कोचिंग क्लासेस कोचिंग क्लासेस -१ आयज आमी आमच्या घरांनी किदें किदें आसतां ते पळोवया. सुरुवात करतां रांधय कुडीतल्यान. रांधय कुड म्हणजे किदें? तुमचें किचन मरे तें! आमच्या रांधय कुडीत आता गॅस आसतां, पुण पयली मातयेची चूल असताली. मसालो वाटपाक आता मिक्सर आसतां, पयली फातर असतालो. त्या फातराचेर वाटप म्हणजे बरें मेहनतीचें काम. आपसोच व्यायाम झालो. आदोळी सामकी गरजेची. भाजी बी शिनपाक आदोळी जायच. तुमी ताका विळी म्हणटात. ता़जेर नाल्लाची सोय काढपाक मेळतां. तुमकां जर सकल बसपाक जायना, जाल्यार सुरी आसाच. पुण माका मात आदोळीच आवडतां. चपाती लाटपाक लाटफळी आणि लाटणी जाय. हरतर्‍हेचें टोप आणि दवलें गरजेचें. टोप म्हणजे तुमचो जिरेटोप न्हय. पातेले. आणि दवले म्हणजे डाव, मोठे चमचे. चमच्याक पोर्तुगीज शब्द आसा कुल्लेर. आपल्या एका गोंयकार शेजान्नीन "कुल्ल्यार जाय वे" अशें म्हणून आपणाक गुवळ हाडिल्ली अशें कोण एकली माका सांगताली. तवो जायच. बाकी पेले, ताटां वाट्यो ही सगळीं आयदाणां जेवपाक जाय. आयदाणां म्हणजे तुमची भांडी. सगळे काम किदें हांवेच करपाचें? माका एक वावराडी जाय. वावराडी म्हणजे मोलकरीण. तशें तुमी ज्या मनशाक "गडी" म्हणटात, ताका आमी "मानाय" म्हणटांत. आयज जेवणान किदें आसां काय म्हणटां? शीत कढी आणि भाजलले नुस्तें. म्हजीं भुरगीं आयज पोटभरून जेवतलीं आणि सुशेगाद न्हिदतलीं. हांव सदाच शिवराक जेवतां मरे! शिवराक म्हणजे किदें काय म्हणटां? शिवराक म्हणजे शाकाहारी. शाखाहारी सुद्धा म्हटल्यार जातां! माका हांवे दाळीचो रोस केला आणि नीरपणसाच्यो फोडी. हांवय जेवून येतां तोमेरेन तुमी ह्ये सगळे वाचात आणि काय कळना ते विचारात! आणि थोडे शब्द दितां सासवां = मोहरी नुस्तें = मासे बिकणां = शेंगदाणे तीखी = दालचिनी बिबे = ओले काजूगर सोय = खोबरे मिरसांगा = मिरच्या कोथमिर्यो = धणे पिठो = पिठी, पावडर तोरां = कैर्याा घोटां = रायवळ आंबे शीत = भात दाळ = डाळ उदक = पाणी सोरो = दारू आंबटाण = चिंच सोलां = आमसुले चिटकी = गवार दुधी = भोपळा तिसर्योय = शिंपले सुंगटां = कोलंबी इसवण = सुरमई तातयां = अंडी कोंबो = कोंबडा फातर = दगड, पाटा एकदम सगळें शिकयल्यार तुमकां जिरचें ना. जाल्यार आयज इतलेच पुरो. मागीर येता त्या आयतारां तुमची परीक्षा घेतां आणि फुडलो धडो दितां. जे कळनां ते प्रीतमोहर बाईक विचारात. ते हाली पुण्याक वचून मात्शे हुच्चभ्रू जालां म्हणून हो धडों ताज्या जाग्यार हांवे बरयलां. आता तुमच्या प्रश्नांक उत्तरां ते दितलें. देव बरें करू! (एकदम सगळं शिकवलं तर तुम्हाला पचणार नाही. म्हणून आज एवढंच पुरे. मग येत्या रविवारी तुमची परीक्षा घेते आणि पुढचा धडा देते. जे कळत नाही ते प्रीतमोहर बाईना विचारा. त्या हल्ली पुण्याला जाऊन जरा हुच्चभ्रू झाल्या आहेत म्हणून हा धडा त्यांच्या ऐवजी मी लिहिला. आता तुमच्या प्रश्नाना उत्तरं त्या देतील. राम राम!)