प्रेरणा भूषण कटककर ह्यांची गजल 'गंधांच्या उलाढाली'
जरा 'टाकून' बसलो तर बला कळवायला आली
तिच्या पक्षातल्या आंबूस गंधांच्या उलाढाली!
तिला जे पाहिजे नेले विदेशी ते तिने सारे
मला बसवून 'देशीशी' तिला साली मजा आली!
इथे येतात ते करण्यास गझला आणि कविताही
चला मारून फाट्यावर निघावे खालच्याखाली!
मिळावे रातच्याला हरितकी अन ऊन पाणीही
तसा मी उगवता वदतो, चला झाली, चला झाली!
गमन करण्या निघालो मी, हिच्यापाशी कसा आलो?
बरे नाही मिळाले पद्य की मी वाकडा चाली!
पुरेसे मोडके केव्हाच झाले गीत हे बाळा
करावी वाटता, गझलेस 'रंग्या' मोडता घाली!
चतुरंग
प्रतिक्रिया
10 Feb 2009 - 1:12 am | संदीप चित्रे
विडंबनामुळे मजा आली, मजा आली
>> तिला जे पाहिजे नेले विदेशी ते तिने सारे
मला बसवून 'देशीशी' तिला साली मजा आली!
इथे येतात ते करण्यास गझला आणि कविताही
चला मारून फाट्यावर निघावे खालच्याखाली!
>>
या ओळी विशेष आवडल्या.
10 Feb 2009 - 1:17 am | बेसनलाडू
३,६ विशेष
(कवी)बेसनलाडू