भविष्य (शतशब्दकथा)

''गेली साडेचार वर्षं तुम्ही आमच्या वाहिनीवर साप्ताहिक भविष्य सांगितलेत.
अत्यंत लोकप्रिय कार्यक्रम होता- टीआरपी पण मस्तच !
पण म्हणतात ना , प्रत्येक गोष्टीला शेवट असतोच.
आता जरा चेंज पाहिजे असं ग्रोवरसाहेब. . आय मीन लोकं म्हणतायत.''

''पण एव्हढं वर्षं पूर्ण झालं असतं तर . . . ''

''कसं आहे काका, मला पण असंच वाटतं, पण माझ्या हातात नाही हो ते!
म्हणाल तर त्रिवेदीला सांगून आमच्याच समूहात हिंदी च्यानलवर प्रयत्न करूयात.''

''नको. . . हिंदीत नको. ''

''मग वास्तुशास्त्र, अंकशास्त्र असं काही कराल ?''

''छेछे , भलतंच काय?''

''ठीकाय तुमची इच्छा! परत कधी लागलं तर कळवतोच.''

मोठ्या कष्टाने गोपाळराव घरी निघाले.
आपल्याच कार्यक्रमाचं प्रारब्ध कसं नाही कळालं हा एकच विचार त्याना सतावत होता.

(शतशब्दकथा)