विशिष्ट अभिजाताच्या मंत्रसमाधीचे प्राक्तन

शरदिनी's picture
शरदिनी in कलादालन
19 Aug 2012 - 6:41 pm

अनन्यशून्या गरळविशिष्टा
मंतरलेली चरणप्रतिष्ठा
अल्लडढोली धोतरजोडी
चित्तरबद्धा जळमंजिष्ठा

चपळ्शरीरी आटापीटा
अल्फाबीटाग्यामाथीटा
शोधनभंजक वरबालंटा
कुठे कोणासी सचित्रघंटा

अभिजाताची मंत्रसमाधी
थिल्लर घोटा अतिकोलांटी
कांक्षितबुद्धी धरणललाटी
मेंदूक्रांती मेंदूक्रांती

शरदिनी १८ ऑगस्ट २०१२ पुणे

नृत्यधोरणराहती जागासामुद्रिकमौजमजा

प्रतिक्रिया

प्रा.डॉ.दिलीप बिरुटे's picture

19 Aug 2012 - 6:44 pm | प्रा.डॉ.दिलीप बिरुटे

अभिजाताची मंत्रसमाधी
थिल्लर घोटा अतिकोलांटी
कांक्षितबुद्धी धरणललाटी
मेंदूक्रांती मेंदूक्रांती

या चार ओळी खासच आहेत.
बाय द वे, कोणतं वृत्त म्हणायच हे ?

-दिलीप बिरुटे

शरदिनी's picture

19 Aug 2012 - 6:50 pm | शरदिनी

" तेरी भी चुप और मेरी भी.. " या टीकग्रंथात जालिंदरजींनी सांगितलं हे वृत्त...

मेंदूक्रांता वृत्त..

दोलक सतराव्या मात्रेवर.
तीर्थ पाचव्या मात्रेवर...
बाकी पूर्ण वेळ टाम्टुम.. इतकंच आठवतंय...

प्रा.डॉ.दिलीप बिरुटे's picture

19 Aug 2012 - 7:52 pm | प्रा.डॉ.दिलीप बिरुटे

दोलक सतराव्या मात्रेवर.
तीर्थ पाचव्या मात्रेवर...
बाकी पूर्ण वेळ टाम्टुम..

माधव ज्युलियन छन्दोरचना या ग्रंथात मेंदूक्रांतावृत्तावर लिहायचे राहुन गेले.
बाकी आभार. दोन क्षण सुखात गेले.

-दिलीप बिरुटे

पैसा's picture

19 Aug 2012 - 6:48 pm | पैसा

छान गं.
मस्त गं
कसं जमतं गं
डोळे पाणावले गं!!!

रमताराम's picture

19 Aug 2012 - 6:55 pm | रमताराम

जागा चुकली की हो. बरं ते असो.
या निमित्ताने काही अभिजात काव्य वाचायला मिळाले - ते ही समजावून घेण्याचा आटापिटा न करता - हा एक फायदा झाला.
बादवे: तुमच्या कवितेवर ग्रेसचा प्रभाव आहे नि थोडी नियतीशरणता असे वाटते का?

शरदिनी's picture

19 Aug 2012 - 7:30 pm | शरदिनी

भ्रांत

स्वतंत्र मी स्वयंभू मी
तांत्रिकांची भ्रांत मी
वर्णविंध्य स्पंदनांत
घट्ट स्पष्ट रुष्ट मी

अष्टमी त नष्टमी
सुबद्ध मीच भ्रष्ट मी
कष्ट मी नि क्लिष्ट मी
यत्र तत्र मीच मी

शरदिनी १९ ऑगस्ट २०१२

श्रावण मोडक's picture

22 Aug 2012 - 9:46 pm | श्रावण मोडक

शरदिनीची अपेक्षा असो वा नसो, या कवितेतून अर्थ निघेल. 'को हं'चे उत्तर आहे ही कविता म्हणजे!

आमच्यासारख्या अज्ञ लोकांना अशी कविता पाहिली की याचीच आठवण होते ;)

शरदिनी's picture

19 Aug 2012 - 7:28 pm | शरदिनी

जालिंदरजींनी असल्या लोकांवर केलेली एक कविता आहे... त्यातल्य काही ओळी टंकत आहे.

स्मरणभरारी दौलतजादा
जोश जलाली संकटनादा
ऐन दुपारी केला वादा.
इंजिनदादा इंजिनदादा

जालिंदर जलालाबादी
( जलालाबादचे असह्यकडे.. या संग्रहातून)

बॅटमॅन's picture

19 Aug 2012 - 10:12 pm | बॅटमॅन

सिंटॅक्सवादी मार्कोव्हनादी
पोष्टमॉडर्नी सेमँटिकी का
रंगहीन हिरवे विचार सगळे
झोपती क्रुद्धपणे का||

जाई.'s picture

19 Aug 2012 - 7:12 pm | जाई.

अवघड आहे !!!

चित्रगुप्त's picture

19 Aug 2012 - 10:36 pm | चित्रगुप्त

काही कळले काही नकळले
नकळलेले कळले कळले
कळलेले न कळले न कळले

कळत वळत चुळत बुळत
कळवळत चुळबुळत
वळवळत कळकळत
कळकळ वळवळ मळमळ सळसळ
सळवळ मळसळ कळवळ कळसळ

अर्धवटराव's picture

21 Aug 2012 - 12:33 am | अर्धवटराव

ठ्ठो..

अर्धवटराव

आंबोळी's picture

19 Aug 2012 - 11:27 pm | आंबोळी

वा तै...
भडकमकरांनी आमचा निरोप पोचवलेला दिसतोय....
तुम्हाला पुन्हा कविता व्हायला लागलेल्या बघुन समाधान वाटले...

दिपक's picture

20 Aug 2012 - 9:48 am | दिपक

कळलं नाही.

मेघवेडा's picture

20 Aug 2012 - 1:37 pm | मेघवेडा

आमी तर तुमच्या कविता केवळ नादमयतेकरिता वाचतो बॉ.. बेष्ट!

मेंडूक्रांता वृत्त आवडेश!

अर्धवटराव's picture

21 Aug 2012 - 12:35 am | अर्धवटराव

या असल्या कविता खरच अर्थगर्भीत असतात का पहिले कविता लिहायची आणि मग अर्थ शोधायचा असा प्रकार असतो?

अर्धवटराव

अविनाशकुलकर्णी's picture

21 Aug 2012 - 1:39 am | अविनाशकुलकर्णी

मजा आली वाचुन

मूकवाचक's picture

22 Aug 2012 - 4:17 pm | मूकवाचक

'गर्विष्ठ निराकाराच्या शष्पतत्वज्ञानाचे कवित्व' असे एक शीर्षक तरळून गेले डोळ्यासमोरून ...

+१

शाष्पिक तात्विक नैराकर्य इ.इ. संदर्भ

अर्धवटराव's picture

22 Aug 2012 - 9:18 pm | अर्धवटराव

>>गर्विष्ठ निराकाराच्या शष्पतत्वज्ञानाचे कवित्व
-- व्वा.. काय झकास व्युत्पन्न शिवी आहे (नक्की शिवीच आहे का माहित नाहि ). आता येऊ देत कोणाला वादविवाद करायला... पार फाडुन काढतो.

अर्धवटराव

मृत्युन्जय's picture

21 Aug 2012 - 1:19 pm | मृत्युन्जय

न कळालेल्या कवितांमध्ये अजुन एका कवितेची भर पडली. अवघड आहे.

शरदिनीआप्त's picture

21 Aug 2012 - 2:23 pm | शरदिनीआप्त

भारि लिवलाय ओ तै.

आपण तर लई खुश.

आयच्या गावात.....
या शरदिनीचे आप्त पण आहे का इथे......

कवितानागेश's picture

21 Aug 2012 - 2:26 pm | कवितानागेश

काहीतरी कळतंय खरे.. :)

हे पादाकुलक वृत्त आहें कीं कांय???? १६ मात्रा हैत म्हणून विचारलं.