असावा शेजा-याचा आंग्ल पेपर । वाचावा तोचि न खर्चिता स्वधन ॥
पेपरसंगे ग्राह्य दूध वाटि एक । साखरेजोडि तेहि मागावे ॥
संगणक अभियंता होशिल तू । विठुमाझा करिल चमत्कार ॥
फक्त परीक्षेअंती निकाल । केटि न लागु द्यावी ॥
महाविद्यालये टि-शर्ट आणि जीन्स । जेतुके फाटके तेतुके स्टायलिश ॥
ओळखावे कन्यकांचे जमाव । पाहावे प्रत्येकीस सांगोपांग ॥
किकेटी असावी भल्यांची भरती । करावे कसे बुकी-फिक्सिंगचे उच्चाटन? ॥
किंतु तयांच्याच चरणी मिळे धन । ऑस्ट्रेलिया मागे मीही लावतो ॥
स्टेशनी होता बळाबळी । करावी सुंदोपसुन्दी जरूर ॥
किंतु दिसता पोलिस अस्वस्थ । व्हावे मूक मार्गस्थ, विन्या म्हणे ॥
जे का रंजले गांजले । त्यांसी म्हणे जो आपले ॥
तोचि राजकारणी ओळखावा । मतदान उपरांति विसरावा ॥
लहानपण देगा देवा । हाति लॉलिपॉपच हवा ॥
चिप्स, चॉकोलेट अन कार्टून्स । जीव सत्कारणी रमावा ॥
व्हावा सख्यासोबतींचा संग । सोमरस सुषवी मिळे ब्रह्मानंद ॥
ऎकावे विन्याचे अभंग । आनंदाचे डोही आनंद तरंग ॥
साक्षात्कार - विन्याबुवा
प्रतिक्रिया
28 May 2015 - 11:40 am | प्रसाद गोडबोले
युद्ध माझा राम करणार | समर्थ दत्तगुरु मूळ आधार |
मी वानरसैनिक साचार |रावण मरणार निश्चित ||
|| इति अनिरुद्ध महावाक्यम् ||
29 May 2015 - 9:43 am | प्रचेतस
रामायणात दत्तगुरु कुठून आले?
1 Jun 2015 - 8:07 pm | कॅप्टन जॅक स्पॅरो
दत्तगुरु हे ब्रम्हा विष्णु महेश ह्या मुळदेवतांचं प्रतिक नव्हेत काय? त्यामुळे सगळ्याला आधार तेचं.
29 May 2015 - 11:31 am | बबन ताम्बे
आवडले अभंग .
29 May 2015 - 12:24 pm | विनीत संखे
धन्यवाद बबनराव
29 May 2015 - 12:33 pm | अत्रुप्त आत्मा
@ लहानपण देगा देवा । हाति लॉलिपॉपच हवा ॥
चिप्स, चॉकोलेट अन कार्टून्स । जीव सत्कारणी रमावा ॥>> :-D ए वन! :-D
29 May 2015 - 12:45 pm | गणेशा
छान लिहिले आहे..
प्रत्येक ओळीत ८ अक्षरे असती तर आनखिनच मज्जा आली असती..
बाकी खुप वर्षांनी तुम्ही लिहिलेले वाचले.. छान वाटले
29 May 2015 - 1:10 pm | विनीत संखे
धन्यवाद गणेशा ... हो खुप वर्षांनी लिहिलंय... अजून एक नविन लेख लिहिलाय .... http://www.misalpav.com/node/31426
1 Jun 2015 - 7:55 pm | विवेकपटाईत
संध्याकाळी घ्यावा पेग l विस्की, वोडका आणिक रम l
मग ऎकावे विन्याचे अभंग । आनंदाचे डोही आनंद तरंग ॥
मस्त आवडले
1 Jun 2015 - 8:27 pm | पथिक
मस्तच!
1 Jun 2015 - 8:29 pm | पथिक
एकदम भारी! =)
1 Jun 2015 - 9:16 pm | सभ्य माणुस
अतिशय छान अभंगवाणी.