डुडुळगावचा गोलंदाज

शिर्षकावरुन क्रिकेटच्या गोलंदाजावर काही तरी आहे असे वाटले.
पुढे मात्र चेंडु डोक्यावरुन गेला.

आपल्या लौकिकाला साजेशी कविता.
अजून येऊ दे. :)

-दिलीप बिरुटे
[निशब्द]

शरदिनी तैंचा विजय असो

ऋषिकेश
------------------
इथे दुसर्‍यांच्या ब्लॉगची जाहिरात करून मिळेल. योग्य बोलीसह संपर्क साधावा.

यावेळी अंमळ पिचपिचित माल... नेहमी सारखा कडक माल नाही. असो.

बिपिन कार्यकर्ते

डुडुळगावच्या गोलंदाजांचे उसळते चेंडु सोडुन देण्यात आम्ही धन्यता मानतो! :)

- टिंगेश रैना

कविता मला समजली ती अशी:

स्वप्नी निवडू धुडूम्म गाज
डुडुळगावचा गोलंदाज

सध्याच्या वीसविसाटाच्या* (T-20) जमान्यात जिथे जवळजवळ हरेक चेंडूलाच धावांची बरसात होत असते त्यावरून कवयित्रीला काही स्वप्न पडले असावे. टी-२०त गोलंदाज मार खातात, किंबहूना तशीच त्या खेळाची रचना आहे...

तोराबोरा ओमरसामा
काय ललाटी ओ ओ मामा

... पण या षटकात, आपलं, कडव्यात शरदिनीतै ओव्हर द विकेट येतात, आपलं, मोहोरा बदलतात. तोराबोरा या अफगाण-पाकिस्तान सीमेवरच्या गावात झालेल्या लढाईचा संदर्भ देतात. ओसामा बिन लादेन याच गावात लपला होता अशीही तेव्हा शंका होती, अमेरिकन सैन्याशी लढताना 'ओसामा मर' या परवलीच्या शब्दातून ओमर हा दहशतवादी आणि ओसामा हे अमेरिकन सैन्याला मामा बनवून दोघेजण निसटतात या ठिकाणी षटक संपवतात.

गोलाबारी सुसूत्र ताडन
रुजुवातीला करूण धावन
शोषण भीषण पोषण वेसण
धवल गिटारी कडकड मंथन

या कडव्याचं/षटकाचं फारसं वर्णन करण्याची गरज नसावी. शरदिनीं मॅडमनी वर्णन केल्याप्रमाणे हे सर्व गोलंदाजीचं** वर्णन आहे.

तित्तिरबाला ग्रंथीलाला
ग्रसनी जिव्हा कुरूप भोला
यमनाला घालू तेलघडा
हाका बिचारी मुकी चिडा

या कडव्याचे पहिले दोन उसळते चेंडू मी सोडून दिले आहेत. अलिकडे गमन हा शब्द आता यमनापेक्षा जास्त ओळखीचा असल्यामुळे त्याबद्दल घडाभर तेल घालूनच शरदिनी यमनाची माहिती सांगत आहेत. अर्थात यमनाबद्दल बोलण्यात शरदिनी दुसरा क्रमांक नक्कीच मिळवतील. "हाका बिचारी" हा मात्र श्लेष आहे. रझाक खान 'भागमभाग' या चित्रपटात "हाका" या नावाने गुंडरूपात समोर येतो आणि इतर काही चित्रपटांमधे (उदा: हंगामा) तो वेटरचं बापुडवाणं काम करतो त्यामुळे हाका बिचारी हा अतिशय उच्च श्लेष आहे. तर या हाकाच्या कामावर कोणीही मूकपणे चिडा असं शरदिनी सुचवतात.

कठीण शब्दांचे अर्थः
* गुडगुडाट आणि फुडफुडाटाच्या चालीवर!
** गोलंदाज म्हणजे तोफा चालवणारे

पुरवणी अर्थः डुडुळगाव हे गावाचं काल्पनिक नाव गुगलवरून किंवा गुग्गुळवरून आलं असावं...

गुग्गुळ या शब्दावरून आलं असेल तर, शरदिनीताई, तुमची तब्येत चांगली आहे ना?

अदिती

साधारण अर्थ असा वाटतो - सकृत्दर्शनी तरी तोफगोळे हे शाब्दिक वाटतात. असा प्रचंड आवाज करणारे, तोंडाने वायफळ वाफ दवडणारे, ससूत्र वाक्ताडन करणारे, शोषण, पोषण वगैरे भीषण शब्द वापरणारे, शुभ्र चारित्र्याबाबत कडकड मंथन करणारे तथाकथित नेते - जनतेला मनाला भावतात. त्यांना निवडून देण्याची स्वप्न पडतात. अशा नेत्यांच्या हाती मुकी बिचारी कुणी हाका अशी जनता आहे म्हणून आपल्यालाच चीड येते. चीड येण्यापलिकडे हाती तरी काय असतं?

अधिक विशिष्ट अर्थ काढायचा झाला तर मिपावरच्या गेल्या काही दिवसात घडलेल्या घटनांशी नातं जोडता येतं असं वाटतं. विशेषत शेवटच्या कडव्यातले उल्लेख (तित्तिरबाला, ग्रसनी जिव्हा, यमन) जुळतात. तसं असेल तर वरच्या कडव्यांच्या अर्थामध्ये किंचित फेरफार (ओसामा, सुसूत्र ताडन) करावा लागतो. (अधिक विचार करताना मला हाच अर्थ आवडायला लागला आहे)

डु़डुळगावचा संदर्भ लागला नाही. अदितीने म्हटल्याप्रमाणे ते गूगल वरून आलं असू शकेल, किंवा डूडल वरून आलं असेल - संस्थळांशी निगडित वाटतं.

कोणीतरी वेसण घालून पोषण केलं आणि नंतर भीषण शोषण केलं.
रुजुवात शब्द आलाय.
"काय ललाटी ओ ओ मामा" -----> अनिश्चितता दर्शवतो.

ठीक वाटली.

उगाच लावायचा म्हणून जो तो हवा तो संदर्भ लावतो त्याला कविता म्हणायची कि इंग्रजीत असतात तसं 'nonsense verse ' म्हणायचं? शब्दांची मांडणी अतिशय गेय आहे हे मान्य असले तरी बाकी अर्थाने मला निरर्थक वाटली.

साष्टान्ग नमस्कार!!!!

शब्दांना नसते दुखः; शब्दांना सुखही नसते,
ते वाहतात जे ओझे; ते तुमचे माझे असते.

काय ललाटी ओ ओ मामा

त्यांनाच (ओबामा-ओसामा) माहिती. सुरुवातीला यो यो मा वाचले.

धवल गिटारी कडकड मंथन

हे जॅक व्हाइट या गिटारप्लेयरशी संबंधित आहे का?

अवांतर: वाचकांना उत्तरे देण्याच्या प्रयत्नाचे स्वागत.

कवितेची गेयता एकदम छान जमली आहे.

आता अवांतर सुरू

>>करूण धावन

हे सुरुवातीला करुण घावन* असे वाचले आणि पोटात खड्डा पडला.

पूर्वी केव्हातरी वाचलेल्या कथेत राजाच्या मेव्हण्याला मेजवानी म्हणून हरणाची मादी आणलेली असते. आपल्या मागे आपल्या पिलांचे कसे होणार अशी चिंता तिच्या डोळ्यात पाहून राजा त्या हरिणीला सोडून देतो असे काहीसे आठवले.

हरणाचे कारूण्य ठीक हो... आता ते यःकश्चित घावन जर आपल्याला करूण वगैरे वाटू लागले तर मग आपण खाणार काय? तोफगोळे?

नितिन थत्ते

*घावन हा शब्द तोफांच्या कवितेत कसा येईल हे शरदिनीतैंच्या कवितेबाबत कोणी म्हणू नये.

अदितीच्या म्हणण्याप्रमाणेच अर्थ असावा.

=)) =)) =)) =)) =)) =))
शरदिनीच्या कवितेतुन अर्थ काढण्याची णिश्फळ धडपड पाहुन ह ह पु वा झाली =))

शरदिनीच्या कवितेतुन अर्थ काढण्याची णिश्फळ धडपड पाहुन ह ह पु वा झाली - पण मी प्रयत्न केलाच नाही. एकवारच वाचली. शॉर्टपिच बाऊन्सर आहे, हे लक्षात आल्यावर सोडून दिला. (निष्फळ ) प्रयत्नसुध्दा केला नाही.

शॉर्टपिच बाऊन्सर आहे, हे लक्षात आल्यावर सोडून दिला
माताय........२०-२० च्या म्याचच काय पण पाच दिवसाच्या टेस्ट म्याचमध्ये सुद्धा मध्ये शॉर्ट्पिच बाउन्सर हा हमखास छकडी साठी आवातण असते........ आणि तुम्ही सोडून देताय....
बाय द वे तुम्ही जेफ बायकॉटचे स्टुडन्ट्स का?

त्यावर अजून चरायला कोण आलं म्हणून कधी नव्हं ते कविता वाचली! #:S हुश्श.... #:S अशीच गोलंदाजी, फलंदाजी क्षेत्ररक्षण चालणार असेल तर काय हारकत न्हाय ! बाकी तुमचं चालूद्या !

जे पी

त्या मराठी शब्दाचा विश्वकोष नव नवीन शब्द शोधुन समृध्द करत आहेत.
अजुन येवुद्या नवीन कविता तै.
वेताळ

क्रमिक पाठ्य पुस्तकात आलिच पाहीजे =))
***************************************************
दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

अडगळ भाऊंनी http://misalpav.com/node/12355 येथे
अर्थोत्पत्ती बिकट विडा,
हे सांगीतले आहेच...
आपण सुद्धा तसेच म्हणू..
बाकी शरदिनी ताईंच्या कविते मधे काय अर्थ आहे? म्हणजे त्यांच्या कवितेचा अर्थ शोधण्यात काय अर्थ आहे?
फक्त एन्जॉय (शदिनी ताईंची) कविता !!!

खरं सांगायचं तर सदर रचना ही केवळ नाद-गेयता आणि अर्थक्लिष्टता ह्यांच्या कसोटीस उतरत असल्याने ती शरदिनी ह्यांची आहे असे वाटावे ह्यापलिकडे काही नाही...इतपत अपेक्षाभंग सदर रचनेमुळे झाला आहे असे माझे वैयक्तिक मत आहे.

एके काळी अत्यंत दमदार, आषयगर्भाच्या काळोख्या आवरणातुन स्फुट-अस्फुट भावकल्लोळांना जागतिक युध्दघटनांशी नाळ सांगणार्‍या अश्या अनावृत्त काव्यरचनेच्या जन्मांचे श्रेय असलेल्या शरदिनी ह्यांच्या गुढगर्भ काव्यकौशल्यास अशी कोण्या कारणाने क्षती दिसु लागली ह्या गढुळचिंतेने माझी शब्दसंपदाच खुंटली आहे.

असो,
शरदिनी ह्यांनी बर्‍याच काळानंतर इथे आपली रचना सादर केली, त्यामध्ये पुर्वीची सफाई जाणवत नाही, ह्याचा अर्थ आम्ही असा लावतो, की काळ त्यांनी काव्यसन्यासच घेतला असावा. त्यामुळे अतार्किकतेच्या कोसळकड्यावरची विचारचक्रे काहीशी गंजली असावी आणि सदर रचना अस्स्सल शरदिनी अभिव्यक्तीची जमली नसावी असा कयास आहे.
एकदा लिहायला सुरु केलेच आहे, तर आता हळुहळु विचारचक्रे गंज झटकुन पुन्हा नव्या जोमाने खडखडु लागतील आणि आम्हा रसिकांना नवनवी मेजवानी मिळेल अशी एक ओशटआशा आहे.

तित्तिरबाला ग्रंथीलाला
ग्रसनी जिव्हा कुरूप भोला
. . . चिअर गर्ल्स :?

चांदनी आयी ID उडाने. ., सुझे ना कोई मंजील.
नाना बेरके

जिभेला लकवा वगैरे मारला असेल तर व्यायामाला बरी आहे पद्यरचना.

©º°¨¨°º© दैनंदिनी ©º°¨¨°º©
आमचे राज्य

शरदिनी ,

तुझी कविता म्हणून वाचायला घेतली पण भ्रमनिरास झाला . ही कविता तुझ्या आधीच्या कवितांसारखी फुललेली दिसली नाही .
तुझ्या कवितेच थोडक्यात रसग्रहण तुच देत जा ग ... नाहीतर आम्ही पामर येईल तसे अर्थ काढू . आदीतीचे रसग्रहण चपलख बसले आहे की नाही ते तरी सांग #:S
~ वाहीदा

ओ बाई, लई भारी बरं का... वरचे प्रतिसाद पाहता अनेकांच्या विकेटी पडल्या की. आमचीबी पडली बघा. गंडलो की राव पार... चुकलं. गंडलो की बाई पार!!!
:)

***************************************************
दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

एक हत्ती आणि पाच आंधळे यांची गोष्ट माहित आहे का? तसेच काहीसे चाललेले दिसते या कवितेचे आणि ती वाचणार्यांचे. चालू दे, कविता कशीही असली तरी TP चांगला आहे http://www.wordinfo.info/words/index/info/view_unit/1

कसला टी.पी. राव!! जे समजत नाही त्याला नमस्कार करुन पुढे जायच्या आम्च्या सन्स्कारान आज सकाळ पासुन हात भरुन आले. सार् या कवीता कश्या कड कट्ट, कड कट्ट अश्या टाईप राइटरच्या आवाजा सकट इथ येवुन पडल्या . विडम्बन जरा तरी कळली पण ही कविता आत्ता वरच्या जयपालान्च्या व्यन्ग्य चित्रा मुळ कळली. आता शान्त झोपायला हरकत नाही.

आभार जयपाल, असच काय काय तरी पाळत जावा, म्हणजे ऐन वेळी बाहेर काढुन वेळ भागवता येते.

शब्दांना नसते दुखः; शब्दांना सुखही नसते,
ते वाहतात जे ओझे; ते तुमचे माझे असते.

या आधीच्या कविता पाहून शरदिनी ताई प्रतिसाद देत नाही असे लक्षात आले होते. आता या कवितेत त्यांनी वर प्रतिसाद दिलेला आहे. त्यानंतर एवढ्या चर्चेनंतरही त्यांनी कवितेची उकल केलेली नाही. हे म्हणजे उंदिर मांजराशी खेळते तसे वाटते आहे. त्यांनी या व या आधिच्या कवितांचे रसग्रहण करवून द्यावे (हा आग्रह त्यांना).

डायबेटीस विरुद्ध लढा

माझी जालवही

नोस्ट्राडामसच्या भविष्यकथनाची आठवण झाली. ज्याने-त्याने आपला-आपला अर्थ घटना घडल्यावर काढावा!
------------------------
सुधीर काळे, पुन्हा विठोबाच्या पंढरीत (वॉशिंग्टन डी. सी.) परत!
'ई-सकाळ'वरील फसवणूक मालिकेचे दुवे: प्रकरण तिसरे: http://tinyurl.com/2br29tx
आधीच्या प्रकरणांचे दुवे 'सकाळ'ने लेखाच्या सुरुवातीला दिले आहेत.

काय रत्न आहे हे =))