(इच्छामटण)

अश्याप्रकारे इच्छामटणाचा खीमा झाला !!

अरे काय चालवलंय हे ????? आँ ?????

इथे मटण-चिकन-माश्यांची खर्रीखुर्री चायपे चर्चा सुरू करून (इच्छामटना)चा पार खिमा करून टाकलात की, राव !!!!!!!!!!!!!!! =))

काहि प्रतिसाद तर राजा एकदमच हेकोडे तिकोडे होउन राहिले ना..म्हंजे स्क्रिन च्या निरा उजविकडेच चाल्ले ना ते.वाच्याले लय तरास होउन राह्यला :)

बामणानं मटण महाग केलं
दलितांनं पुस्तक महाग केलं
समाजवादाचं ओझं एकमेकांच्या दाराशी नेलं
त्यात आपल्या बापाचं काय गेलं?
( रामदास फुटाणे यांची चारोळी)

हा असला मस्त विषय चर्चायला श्रावणच का निवडलात??
जखमेवर मीठ (मीट) लावायचा प्रकार झाला हा...

वैष्णव पंथीयांनीच हे सगळं सुरू केलं आहे, कि सात्विक गुणांसाठी शाकाहार करणे वगैरे. आणि हिंदू धर्मात वैष्णव पंथ जास्ती प्रभावी असल्यामुळे हिंदूधर्मामध्ये मांसाहार निषिद्ध आहे असा त्यांनी प्रसार केला. आणि तोच समज आजही बहुतेकांचा आहे कि हिंदू धर्मात मांसाहार नको आहे.
आपण जर अभ्यासपूर्ण निरिक्षण केल्यास असे लक्षात कि वैष्णव पंथीयच यथाशक्ती प्रयत्न करून असे सांगतात कि मांसाहार करू नये.
उदा.- वारकरी संप्रदाय
इस्काॅन आणि बरेच
त्यामुळे मांसाहार केल्यामुळे पाप वगैरे लागते म्हणजे कहरच झाला.
आणि गीतेमध्ये जे काही मांसाहाराबद्दल असेल तर ते वैष्णवपंथीयांनीच नंतर घुसडले असणार हे नक्की.तेव्हा मित्रांनो काही होत नाही हादडा तुम्ही पोट भरून,फक्त अतिरेक नको व्हायला एवढेच.
स्वामी विवेकानंद मांसाहारी होते माहित आहे ना? कारण ते शाक्त पंथ मानणारे होते,आणि बंगालीही होते.

आणि आत्मा मरत नाही त्यामुळे त्या प्राण्याला(पशू,पक्षी,श्वापदे,मानव नव्हे) मारणे म्हणजे त्याचे शरीर मारणे होय.फक्त हे सार्वजनिक असू नये इतकेच.

पुण्यात चांगला सावजी मटण कुठे मिळते ?

काय तर मग? झाला की नाही 'लंगोटकट्टा'?
निदान 'गोटकट्टा' तरी?

नगर रोडला खराडीपासून जवळच असलेले कावेरी!!!! काय मटन आहे तेच्यायला, लयच मज्या आली राव खाऊन. रस्सापण असला चविष्ट, आहाहाहा....ह्याऽऽ मोठाल्या भाकर्‍या आणि हे चविष्ट मटन....तोंडाला चव आली हे लिहूनसुद्धा.

हाहाहा

सर्व मिपाकारानी इतक्या हॉटेल ची नावे दिली आहेत कि ह्या सर्व ठिकाणी एक एकदा जायचे म्हंटले तर पाच एक वर्ष तरी सहज निघून जातील आस्वाद घेण्यात.

बिल घेऊन ये

तळेगाव - चाकण रस्त्यावर तळेगावकडून चाकणला जाताना नदीच्या अलीकडे आपुलकी मधे मटण , चिकन थाळी मिळते.. तिथली आपुलकी स्पेशल चिकन थाळी मस्त असते !

काही अनवट ठिकाणं . जव्हार नाशिक रोड सगळीकडे उत्तम वेगळीच चव असलेलं मटण. लातूर आणि उस्मानाबाद जबरदस्त मटण. माझा एक मित्र आहे हिंदू खाटीक एकतर त्यांचे बार असतात किंवा सावकारी धंदा . मटणावर मस्त तूप टाकावं आणि भाकरी बस्स हा प्रकार तिथेच खावा . त्यांच्या घरातच . बाकी बरीच ठिकाणं बोलून झाली आहेत तरी आवर्जून उल्लेख करावा लागेल तो राजस्थानात लाल मास चा आणि मंगलोर ला मिळणाऱ्या मटणाचा .
मुंबई मधील सामिष खाद्यप्रकार ह्यावर एक स्वतंत्र धागा काढायचा आहे . जाता जाता गुजरातलाही उत्तम मटण मिळत अहमदाबाद वडोदरा येथे . कधी गुजराती थाळी खाऊन बोर झालात तर जरूर ट्राय करा

चंद्रपूर ला जावं लागायचं खूप वेळा एका पॉवर प्लांट साठी त्यामुळे अकोला अमरावती नागपूर शोधून शोधून खायचो तिथल्या हॉटेलात . ड्राईव्ह करत जायचो त्यामुळे .

बडवे खानावळ इचलकरंजी
तारांगण - जगदंबा च्या समोर खेड शिवापूर टोलनाक्याच्या अलीकडे पुणे बाजूस.
इकडेपण उत्तम मटणभाकरी मिळते.

ललित रेफ्रेशमेंट मध्ये खा फोर्ट ला गुड फिश गुड नॉनव्हेज . त्याच्या बाजूलाच अपूर्वा आहे नॉनव्हेज छान मिळत मंगलोरी पद्धतीचं.महेश लंच होम ला पण तोड देईल असं.बाजूलाच प्रदीप लंच होम आहे तिथे पण मस्त मटण मिळतं. गिरगावात अनेक ठिकाण आहेत बोरिवलीला पाचकळशी मटण प्रसिद्ध आहे .अशी अनेक ठिकाण आहेत. मुंबईतील खादाडी वर एक स्वतंत्र धागा काढावा कोणीतरी . दादर गिरगाव फोर्ट बांद्रा हि म्हणजे आद्य पंढरी आहे खाणाऱ्या लोकांची . सर्व प्रकारच्या खाण्या बाबतीत .बाहेर जायलाच नको .

उपयुक्त धागा...वाचनखूण साठवली गेली आहे. :P

पुण्याजवळ भोर मध्ये (शिवापूर जवळ सुद्धा आहे) "पलंगे बिर्याणी" ची चव recently आवडली आहे..पुन्हा एकदा try करुन confirm करायचा विचार आहे..

एका काळ होता जेव्हा हैद्राबादी बिर्याणी सोडून इतर काहीच आवडत नसे, पण तोवर मी अवधी बिर्यानी हाणली नव्हती. वाह वाह अन फक्त वाह, एखादी थंड धुकाळलेली अवधी लखनवी संध्याकाळ, बडा इमामबाडा भागात खाण्याचे सुगंध दरवळत आहेत, एकीकडे जगप्रसिद्ध गलौटी कबाब खुणावत आहेत पण मी स्थितप्रज्ञ योग्यासारखा त्या कबाबचे लटके झटके टाळून पुढे जातोय, इतक्यात दरवळतो एक सुगंध न टाळता येण्यासारखा, जणू तपोभंग करणारी एखादी अमरवतीतली अप्सराच ती, उघडलं बघा झाकण देगचीचं त्या कुलीन घरंदाज नवाबी शिया रसोईयाने, जणू डोकेच फिरावे, शीतं मोकळीमोकळी असलेला सुगंधी बासमती, त्यात इतर अवर्णनीय मिलाफ, बाबौ तोंडात त्सुनामी उठली तिच्यायची (डोळे झाकलेले माकड स्मायली)

लखनौ म्हटलं कि मला फक्त टुंडा कबाब आठवतात .

बाकी हैदराबाद वरून आठवलं बऱ्याचदा जाऊन काही वेगळी ठिकाणं.. तिथे सिकंदराबाद क्लब ला जे जेवण मिळत ते अप्रतिम आणि आलवाल ला आर्मी कॉंटेन्मेन्ट आहे माझे २ मेजर मित्र होते तेव्हा मी गेलेलो जे मटण आणि फूड त्याला तोड नाही इन निजाम पॅलेस गुड व्हिस्की आणि बेस्ट बिर्याणी जी अक्ख्या हैद्राबाद ला मिळणार नाही . ते असो पण सिकंदराबाद क्लब जरूर ट्राय करा .