आनंद - कार्लसन डाव ७

घोडा एफ ३, घोडा सी ६ मागल्या डावासारखीच सुरुवात रॉय लोपेझ

डावात खेचायला हवे. आक्रमक खेळल्याशिवाय पर्याय नाहीये. कारण कार्लसनला काठावर बसून भागणार आहे!

सायकॉलॉजिकल लढाई जिंकण्याचा मार्ग. आनंद्ला वेगळ्या खेळ्या हुड्कल्याच पाहिजेत.
आतापर्यंतच्या सगळ्या डावात आनंदची प्यादे रचना दुबळी पडल्याने तो एंडगेमला अडचणीत आला होता. तो भाग त्याला यावेळी सांभाळावा लागेल.

आज आनंदला फायद्याचे आहे. कार्लसन ज्या प्रकारे बसलाय ते बघण्यासारखे आहे! इतका कॅज्युअल बसलाय तो की कुठल्याशा क्लबात कॉफीटेबल खेळ चालू असावा. आनंदला लक्ष फक्त पटावर ठेवायचे आहे. आणि जिंकायचे आहे.

आनंदला घोडा जी ३ खेळून उंट मागे हाकलायला हवा. आज किल्लेकोट अजून टाळलेले आहेत. कदाचित आता काळा जी ६ खेळेल.

जाम वाढलाय! विडिओ थांबतोय मधेमधे. उंट ई३? उंटांचे एक्सचेंज का करतोय आनंद? वजिराने मारुन मग एच ६ असे घुसायचा प्रयत्न आहे का?
वजीर जी ४ अशी जास्तडायनामिक होती. किंबहुना आज ओपनिंग सुद्धा दुसरे करायला हवे होते!

असं दिसतंय कारण राजाच्या बाजूला प्यादी रेटायची असली तर ते सोयीचे पडेल.
आता बहुतेक ०-०-० आणि त्यानंतर एच४ असे प्यादे पुढे सरकेल असा अंदाज.

आता कार्लसनला चॉइस करायचाय कॅसल कुठल्याबाजूला?
तोही बहुदा तेच करेल. येस! त्याचेही लाँग कॅसल.
मॅग्नुस त्या त्या खेळीसाठी जे आवश्यक आहे तेवढेच करतो आहे. जास्त लांबवर विचारकरुन डोके शिणवून घेत नाहीये!

जी प्यादे पुढे ढकलायची तयारी सुरु झाली बहुदा.

हत्ती आणणार ई८ मधे.

जी ४ असे प्यादे टाकेल का? कारण मोहोरी हलवण्यात काही मतलब दिसत नाहीये.

राजा बी १ मधे गेला. ए२ मधले प्यादे सपोर्ट केले शिवाय पुढे मारामारी झाली तर राजा उघडा पडायला नको. मॅग्नुस बहुदा कॉपीकॅट स्टाईलने त्याचाही राजा हलवेल बी८ मधे.

एच प्यादे सरकवले आनंदने. उत्तम. आता उंट जी ५ अशी धमकी.
कारण कार्लसन घोडा बी८ ला न्यायला बघत होता ती खेळी थांबली.

प्यादे एच ५ आता हत्ती पुढे काढून ई४ प्याद्याला सपोर्ट करायचा इरादा दिसतोय.
मॅग्नुसने उंट मारला. पुढल्या २ खेळ्या चटचट झाल्यात. एच प्यादी पटावरुन गेलीत.
काळ्याचा डाव सॉलिड आहे. अजूनतरी काही वीकनेस नाही.

फार हुषार आहे. डाव लाँग एंडगेमम्धे नेणे हे त्याचे उद्दिष्ट तो साध्य करतोय. आनंदला प्यादी सुद्धा सहज सरकवता येणार नाहीत. रुक एंडगेम तर आनंदसाठी चांगला नाहीच्.\जी ३ प्यादे सरकवले.

पहिल्यांदा मॅग्नुस विचारात पडलेला दिसतोय.
गुरुची विद्या गुरुला करण्याशिवाय आनंदकडे पर्याय दिसत नाही. तुला लाँग एंडगेम हवाय का घे मग आणि त्यातही मी जिंकून दाखवतो!

या संपूर्ण सामन्यात कार्लसन आनंदला कोणत्याही डावात फार मोठे पोझीशनल अ‍ॅडवांटेज घेऊ देणार नाही त्यामुळे होम प्रिपरेशनचा फारसा उपयोग नाही. काय खेळायचे ते आत्ता इथे पटावर.
मॅग्नुस खेळलाय ए ५! नेहेमीप्रमाणेच अनपेक्षित खेळी. तो राजाच्या बाजूला प्याद्यांची मोर्चे बांधणी करतच नहिये. सध्या जागा बळकावणे आणि वेटिंग मूव, आनंदला आव्हान आहे तुझा प्लॅन दाखव!

आक्रमक खेळी हत्ती एच ७! आता हत्तींची मारामारी होणार का? दुसरा हत्ती एच स्तंभात आणून हत्तींची मारामारी झाली. आता वजीर एफ ६ असा घेणार मॅग्नुस.

आता मॅग्नुस बहुदा हत्ती एच ८ आणि हत्तींचे एक्स्चेंज कारायला लावणार.

वजीर कोपच्यात! आता ए३ असे प्यादे खेळून राजाला जागा करुन घ्यायला हवी.

आनंदने फक्त एक गोष्ट साध्य केली आहे की त्याची प्याद्यांची रचना उअत्तम आहे. आणि मॅग्नुसचे दी प्यादे डबल आहे. एवढ्या तुटपुंज्या भांडवलावर त्याला विजय मिळवायचा आहे!!

झपाट्याने ड्रॉकडे निघालाय असे दिसते. आता कार्लसन एफ ५ अशी धमकी देतोय. त्यामुळे एफ ३ मधे वजीर.

आणि मग घोडा डी४ असे खेळया येईल आणि ड्रॉ झाला!!!!

तो मानसिक दृष्ट्या खचलेला वाटतोय. किंवा त्याला असे वाटत असावे की आत्ता बरोबरी तरी जमयेत का ते बघू जिंकायचे नंतर बघता येईल!!

काळी मोहोरी असणार आहेत याचा अर्थ आनंदचा प्लॅन बी काळ्या मोहोर्‍यांबरोबरच आहे हे नक्की!!