तू लिहिलेस नि मला सुचून गेले. ..!!

[एका मित्राला सहज म्हणून डॉलरचा हिशेब पैशात सांगितला नि एका डॉलरमध्ये
कमीत कमीत ३ किलो कांदे आले असते असे म्हणालो .नि येथे फक्त ३ कांदे आले.
त्यावरून त्याने गमतीशीर पत्र लिहिले .त्यावरून खालील सुचले ]

ह्या डॉलरच्या देशात रुपया चालत नाय
आनंद घ्यायला पैसा लागत नाय . .
मी एकडे तिकडे बघत चालतो
पोरगाच खिशातून कार्ड काढतो
काय करतो..? किती देतो..? मी बघत नाय
ह्या डॉलरच्या देशात रुपया चालत नाय
आनंद घ्यायला पैसा लागत नाय ...!!.

आभाळाचा रंग निळा
तेवढाच मी बघत बसतो
पिवळा पिवळा एक पक्षी
छान गाणे गात असतो
काय गातो कसा गातो मी बघत नाय
खिसा भरलेला त्याला रुपया चालत नाय
आनंद घ्यायला पैसा लागत नाय ....!!

रस्त्यावरून एकटाच चालतो
रस्ता अगदी शांत असतो
कोणीतरी अनोळखी सहज मोर्निग करतो
आपण पण तेच करतो
आपल्याला दुसरे येते काय ..?
खिसा भरलेला त्याला रुपया चालत नाय
आनंद घ्यायला पैसा लागत नाय .....!!

तू लिहिलेस नि मला सुचून गेले
मन गाणे गाऊन गेले
लिहायला फक्त थोडा त्रास
वाचता वाचता होतील भास
वाचायला तुला त्रास काय ...?
खिसा भरलेला नि ह्यालाबी पैसा चालत नाय
आनंद घ्यायला पैसा लागत नाय .....!!