पायाखालची वीट दे....!

गंगाधर मुटे's picture
गंगाधर मुटे in जे न देखे रवी...
10 Jul 2015 - 9:56 am

पायाखालची वीट दे....!

पंढ़रीच्या पांडुरंगा
तुझ्या चरणी ठाव दे
तीर्थप्रसाद काही नको
शेतमालास भाव दे

दुर्दशेने फस्त केल्या
रानाकडे ध्यान दे
शहरावाणी खेडे होईल
असे थोडे ज्ञान दे

हृदयामध्ये राम आणि
मुखामध्ये नाम दे
सूट-माफी-सवलत नको
घामासाठी दाम दे

पाऊस पाणी येऊ दे
शेत माझे न्हाऊ दे
चोच फुटल्या अंकुरांना
दोन घास खाऊ दे

संपत्तीच्या वृद्धीसाठी
लालसेचा रोग दे
शेतीमधल्या कष्टालाही
वेतनवाला आयोग दे

देवा मला चारदोन
सवंगडी धीट दे
हरामींना कुटण्यासाठी
पायाखालची वीट दे

वास्तवाच्या शोधासाठी
डोकं थंडगार दे
लढवैयांच्या लेखणीला
'अभय' आणि 'धार' दे

                - गंगाधर मुटे 'अभय'
~~~~~~~~~~~~~~~~~~~~~~~~

अभंगअभय-काव्यअभय-लेखनवाङ्मयशेतीविठोबाविठ्ठलवाङ्मयकविता

प्रतिक्रिया

तुडतुडी's picture

13 Jul 2015 - 3:01 pm | तुडतुडी

देवा मला चारदोन
सवंगडी धीट दे
हरामींना कुटण्यासाठी
पायाखालची वीट दे>>>
भारी

अमोल मेंढे's picture

13 Jul 2015 - 3:40 pm | अमोल मेंढे

खुपच छान मुटे साहेब

जडभरत's picture

13 Jul 2015 - 3:44 pm | जडभरत

देवा मला चारदोन
सवंगडी धीट दे
हरामींना कुटण्यासाठी
पायाखालची वीट दे

छान आहे!

वेल्लाभट's picture

13 Jul 2015 - 3:50 pm | वेल्लाभट

वा वा वा वा !

क्या बात है ! सुरेखच

प्रा.डॉ.दिलीप बिरुटे's picture

13 Jul 2015 - 4:02 pm | प्रा.डॉ.दिलीप बिरुटे

आवडली रचना. आशय पोहचला.

देवा, विठ्ठला आता पाऊस पडू दे बाबा.

-दिलीप बिरुटे

सौंदाळा's picture

13 Jul 2015 - 5:36 pm | सौंदाळा

मुटेसाहेब,
कविता आवडली. परिणामकारक आहे.

हरामींना कुटण्यासाठी
पायाखालची वीट दे

वास्तवाच्या शोधासाठी
डोकं थंडगार दे

सतिश गावडे's picture

13 Jul 2015 - 8:48 pm | सतिश गावडे

देवा मला चारदोन
सवंगडी धीट दे
हरामींना कुटण्यासाठी
पायाखालची वीट दे

विठ्ठल ही वारकरी पंथाची देवता. ज्ञानदेव हे या पंथाचे संस्थापक.
वारकरी पंथास पूजनीय असलेल्या ज्ञानेश्वरी या ग्रंथाची सांगता करताना ज्ञानदेव म्हणतात,

जे खळांची व्यंकटी सांडो | तया सत्कर्मी रती वाढो || भूता परस्परे जडो | मैत्र जीवांचे ||

मुटेसाहेब, तुमचं मागणं या पंथाच्या शिकवणीच्या विपरीत आहे.

शैलेन्द्र's picture

13 Jul 2015 - 11:40 pm | शैलेन्द्र

"भले त्यास देवू कासेची लंगोटी " म्हणणारे तुकाराम वारकरी नव्हते का?

भले तरी सोडू कासेची लंगोटी
परी नाठाळाचे माथी हाणू काठी!!!
असा आहे अभंग आणि तो बरोबर पण आहे. जो दुष्ट आहे त्याला फटका हा पाहिजेच!

मतलब मी नंगा झालो तरी चालेल पण दुष्टाच्या डोस्क्यात फटका घातल्याशिवाय राहणार नाही.
अॅल भले!!!

परित्राणाय साधूनाम् विनाशाय च दुष्कृताम्
असे खुद्द भगवंताने म्हटले नाही का? आणि ज्ञानेश्वर माऊलींनी पण हा श्लोक ज्ञानेश्वरीत गाळलेला नाहीये.

परित्राणाय साधूनाम् विनाशाय च दुष्कृताम्
असे खुद्द भगवंताने म्हटले नाही का? आणि ज्ञानेश्वर माऊलींनी पण हा श्लोक ज्ञानेश्वरीत गाळलेला नाहीये.

जडभरत's picture

14 Jul 2015 - 12:30 am | जडभरत

ज्ञानेश्वरी ४-५१ ते ५९.

गंगाधर मुटे's picture

5 Aug 2015 - 12:49 am | गंगाधर मुटे

प्रतिसादाबद्दल सर्वांचे आभार :)