भगीरथ अभियंता होता ?? एक विचार

काय माहिती नाही हो पण अस म्हणतात की कौरव हे टेस्ट ट्युब बेबीच पहिल उदाहरण .
आपल्या महाकाव्य लेखकांची भरारी इतकी उत्तुन्ग होती की ते त्यांच्या त्या वेळच्या शास्त्रीय भाषेत हे सर्व लिहित होते आणी आजची शास्त्रीय भाषा आन्ग्लौत्पन्न आहे, म्हणुन आपण त्या सर्व प्रकाराला भाकड कथा मानतो, देव जाणे.

पण एक सांगा अस एका दरीत जर गंगा उत्त्पन्न झाली असेल तर आज जो आपण पहातो तो उगम असा शंकराच्या जटेच्या आकाराच्या दगडातुन कसा बाहेर पडतो, अन या तुम्ही वर्णीलेल्या कादम्बरीतील गुहांचे ठाव ठीकाण सुद्धा असायला हवे नाही का?
काही अधिक उण असेल तर क्षमस्व!!

कठोर प्रयत्नासाठी भगीरथाचे नाव दिले जाते. भगीरथाच्या काही आणखी कथा इथेही वाचायला मिळतील.

>>>>भगीरथ ही रविंद्र भट लिखीत कादंबरी वाचली
कादंबरीचीही जमेल तेव्हा ओळख करुन द्या.....!

-दिलीप बिरुटे

आधुनिक इतिहासकारांच्या मते आर्य भारतात आलेच नव्हते. हिंदू हे आर्यांपासून झाले हा विचारही चुकीचा आहे. आर्य म्हणजे नवर्‍याचे संबोधन होते. जसे 'अहो' च्या ऐवजी आर्य. महाभारतातही पर्यायाने गीतेतही आर्य हा शब्द याच अर्थाने आलेला आहे. जाणकारांना भाष्य करावे.
बाकी भगीरथ अभियंत्याच्या जातकुळीचा असावा हे मान्य

सदरच्या लेखात उल्लेखलेली बाब हि तात्विक दृष्ट्या मनाला पटणारी आहे... ह्यालाच धरून अजून एक गोष्ट इथे नमूद करावीशी वाटते.. वाचकांना हे विषयांतर वाटेल पण तरीही नमूद कारावास वाटत... नुकतच इरावती कार्वेंचा युगांत पुस्तक वाचनात आलं... त्यांनी ह्या पुस्तकात महाभारतातील व्यक्तिरेखांचे खूप छान शास्त्रीय दृष्ट्या विवेचन केलेलं आढळत.. ह्या विवेचनावरून माझ्या वैयक्तित महाभारताविषयी असणार्या कल्पनांना तडा गेला व नवीन विचार, नवीन दृष्टी मिळाली महाभारताकडे पाहण्याची.. येथे लेखकाने जो मुद्दा मांडला आहे तो तात्विक दृष्ट्या पटण्यासारखा आहे अस माझं वैयक्तित मत आहे.....

गंगा ही या विशिष्ट मार्गाने गेली फक्त काही हजार वर्ष वाहाते आहे, असा त्याचा अर्थ होईल. त्याला दुजोरा देणारा भूगर्भशास्त्रीय पुरावा काही आहे का? अन्यथा ही कवीकल्पना राहील.
दुसरी शक्यता अशी आहे की भगीरथाने जर एखाद्या नदीचं पाणी वळवून त्याच्या गावाकडे आणलं असेल तर त्या पाण्याला लोकांनी 'गंगाच जणू' असं म्हटलं असेल.
शेकडो मैल दूर, हिमशिखरांत जाऊन एखाद्या नदीचा ओघ बदलणे हे त्या काळच्या संसाधनांच्या, तंत्रज्ञानाच्या आणि विचारशक्तीच्या दृष्टीने अशक्यप्राय वाटतं. साठ हजार माणसं कित्येक पिढ्या या कामाला लावायच्या - केवळ पाणी मिळवण्यासाठी - मग त्या काळात त्यांच्या शेतांचं काय? वगैरे प्रश्न उभे राहातात.

रविंद्र भटांची ही कादंबरी वाचली आहे, मला ही कल्पना वाचायला फार आवडली होती. भगीरथ प्रयत्न ह्या वाकप्रचार अश्या प्रयत्नाला समर्पक वाटतो (खरे असेल वा खोटे, तप वगैरे करुन आणण्यापेक्षा केव्हाही वरचढ, तेव्हा काय सगळेच तप करायचे ;-) )

यावरुन एक आठवणः रविंद्र भट सज्जनगडावर जाउन लिखाण करत असत, एकदा आजोळावरुन असेच बसने येत असताना सातार्‍यात एक छानश्या आजी शेजारी येउन बसल्या, मी भयंकर बडबड्या असल्याने गप्पा टप्पा सुरु झाल्या. आमची मस्तच गट्टी जमली. मग त्यांनीच मी रविंद्र भटांची पत्नी, ते इथे सज्जनगडावर आहेत वगैरे सांगितले. त्यावेळी (फारसे वाचन नसले, तरी थोडेफार होते) रविंद्र भटांचे एकही पुस्तक वाचलेले नाही म्हणुन स्वतःची लाज वाटली होती.(मग घरी पोहोचल्यावर दुसर्‍याच दिवशी भगीरथ घेतली होती) योगायोगाने पुण्यात त्या आमच्या घराजवळच रहात होत्या. स्वारगेटाहुन आम्ही एकाच रिक्षेत बसुन गेलो. मी तुझी आजीच की म्हणुन त्यांनी माझ्याकडुन रिक्षेचे पैसेही घेतले नाही. कसं कुणाशी नातं जुळेल...

उप्रोल्लेखित पुस्तक वाचलेलं नसल्याकारणाने त्यावर भाष्य करु शकत नाही. पण जुन्या काळामध्ये खूप विकसित अशी संस्कॄती अस्तित्वात होती या गॄहीतकामुळे असे विचार निपजत असावेत. हिंदू जनजागॄती समितीची वेबसाईट पाहिली तर तिथेही अनेक पुरातन धार्मिक गोष्टी करण्यामागे काय शास्त्रीय कारण आहे किंवा आमचे पूर्वज वैज्ञानिक दॄष्ट्या किती पुढारलेले होते ( जसे हनुमान विमानाने लंकेला गेला, ब्रम्हास्त्र म्हणजेच अणुबॉम्ब होय, किंवा परशुरामाने बाणांनी भूमी मागे हटवली म्हणजे रेक्लमेशन केलं इत्यादी, बायकांनी कुंकू लावण्यामागे अमुक तमुक शास्त्रीय कारण आहे इत्यादी) हे ओढूनताणून सांगण्याचा प्रयत्न केलेला असतो. बर्‍याचदा सुशिक्षित माणसांच्या बाबतीत असं होतं की विज्ञानाने केलेली प्रगती ढळढळीतपणे समोर दिसत असते आणि त्यामुळे त्यातून आलेले निष्कर्ष मान्य करावेच लागतात. पण त्याचबरोबर सनातनी मन मात्र कुठेतरी स्वतःच्या पुरातन संस्कॄतीबद्दलचे अभिमान आणि धार्मिक संस्कार यांच्यात अडकलेले असते. मग लॉजिकली न पटणार्‍या, पुराव्याने शाबीत न होउ शकणार्‍या धार्मिक रुढी (ज्याला अडगळ म्हणता येईल ), परंपरा किंवा पौराणिक कथा यांना वैज्ञानिक अ‍ॅप्रॉक्सिमेशन चा मुलामा दिला जातो. हे सगळे रंगीत कागदात दगड बांधून भेटवस्तू म्हणून दिल्यासारखे वाटते.

कोणत्याही गोष्टीसाठी कठोर परिश्रम करण्याला भगिरथ परिश्रम अशी मराठीत म्हणतात हे आपल्याला माहित आहेच.त्यामागे भगिरथाचा सो-कॉल्ड गंगा पृथ्वीवर आणायचा प्रयत्न आहे असे वाटते.

समजा भगिरथ अभियंता असला जरी तरी त्याचा सध्याच्या काळात नक्की काय फरक पडणार आहे?कारण का कोणास ठाऊक, भगिरथ अभियंता होता हे रामाकडे पुष्पक विमान होते, शंकराची पिंडी म्हणजे न्युक्लिअर रिऍक्टर वगैरे कुटुंबातील वाक्य वाटत आहे. अहो सध्याच्या काळातील अभियंत्यांचे कौशल्य बघायचे असेल तर लवकरच चीन तिबेटमध्ये मोठी धरणे बांधून ३८,००० मेगॅवॉट क्षमतेचे वीजनिर्मिती प्रकल्प बांधणार आहे तेच बघावे. तिबेटसारख्या दुर्गम प्रदेशात अशी धरणे बांधून असे अवाढव्य प्रकल्प उभे करणे म्हणजे खायची गोष्ट नक्कीच नव्हे. अशा प्रकल्पांनाही तोंडात मारेल असे काहीतरी भव्यदिव्य आपण आपल्या देशात उभे करून दाखवू असे आपल्याला कधीच वाटत नाही. आपला इंटरेस्ट फक्त पुराणातील वांगी उगाळण्यात.

असे का?

क्लिंटन

भगीरथ इंजीनियर ?
अहो काहीतरीच काय हो?
अहो भगीरथ इंजीनियर मग उद्या म्हणाल रावण गब्बरसिंग होता? :)