नवे रोज धागे नवा पेच आहे
जगायास कारण ईतकेच आहे!
कुणी एकटा जात नाही प्रवासा
कुणी चालताना कुणा ठेच आहे!
कुणी आरसा काल देवून गेले
मला भेटतो मी नव्यानेच आहे!
कुण्या वर्तुळाच्या कडेने फिरावे
उभे विश्व सारे फुकाचेच आहे!
नको फार त्रागा करु तू उन्हाचा
सखी सावली या उन्हानेच आहे!
—सत्यजित
प्रतिक्रिया
9 May 2017 - 10:08 am | चांदणे संदीप
हेच आवडया!
Sandy
9 May 2017 - 7:45 pm | संदीप-लेले
कुण्या वर्तुळाच्या कडेने फिरावे
उभे विश्व सारे फुकाचेच आहे!
व्वा !
10 May 2017 - 9:05 am | सत्यजित...
संदीप,फुत्कार धन्यवाद!
17 May 2017 - 3:38 pm | अनिंदिता
अप्रतिम !!! कविता आवडली.
17 May 2017 - 3:40 pm | सानझरी
नको फार त्रागा करु तू उन्हाचा
सखी सावली या उन्हानेच आहे!
वाह्.. अप्रतिम लिहीलंय..
25 May 2017 - 2:45 am | सत्यजित...
अनिंदीता,सानझरी मनःपूर्वक धन्यवाद!
26 May 2017 - 10:49 am | एस
सुंदर!