(पोट मागते ते - चरण्या अजून काही...)

प्रेरणा: मयुरेश साने यांची शब्द मागती ते - लिहिण्या अजून शाई... ही सुंदर गझल.

तोडून बंध कटीचा - केली जरी जागा ही
हळूच निघून गेला - तरी शब्द दर्पवाही

तोडून नळीबिळीला - मी मगज तो खाई
पुन्हा कसे मिळेना - मागतो ज्याला त्यालाही

चाटून ही ताटाला - आले न पोटी काही
भूक अजून मजला - देतो हीच ग्वाही

सांगून ही कितीदा - धुतले न हात माझे
आतून भांड्यांचा ही - कितीदा आवाज होई

उठवून ही मला - मी उठलो कधीच नाही
पाच भाकर्‍या अन - वडे पाच खाई

लाजून ही स्वतःला - उरले काहीच नाही
पोट मागते ते - चरण्या अजून काही

टाळून ही मला तू - मी टळलोच नाही
जरी जातो मी आता - पाहुणा उद्याचा ही