फुंकिले मी प्राण माझे...

Primary tabs

सत्यजित...'s picture
सत्यजित... in जे न देखे रवी...
25 Jul 2017 - 1:15 am

फुंकिले मी प्राण माझे,बासुरीचा सूर झाले
गायचे तू टाळलेले..गीत मग मशहूर झाले!

हे बरे झाले खरे तर..मी तुला मंजूर नव्हते
जाहले नाही तुझी पण,या जगा मंजूर झाले!

चालले होते कुठे मी? मज कुठे रस्ते कळाले?
पाय जेथे थांबले ते,गाव ही निष्ठूर झाले!

सांगतो आहेस आता,खूण माझ्या आठवांची
पास मी होते तुझ्या तर,कोण होते दूर झाले!

काजवे घेवून हाती,शोध माझ्या सावल्या तू
घेवुनी हाती उन्हे मी,चांदण्याचा धूर झाले!

जीवना बघ..मी तुझाही,साजरा मधुमास केला
तू विखारी दंश करता,अमृताचा पूर झाले!

—सत्यजित

gajhalgazalमराठी गझलकवितागझल

प्रतिक्रिया

फुत्कार's picture

26 Jul 2017 - 6:36 pm | फुत्कार

-/\- :)

सत्यजित...'s picture

26 Jul 2017 - 10:45 pm | सत्यजित...

__/\__

शार्दुल_हातोळकर's picture

28 Jul 2017 - 11:58 pm | शार्दुल_हातोळकर

पाय जेथे थांबले ते,गाव ही निष्ठूर झाले!

सुंदर !!