झेंडूच्या उफाड्यावर
दिवसभर,
निलाजरी पुंडाई
करणारा उनाड चतुर.
नाईलाजाच्या वाटेने घरी येतो.
तसा मी येतो तिनसांजेला.
तेव्हा...
तुझ्या ओंजळीतली गुलबाक्षी
चिंबून गेली असते.
बावळट...
*****
अशीतशी इथे तिथे
वाट बघू नको माझी.
का? का? का?..
तुझ्या सात्वीक ओठाची
गुलबाक्षी थरथर.
(मी वसूल करतो माझी भ्रष्ट निराशा)
का? काय बावळट..
का?..का? का? का?..
कारण..
का? का?..
कावळ्याची
असते नजर -गस्त
पिकत्या पपईवर.
प्रतिक्रिया
16 Oct 2008 - 4:41 am | बेसनलाडू
भारीच रामदास भौ!
(चतुर)बेसनलाडू
16 Oct 2008 - 3:28 pm | अनिरुद्धशेटे
याचा अर्थ काय ?
कावळ्याची
असते नजर -गस्त
पिकत्या पपईवर.
अनिरुद्ध
16 Oct 2008 - 3:33 pm | अवलिया
अंमळ लहान आहात.
कळेल पुढे कावळे झाल्यावर किंवा ...........
16 Oct 2008 - 3:42 pm | जैनाचं कार्ट (not verified)
=))
जैनाचं कार्ट
शुभ कर्मन ते कबहूं न डरो....!
आमचा ब्लॉग
16 Oct 2008 - 4:22 pm | लिखाळ
झेंडुच्या उफाड्यावर आणि निलाजरी पुंडाई हे शब्द फारच आवडले..
भारी कविता !
--लिखाळ.
16 Oct 2008 - 5:03 pm | विनायक प्रभू
http://vipravani.wordpress.com/
३० व्या वर्शी तर धुमकुळ घातला असेल ह्या बाबाने.
16 Oct 2008 - 5:09 pm | नीधप
अरे वा. आवडली कविता.
- नी
http://saaneedhapa.googlepages.com/home
16 Oct 2008 - 5:23 pm | स्पृहा
३० व्या वर्शी तर धुमकुळ घातला असेल ह्या बाबाने.
=)) =)) =))
16 Oct 2008 - 6:04 pm | विजुभाऊ
रुदादे मुहोब्बत क्या कहिये
कुछ याद रहा कूछ भूल गये
17 Oct 2008 - 2:19 pm | अरुण मनोहर
तुझ्या ओंजळीतली गुलबाक्षी
चिंबून गेली असते.
17 Oct 2008 - 3:23 pm | विसोबा खेचर
वा! अतिशय सुंदर काव्य...!
तात्या.