रंगीत मिरच्या - रेसिपी सुचवाल ?

जर सुकवून तळली तर? आणि त्यात दहि मीठ घालून खायचं तळल्यावर तिखट्पणा थोडा कमी होईल आणि दही घातलं की अजुन कमी होईल्...बाकि एक्स्पर्ट्स सांगतीलच
स्वगतः ही का चिडवतेय मला..बाहेर बदाबदा पाऊस कोसळतोय माझं ऑफिसमधलं काम संपलं नाहीये आणि ही भज्यांचं चित्र टाकते... :(

मिरच्यांची भजी !!!
व्वा ...झकास. पाणी सुटलय तोन्डाला =P~

भरली मिरची हा प्रकार करता येईल. पण सारण काय भरावे हे जाणकार सान्गू शकतील. सॅलड मध्ये पण वापरू शकता. पण त्या आधी व्हिनेगर मधे बुडवून ठेवाव्या लागतील्...म्हणजे तिखटपणा कमी होईल. आत बिया असतील तर त्याही काढून टाका कारण बियांमुळे तिखटपणा जास्त वाढतो.
-- वेलदोडा

पण रंगांची गंमत दिसण्यासाठी हळद घालू नये - खूप कमी घालावी.

रंगीबेरंगी ठेचा :
लिंबाचा रस आणि मीठ घालून मिरच्यांचा ठेचा करावा - प्रत्येक रंगाच्या मिरच्या वेगवेगळ्या करून. वाढताना वेगवेगळे रंग सुशोभित दिसतील असे शेजारी-शेजारी वाढावेत.
(ठेचण्यापूर्वी मिरच्या चुलीच्या/गॅसच्या जाळाशेजारी शेजारी ठेवून भाजल्या, सालपटे काढली-न काढली तर ठेचा खमंग होतो. सालपटे नाही काढलीत तर तर भाजलेल्या सालाचा काळा रंग ठेच्याला येतो.) लिंबाने-मिठाने आणि भाजल्याने तिखटपणा थोडा कमी होतो.

तुमची भजीची कल्पना तर मस्तच आहे.

काचेच्या पारदर्शक बाटलित विनेगर मध्ये बुडवलेल्या मिरच्या वापरुन छानस शोपिस करता येइल. बाजारात असे शोपिस मिळतात त्यात मिरच्या, गाजराचे तुकडे, लसणाच्या पाकळ्या इत्यादि घालुन रंगसंगति साधलि असते.

कसं करायचं माहीत नाही पण अशा प्रकारच्या मिरच्यांचे "सालन" फारच छान लागतं. बर्‍यांच वेळेस खाल्लं आहे. पाक़-कृती मिळाल्यास येथे नक्की देइन.

मिरच्यांचा तिखटपणा कमी करण्यासाठी मिरचीला उभी चीर देऊन आतील बिया आणि प्लासेंटा काढून टाकावा.

१) भजी करायची असतील आणि अजून तिखटपणा कमी करायचा असेल तर उकळत्या पाण्यात वरील मिरच्या शिजवून नंतर कोरड्या करून हळद, मीठ घातलेल्या बेसनात (चण्याच्या पिठात) घोळवून तळायच्या. पण रंगांची मजा मिळत नाही.

२) मिरच्यांच्या बिया आणि प्लासेंटा काढून टाकून मिरच्या अगदी पातळ चिराव्यात आणि वेगवेगळ्या रंगाना मिसळून पांढर्‍या शुभ्र पुलावात वापराव्यात. पुलावात अगदी बारीक चिरलेला (किंवा किसलेला) कांदा, काजू, मनुका टाकाव्यात.

३) वरील प्रमाणेच पुलाव करून (पिवळ्या रंगाच्या मिरच्या वगळून) पुलावात किंचित हळद टाकून पुलाव पिवळा करावा आणि पनीरचे तुकडे (साधारणपणे १ सेंटी आकाराचे), गर काढून टाकलेल्या टोमॅटोचे चौकोनी तुकडे आणि हिरव्यागार कोथिंबीरीने सुशोभित करावा.

शुभेच्छा....!

मिरच्या मस्त दिसत आहेत.पेठकरांनी सांगितले आहेच तसे पुलावात वापर कर, तसेच चायनिज प्राईड राईस,न्यूडल्स मध्ये वापरता येतील.
पनिर चिली करता येईल. स्टफ्ड मिरच्या करता येतील.(स्टफ्ड सिमला मिर्च सारख्या बटाट्याचे सारण भरून)
बेसन, मीठ,डेसिकेटेड कोकोनट/सुके खोबरे/ओले खोबरे,धने जीरे पूड आणि थोडी साखर सगळे एकत्र करून थोड्या चिंचेच्या कोळात भिजव.दाटसर व्हायला हवे. हे स्टफिंग मिरच्यात भर आणि फोडणीला टाक,हळद अगदी कमी म्हणजे रंगांची मजा जाणार नाही.परतून भाजी कर..कोथिंबिरीने सजव्...मस्त्त्त्त्त्त भाजी होते.आमच्या इथे बर्‍याच तुर्की दुकानात अशा मिरच्या हमखास मिळतात मी त्यांची भजी आणि भाजी दोन्ही करते,:) तसेच न्यूडल्स,फ्राईड राईस,पुलाव इ. मध्येही वापरते.

भजी मस्तच दिसतायेत.
ह्या मिरच्यांचे चिली मश्रूम हा पदार्थ करता येईल. गूगल केल्यास रेसिपी मिळेल.
बार्बेक्यूसाठी पण वापरता येतील.
-- पक्या

मिरच्याचा ठेचा, पेठकरकाका॑नी सुचवलेली भजी, पुलाव हे तर खुपच छान, ईश्वरी ताई कधी करताय हे सर्व आणि आम्हाला बोलवताय.

१.बिया काढून मिरच्यांचे चौकोनी तुकडे करुन घेणे,कांदा चौकोनी चिरुन त्यात घालणे,चाट मसाला,मीठ घालणे एक सारखे करुन पावात भरणे आणि टोस्ट सँडविच करणे .टोमॅटो सॉस बरोबर गरम गरम मस्त लागतात..
२.ह्या सगळ्या रंगीत मिरच्या,कांदा,बटाटा,फ्लॉवर,मटार इ.घालून मिक्स रस्सा करता येईल.
३.किवा वरील सगळ्या भाज्या+ पनीर +गरम मसाला घालून मिक्स भाजी करता येईल.क्रीम+कोथिंबिरीने सजवून त्याला व्हेज कढाई,व्हेज कोल्हापूरी ..तत्सम काही नाव देऊन पंजाबी डिश म्हणून सर्व्ह करता येईल,:)
स्वाती

मिरचीमधे मसाला भरून त्या उन्हात चांगल्या वाळवल्यास तर तुला वर्षभर वापरता येतील,
ती फोडणीत वापरून किंवा नुसती तळुन तु दहीभात, दहीपोहे, खिचडीत वापरू शकतेस.
तसेच पापड तळताना नुसती तळून सुद्धा छान लागते.
भाकरी बरोबर दह्यात कुस्करून सुद्धा छान लागते.
मिरचीत भरायला मसाला काय घालायचा हे माहीत नसेल तर सांग मी सांगेन तुला....:)

ठेचा सुद्धा छान होतो, व्हिनेगर पेक्षा लिंबूरस वापर आणि हवाबंद बरणीत ठेव....
लोणचे सुद्धा होईल.

मस्त बार्बेक्यूचा बेत करावा.
ही भेट ज्यांनी दिली त्या परिचितांनाही बार्बेक्यूला बोलवावे.
सर्व मिरच्या नीट धुवून घ्याव्यात आणि कापडाने स्वच्छ पुसून कोरड्या कराव्यात.
बार्बेक्यूचे निखारे नीट पेटू द्यावेत.
निखारे रसरसून फुलले की त्यावर या मिरच्या टाकून त्याची त्या परिचितांना चांगली धुरी द्यावी!!!:))
....
च्यायला! काय पण परिचित आहेत!!
या उन्हाळ्यात चांगले आंबे, स्ट्रॉबेरी (जिथे असाल त्याप्रमाणे!), नाही तर नाही, गेला बाजार कलिंगडाची तरी भेट द्यायची सोडून मिरच्या कसल्या भेट म्हणून देतात!!!:))

रोखठोक,
पिवळा डांबिस

निखारे रसरसून फुलले की त्यावर या मिरच्या टाकून त्याची त्या परिचितांना चांगली धुरी द्यावी!!!
-- हे लिहीण्यातील तुमचा उद्देश समजला नाही. फालतू काहि तरी आहे म्हणुन टर उडवणे, या साईट वर रेसिपी विचारू नये म्हणून, तुम्हाला वाचताना फार त्रासदायक वाट्ले म्हणून ते व्यक्त करण्यासाठी की सहज काहीतरी गमतीशीर लिहावे म्हणून तुम्ही ही प्रतिक्रिया दिली आहे ?
कोणी कोणाला काय भेटवस्तू द्यावी हा ज्याचा त्याचा वैयक्तिक प्रश्न आहे. तुमच्या रोखठोक पणा पेक्षा तुम्ही उगाच पिडताय असे वाटते.

मिरच्या बेट्या काय सुरेख दिसताहेत!

मिरची भज्यांची पाकृ आणि फोटूही फार सुरेख! :)

ईश्वरी, अजूनही अश्याच उत्तमोत्तम पाकृ मिपावर येऊ देत ही विनंती...

तात्या.

मला या एका गोष्टीसाठी मि पा आवडते. मनमोकळे काहीही लिहिता येते. विद्वत्त्तेच्या झिरमिळ्या बाजुला करुन घरात बहीणीशी / काकुशी /काकाशी /वहीनीशी गप्पा मारतो तसे इथे सगळे बोलत असतात.
इथले सगळे मला माझ्या परिवारातले वाटतात. मिपा चे वैषिष्ठ्य काय हे आत्ता नक्की समजले.
मिपा परिवारातला सदस्य विजुभाऊ

बघून एक क्षणभर पोपट असल्यासारखे वाटले!
आपल्या पायात एकेक मिरची उचलून, अलगद फोडून, त्यातली एकेक बी अणकुचिदार आकडेबाज चोचीने सोलून खाणारा मिठूमिया!
ईश्वरी, ह्या मिरच्यांचीही पा.कृ. होऊ शकते हे नव्याने समजले. धन्यवाद!

चतुरंग

त्या गुलाबी मिरच्या काय गोड दिसतायेत..
गुलाबी ड्रेसवर मिरच्यांची माळ भारी दिसेल ना..... B)