युगलगीत : अलवार गुपित उमगले प्रितीचे

पाषाणभेद's picture
पाषाणभेद in जे न देखे रवी...
23 Jun 2010 - 8:54 am

युगलगीत : अलवार गुपित उमगले प्रितीचे

ती :
अलवार गुपित उमगले प्रितीचे
माझ्या मनी आज मोर नाचे ||धृ||

ती :
हळूच आज सांज फुलली
नभानेही लाली ल्याली
लकेर घेवूनी सुरांची सुस्वर
ताला सुरांचे गीत मी गातसे ||१||

दोघे : अलवार गुपित उमगले प्रितीचे....

तो :
दुरवर बघ त्या डोंगर रांगी
खुणावीतसे तो रंगीत पक्षी
बोलावी का तुला मला तो
समजेल का कधी बोल त्याचे ||२||

दोघे : अलवार गुपित उमगले प्रितीचे....

ती :
लहरून वारा मंद धुंदला
अस्सा झोंबला अस्सा कुंदला
लगडून जायी सार्‍या शरीरा
सावरून घेई मला तुच आता जवळ ये ||३||

दोघे :
अलवार गुपित उमगले प्रितीचे
माझ्या मनी आज मोर नाचे ||धृ||

- पाषाणभेद (दगडफोड्या)
२३/०६/२०१०

शृंगारप्रेमकाव्यकविता

प्रतिक्रिया

निरन्जन वहालेकर's picture

23 Jun 2010 - 11:00 am | निरन्जन वहालेकर

वा ! क्या बात हैं, पाषाणभेद साहेब ! एकदम मस्त गाणे !

स्मिता_१३'s picture

23 Jun 2010 - 2:31 pm | स्मिता_१३

छान कविता.

ते उगाच "तान, स्वर, आ आ आ" काढा बुआ. (पटले तर :-) ) अजुन छान वाटेल कविता !

स्मिता

मीनल's picture

23 Jun 2010 - 5:34 pm | मीनल

भावना शब्दात बसल्या आहेत असे वाटते .
पण ते "तान, स्वर, आ आ आ" काढा बुआ. (पटले तर )"
:)

मीनल.
http://myurmee.blogspot.com/

शुचि's picture

23 Jun 2010 - 6:09 pm | शुचि

खूपच सुंदर

सवतचि भासे मला| दूती नसे ही माला||
नच एकांती सोडी नाथा| भेटू न दे हृदयाला||