे सुचवत असतिल तर यावर संपादकांनीच लक्ष घालुन हे प्रकार थांबवावेत .

असो .

धन्यवाद

नीलकांत यांच्या लेखातील मताशी आणि

नवीन सदस्यांची एवढी काळजी घेणारे दुसरे संकेतस्थळ पाहण्यात नाही.

या वरिल प्रतिक्रियेशी सहमत.

सहमत. याच सदर्भात मिपावर कोणीतरी चांगला लेख होता "चला लेखक बनुया" म्हणून.

हा सगळा घोळ होतोय तो कोणाला किती प्रतिसाद आले आहेत हे सर्वाना कळते म्हणून. एखादया लेखाच्या प्रतिसाद फक्त त्या लेखकाला दिसेल अशी सोय करा आणि मग बघा.

मुलांनो सगळ्यांनी एक गोष्ट समजुन घ्या की नविन सदस्यांप्रती जुन्या सदस्यांचे वर्तन कसे असावे यासंबंधी हा धागा आहे. नविन आय डीं बद्दल नाही.

एकूणच हा मानवी वर्तनाचा भाग आहे. तशात आंतरजालाच्या असलेल्या मर्यादा व बलस्थाने दोन्ही गोष्टी विचारात घ्याव्या लागतील. टंकणारा कुठल्या मोड मधे व मूड मधे आहे व वाचणारा कुठल्या मोड मधे व मूडमधे आहे या बावी महत्वाच्या ठरतात. एखाद्या संकेतस्थळाची प्रकृती त्यातील सरासरी लेखनाच्या प्रतिमेवर ठरते. तुच्छतेला प्रतिष्ठा मिळते आहे हे जेव्हा नव्या सदस्याच्या लक्षात येते त्यावेळी तो उचलली जीभ लावली टाळ्याला अशा पद्धतीने वर्तन करु शकतो. मग संकेतस्थळाची चॅट रुम व्हायला लागते. एखाद्याच्या वेदनेचा विषय जेव्हा बाकीच्यांच्या विनोदाचा होतो तेव्हा तो दुखावला जातो. त्याला संकेतस्थळाबद्दल वाटणारी आपुलकी नाहीशी व्ह्यायला लागते. सदस्यांची संख्या जेव्हा खूप मोठी होते त्या वेळी त्याचे व्यवस्थापन व नियंत्रण अवघड होउन बसते. अजून ही अनेक बाबी असतील. मानवी संबंधात या बाबी अपरिहार्य आहेत. असो......