सैतानाचा आरसा - शतशब्दकथा

ज्ञानोबाचे पैजार's picture
ज्ञानोबाचे पैजार in जनातलं, मनातलं
23 Sep 2013 - 2:27 pm

मी एखाद्या पिसाटा सारखा बेफाम धावत होतो.

पुढे ती जीवाच्या आकांताने सैरावैरा पळात होती.

माझ्या नजरेत विखार होता.

तिला मी रोज पहायचो.

आज तिला सोडायचे नाही असा निर्धारच मी केला होता.

रडत, धडपडत, अडखळत, भेलकांडत धावताना ती मदतीसाठी केविलवाणे किंचाळत होती.

एका क्षणी मी अगदी जवळ पोचून निर्दयपणे तिची ओढणी खेचली.

ती घाबरुन अजूनच जोरात धावायला लागली.

तिच्याकडे पहात धावताना मी एका दगडाला अडखळलो,

तेवढ्यात ती एका बंगल्यात घूसली.

गेट लावायची तिची धडपड सुरु असतानाच मी तिथे पोचलो आणि

चवताळून त्या दिशेने झेप टाकली.

तिने धाडकन गेट बंद केले.

थरथरत्या हाताने

एक मोठा दगड माझा दिशेने भिरकावत जोरात ओरडली

हाऽऽऽऽड

कथासमाजजीवनमानरेखाटनअनुभवप्रतिभा

प्रतिक्रिया

पैसा's picture

23 Sep 2013 - 4:24 pm | पैसा

कुत्र्याची आत्मकथा आहे काय? सुरुवात वाचून एका गुऩ्हेगाराची आत्मकथा वाटली होती! :D

बॅटमॅन's picture

23 Sep 2013 - 4:50 pm | बॅटमॅन

कलाटणी आवडली.

अत्रुप्त आत्मा's picture

23 Sep 2013 - 7:10 pm | अत्रुप्त आत्मा

+111

कोमल's picture

24 Sep 2013 - 10:01 am | कोमल

+1111

तिमा's picture

23 Sep 2013 - 6:34 pm | तिमा

अच्छा, अच्छा, म्हणजे कुत्र्याने लिहिलंय तर! म्हणूनच शुद्धलेखनाच्या चुका झाल्यात वाटतं!

ज्ञानोबाचे पैजार's picture

30 Sep 2013 - 2:01 pm | ज्ञानोबाचे पैजार

शुध्द लेखनाच्या चुकांचे खापर कुत्र्यावर फोडुन तिमांनी कुत्र्याचा जो घोर अपमान केला आहे त्या बद्दल त्यांचा तिव्र निशेध.

मनिम्याऊ's picture

23 Sep 2013 - 7:14 pm | मनिम्याऊ

या शतशब्दकथेचा एकूण अंदाज आला होता.... पण तिच्याकडे पहात धावताना मी एका दगडाला "अडखळलो".. यामुळे खात्री होत नव्हती..

प्यारे१'s picture

17 Aug 2015 - 1:55 am | प्यारे१

मनिम्याऊ ला येणार च भुभु चा अंदाज लवकर....!

बाकी ही स्पर्धेसाठी नसलेली श श क आवडलीच्च.

सस्नेह's picture

23 Sep 2013 - 8:46 pm | सस्नेह

जमलीय कथा.
पण शीर्षकाचा संबंध समजला नाही.

आनंदी गोपाळ's picture

24 Sep 2013 - 7:09 am | आनंदी गोपाळ

to kutra hota ki balaatkaaree, he tumachyaa manaane tharwaa.

पैसा's picture

30 Sep 2013 - 10:12 am | पैसा

पण मग सैतानच का?

ज्ञानोबाचे पैजार's picture

30 Sep 2013 - 2:11 pm | ज्ञानोबाचे पैजार

शेवट वाचे पर्यंत तुमच्या मनातल्या सैतानाने काय बरं विचार केला?

जडभरत's picture

4 Jul 2015 - 12:32 pm | जडभरत

आयला खरंच की!
ह्या लघुकथेची सगळी गंमत ह्यातच आहे.
तुमच्या मनात जे आहे त्याप्रमाणेच तुम्हाला दिसणरः एकतर बलात्कारी मनुष्य किंवा पिसाळलेला कुत्रा! म्हणून तर म्हटलंय सैतानाचा आरसा!
पैजारबुवा आवडली ही डबल कलाटणी!

अभ्या..'s picture

30 Sep 2013 - 2:05 pm | अभ्या..

मस्त एकदम माऊली.
लैच भारी.

स्पंदना's picture

1 Oct 2013 - 5:36 am | स्पंदना

अरे हाऽऽऽड!

मस्तच!

मुक्त विहारि's picture

1 Oct 2013 - 6:02 am | मुक्त विहारि

लैच भारी.

चिगो's picture

2 Oct 2013 - 8:00 pm | चिगो

जबराट कथा, पैजारबुवा.. आणि, अर्थाअर्थी काही संबंध नसलेलं एवढं समर्पक शिर्षक क्वचितच असतं.. आने दो अौर..

सूड's picture

3 Oct 2013 - 1:54 pm | सूड

महिना बघता समयोचित !!

तुडतुडी's picture

9 Jul 2015 - 4:10 pm | तुडतुडी

झकास

झकास कथा.

ईश्वरसर्वसाक्षी's picture

9 Jul 2015 - 5:01 pm | ईश्वरसर्वसाक्षी

थरथरत्या हाताने
एक मोठा दगड माझा दिशेने भिरकावत जोरात ओरडली
हाऽऽऽऽड

बोका-ए-आझम's picture

16 Aug 2015 - 12:51 am | बोका-ए-आझम

नरकाच्या म्हणजे सैतानाच्या निवासस्थानाच्या दरवाज्यावर सर्बेरस नावाचा कुत्रा पहारा देत असतो. म्हणजे कुत्रा आणि सैतान यांचा संबंध आहे. शिवाय मागे लागलेल्या कुत्र्याचे विचकलेले दात आणि एकंदरीत अभिनिवेश हा सैतानीच असतो. बाकी कथा सुपर्ब!
(श्वानप्रेमी पण इंजेक्शनला घाबरणारा) बोकोबा.

एक एकटा एकटाच's picture

16 Aug 2015 - 11:47 pm | एक एकटा एकटाच

मस्त

gogglya's picture

17 Aug 2015 - 3:56 pm | gogglya

शिर्षक आणी त्यामागील सन्दर्भ कळल्यावर अजुनच आवडली आहे ही कथा...