जा॑भळ्या टेकडी तळिचे
ते तळे खुणावुन हसले
अन पहाटफुटणी मधल्या
केशरात अलगद लपले
थरथरली तीरावरची
गवताची पाती ओली
वाऱ्याची फु॑कर येता
पाण्यावर झु॑बर फुटले
घनदाट शा॑तता तिथली
तोलून थिरकत्या प॑खी
पाखरू एक इवलेसे
क्षण एक लकेरुन गेले
नि:शब्द, तरल जे सारे
ते इथेच जन्मा आले
कोवळे ऊन टिपताना
झिरझिरित धुके शिरशिरले
चल पुन्हा तळ्याच्या काठी
चल पुन्हा, पुन्हा चल जाऊ
अस्वस्थ जगाचे मागे
कोलाहल सोडुनी सगळे.
- उदय
प्रतिक्रिया
7 May 2017 - 10:45 am | मितान
चित्रदर्शी कविता ! सुरेख !!!
7 May 2017 - 3:50 pm | पद्मावति
अत्यंत सुरेख कविता.
नाव वाचूनच लेख उघडावा अशा मिपाकरांपैकी तुम्ही एक आहात.
आहाहा...
....प्रचंड आवडले आहे.
7 May 2017 - 6:22 pm | पैसा
सुंदर!
7 May 2017 - 11:29 pm | अत्रुप्त आत्मा
अप्रतिम सुंदर रचना.
8 May 2017 - 12:11 am | सत्यजित...
>>>घनदाट शा॑तता तिथली
तोलून थिरकत्या प॑खी
पाखरू एक इवलेसे
क्षण एक लकेरुन गेले>>>क्या बात है! क्या बात है!
खूप आवडली कविता! दोन वेळा वाचली...नि मग पुन्हा पुन्हा स्मरत राहिली! धन्यवाद!
8 May 2017 - 4:29 am | एस
वा! कविता आवडली.
8 May 2017 - 4:51 am | रुपी
अहाहा... काय सुंदर!
"पाण्यावर झु॑बर फुटले" फारच आवडले.
मिपावर सध्या एक से एक कविता येत आहेत.
8 May 2017 - 10:00 am | ज्योति अळवणी
फारच सुंदर
28 May 2017 - 3:34 pm | अनन्त्_यात्री
सर्व प्रतिसादका॑ना मनःपूर्वक धन्यवाद!
28 May 2017 - 4:11 pm | यशोधरा
वा! सुरेख!
28 May 2017 - 4:33 pm | दशानन
अप्रतिम रचना. आवडली.
29 May 2017 - 5:43 am | प्रमोद देर्देकर
++,
सुंदर कविता. आवडली.
29 May 2017 - 11:56 am | अनन्त्_यात्री
धन्यवाद!
28 May 2017 - 6:20 pm | अनन्त्_यात्री
धन्यवाद!