घोर हा घनघोर आहे!

Primary tabs

सत्यजित...'s picture
सत्यजित... in जे न देखे रवी...
21 Apr 2017 - 5:31 am

चोर तर आहेच वर शिरजोर आहे
काळजाचा घोर हा घनघोर आहे!

जाळतो आहे जिवाला रोज थोडे
पावसाचा जोर हा कमजोर आहे!

तू नको जावूस माझ्या शांततेवर
वेदने,मी वादळाचा पोर आहे!

ऐन दुःखाचा पसारा मांडला मी
वाह् वा झाली,म्हणाले..जोर आहे!

जिंदगी एकाच दुःखावर उधळली
मी हिशोबी,फार काटेकोर आहे!

वाचण्याआधीच हे लक्षात घे तू
मी कुणी नाही कवी,चितचोर आहे!

—सत्यजित

कवितागझलgajhalgazalमराठी गझल

प्रतिक्रिया

मोनाली's picture

21 Apr 2017 - 1:40 pm | मोनाली

व्वा!
मस्त.

सत्यजित...'s picture

23 Apr 2017 - 12:20 am | सत्यजित...

धन्यवाद!