चल उसात दंगा करू
मंडळी, आप्ला ह्यो हिरो आन हिरवीन मस्तपैकी श्येताव आल्याली हायेत. त्ये काय करूं र्ह्यायलेय त्ये पाहू चला:
(पैकं नसल्यांनं एका डबड्यात ग्येल्येल्या पिच्चरमंधी ह्ये गानं टाकेल हाय.)
हिरो:
पिक आलं वयात आता
नको उशीर तू ग करू
अग पारू...
चल उसात दंगा करू
हिरो:
डोईवरी पदर घेवूनी आलीस मोठ्या नखर्याने
सांग सजणी भ्यालीस का तू माझ्या असल्या वागण्याने?
हिरवीन:
गाव बोलंना काहीबाही पन लगीन आपलं र्हायलंय ठरू
लाजायची येळ गेली अन मी फिकीर कशाची आता करू
हिरो:
आसंच आसलं तर मग
अग पारू...
चल उसात दंगा करू
हिरो:
पाटपान्यात भिजलेत पाय लागल्यात मासोळ्या दिसू
हात लागता हाताला मग डाळींबी दाण्यांना आलं हसू
हिरवीन:
मी तर मैना लाडाची रे सच्या तुच माझा राघू
तरीबी सांगते नका उगा कौतीक करू
हिरो:
आरं..र्रर्रर्र....
अग पारू...
चल उसात दंगा करू
प्रतिक्रिया
25 Feb 2010 - 12:03 pm | नंदू
पाषाणभेदजी,
आज दादा कोंडके असते तर त्यांनी तुम्हाला डोक्यावर घेतलं असतं. ;)
25 Feb 2010 - 2:14 pm | Dhananjay Borgaonkar
मला कवितेच शिर्षकच लै भावलं...
येक नंबर...
दंगा चालुदे...
25 Feb 2010 - 2:28 pm | चतुरंग
'ऊस लावणी ' ते 'उसातली लावणी' असा प्रवास पाहून अत्यानंद झाला! :D
(ऊस तोडणी कामगार)चतुरंग
25 Feb 2010 - 7:59 pm | प्रा.डॉ.दिलीप बिरुटे
>>>'ऊस लावणी ' ते 'उसातली लावणी' असा प्रवास पाहून अत्यानंद झाला!
=)) आरं आवरा रे कोणी या चतुरंगाला...!
बाकी गाणं लिव्हित राव्हा....!
-दिलीप बिरुटे
[तमाशा आणि लावणीचा रसिक]
25 Feb 2010 - 7:29 pm | शुचि
"चल जोसात दंगा करू" असं शीर्षक द्यायचं होतं का तुम्हाला? :)
ते अमेरीकेत कसं नवी लोकं "सॅन होसे" ला "सॅन जोसे" म्हणतात माहीत नसल्यानी तस काहीतरी.
**********************************
या जगात दुर्लभ असे काही असेल तर ती सद्वासना आहे - वाचनात आलेला सद्विचार (ज्ञनेश्वरीतील ओवीवर आधरीत)
25 Feb 2010 - 11:47 pm | पक्या
शिर्षक लय भारी.
जय महाराष्ट्र , जय मराठी !
26 Feb 2010 - 12:47 am | मी-सौरभ
-----
सौरभ :(
26 Feb 2010 - 11:57 am | फ्रॅक्चर बंड्या
ऐन वेळेला संपवलीत... +१
binarybandya™
27 Feb 2010 - 8:49 am | विसोबा खेचर
उसातला दंगा आवडला.. :)
27 Feb 2010 - 9:03 am | राजेश घासकडवी
शब्दाशब्दामध्ये ठासून भरलाय...मस्त.