वाचलेली पुस्तकं आणि त्यावरची माझी मतं....कोसला!...

बाब्बौ!!!

'बाब्बौ'शी सहमत

मी म्हणते..असतील नेमाडे कुणी लय भारी लेखक... म्हणून त्यांचे सगळे लेखन भारी असेल असा नियम आहे का?

मलाही वाटत नाही असा काही नियम असावा.

मी वाचक आहे..आणि मला जे लिखाण भिकार वाटले त्याला भिकार म्हणायचे मला पूर्ण स्वातंत्र्य आहे मग कुणी का लिहीना!

सहमत.

छानंय डायरीचं पान :)

आता 'प्रयोजन का?' म्हणुन विचारणारे कुठे आहेत?

माझ्यावेळी सर्वांना बोलावस वाटत.

आज भालचंद्र नेमाडे नावाच्या कोणातरी लेखकाचे ’कोसला’ वाचून पूर्ण केले. तशी सुरवात कालच केली होती, काल बरं वाटलं पण आज पूर्ण केल्यावर ’अतिशय फुटकळ’ या सदरात मी त्याची गणना केली.

परखड आणि स्पष्ट मत बघुन अमंळ भावुक झालो.

स्वतंत्र बुद्धीने वेगळ्या धाटणीचा विचार करणे ही एक अतिशय चांगली गोष्ट आहे जी तुम्ही करता असं वाटतंय. जे रुढ आहे ते योग्य असेलच असे नाही आणि जे योग्य आहे ते रुढ नाहीच असेही मानण्याचे कारण नाही.

सगळी अतिबुद्धीमान माणसं थोडीशी वेडसर असतात असं म्हणतात.मी अभ्यासात नंबर वन नसले तरी चांगली आहे,
तुम्ही खरोखर खूप बुद्धिमान आहात असं तुम्हाला प्रामाणिकपणे वाटत असेल तर तसं सरळ लिहा. कोणी तुम्हाला आडकाठी करणार नाही. असे नथीतून तीर मारण्याचे कारण कळले नाही.

चार माणसं जमली की ती या खोलीत तर मी माझ्या पुस्तकासकट दुस-या खोलीत..हे कायम घडतं.
तर्‍हेवाईकपणा.

जोपर्यंत तुम्ही स्वत: बद्दल कायम वेडेपणाचा संशय घेत राहात नाही तोपर्यंत सबकुछ ओके !
सीमारेषा वगैरे झूठ.
आणि नेमाडे भिकार लेखक आहेत/भिकार लिहीतात याबद्दल सहमत!

त्यामुळे मला त्यांच्या पुस्तकाबद्दल/लिखाणाबद्दल मतप्रदर्शन करता येणार नाही. आमचा पास! :)

(दुबळा वाचक)चतुरंग

(नेमाडपंथी देवळाबाहेर फुटाणे विकणारा ) अडगळ

व.पु. आणि अवचट ( नक्की कोणते अनिल की सुभाष?) एकाच ओळीत, एकाच कप्प्यात टाकून तुम्ही तुमच्या अमाप विद्वत्तेची साक्षच दिलीत की.
सॉलिड परखड मतं हो...

कोसला मला खूप आवडलेले नाही पण ते आलं तेव्हाचा काळ बघता कोसला महत्वाचं, माईलस्टोन म्हणावं असं पुस्तक आहे याबद्दल मला शंका नाही. नेमाड्यांचं बाकीचं थोडंसंच वाचलंय आणि नक्कीच आदर आहे. आणि काही झालं तरी समृद्ध अडगळ वाचणारच आहे.

त्यातलं मुख्य पात्र जसं भंकस विचार करून वेळ घालवतं तसंच आपणपण ब-याच वेळेला करतो असं मात्र माझ्या लक्षात आलं. म्हणजे पुस्तक वाचल्यावर मला तो माणूस...म्हणजे कथानायक भंकस आणि थोडा सायकिक वाटला.

ह्या दोन ओळींचा अर्थ समजला आणि पुढचे वाचणे बंद केले.

कित्ती कित्ती बरं वाटतंय म्हणून सांगु ? मला थेंबभर, कणभर, नखाएवढीही न आवडलेली कादंबरी म्हणजे "कोसला"... मी वारंवार त्यावर मतप्रदर्शन केलंच आहे.. इथे रिपीट करतो. माझ्यामते कोसला म्हणजे "ढकोसला".. नुस्ती हुल आहे.

कलावंत आणि संशोधक यांच्यात संशोधक जास्त सुखी कारण त्याचं म्हणणं जर आपल्याला कळलं नाही तर लोक आपली बुद्धी कमी आहे म्हणून गप्प बसतात्,पण कलावंताच अस नाही जर त्याची एखादी गोष्ट जर आपल्याला कळाली नाही तर आपण लोक त्याला भिकार ठरवून मोकळे होतात असं व्यंकटेश माडगुळकर म्हणतात.

(कोसलाप्रेमी)जिप्सी

पुस्तकाचे पैसे वाचले...हॅहॅहॅ

कोसला मला आवडली असली तरी तुमच्या भावना मी समजु शकतो. मला जी.ए. फारसे आवडत नाहीत म्हटल्यावर मंडळी अशीच धावून येतात ;)

बाकी माझ्या स्वाक्षरीत खास पुस्तकप्रेमींसाठी असलेल्या साईटची युआरएल आहे. तिथेही तुमच्या विविध पुस्तकांच्या मताबद्दल वाचायला आवडेल

लै लै ऐकुन उदाहरणार्थ फार थोर वगैरे म्हणुन पदरमोड करुन घेतलं होतं पुस्तक.
वाचुन संपल्यावर आम्ही स्वतःलाच 'कोसला'. काही काही उतारे चांगले आहेत,पण टोट्टलमध्ये आपल्याला सालं भंकस वाटलं.

आनंद झाला, सोबत आणखी कोणी आहे हे पाहुन.

माझाही पास! :)

मी नेमाड्यांचं कुठलंच लेखन वाचलेलं नाही, आणि बहुधा नेमाड्यांनीही माझं कुठलंच लेखन वाचलेलं नाही! :)

आपल्या वासरीचं पान बाकी आवडलं.. अजूनही येऊ द्यात अशीच काही पानं..

तात्या.

कोसलाच्या सुरुवातीला अर्पणपत्रिकेतच नेमाडे म्हणतात, शंभरातील नव्याण्णवास !. त्यातलेच आम्ही त्यामुळे आम्हाला आवडलं. बाकी अपवादातले एवढे सगळे एकदम भेटल्याचा आनंद झाला.

अवांतर :- माझी आई मी लहान असताना मला नेहमी सांगायची की,कुठलाही पदार्थ आवडला नाही म्हणून अजिबात खायचा नाही किंवा त्याला वाईट म्हणायचं असं करायचं नाही.

(कोसला हौसेन विकत घेतलेला आणि पारायणप्रेमी)जिप्सी

खरे सांगायचे तर "कोसला" मलाही फार लै भारी आहे असे नाही वाटले.
( इनफॅक्ट त्या तुलनेत ( जी मी कधीच करत नाही ) "बाकी शुन्य" जरा उजवे वाटले ).

अर्थात नेमाड्यांची इतर पुस्तके चांगली असली तर हे 'कोसला' मी 'बरे आहे' असेच म्हणेन.
पुस्तकातला काही काही भाग, काही प्रसंग आणि एकुणच भाषाशैली मस्त असली तरी टोटलमध्ये पुस्तक 'ठिक' ह्या कॅटेगिरीत येते.
बाकी कोसलावर लोकांनी एवढे भरभरुन लिहले आहे की ते वाचुन नेमाड्यांनीच डोक्याला हात लावला असेल
( पुस्तकाच्या प्रस्तावनेत / अभिप्रायात ( जो त्यावर छापला आहे ) खुद्द भाईकाकाच म्हणतात "कोसलावर खरे तर कोसलाएवढेच लिहता येईल ..." , असेल बाबा, मला ती कादंबरी एकुणातच ठिक वाटली )

संग्रही असावी का ?
जरुर असावी, जरा हटके भाषाशैली आणि काही खास प्रसंगांसाठी कोसला विकत घ्यायला हरकत नसावी.
बाकी पुस्तकवेडे असाल तर नेमाड्यांची इतर पुस्तकेही वाचु शकता, आवडतीलच आणि झेपतीलच असे नाही, मात्र काही वेगळे नक्कीच वाचायला मिळेल.

बाकी असो.

- छोटा डॉन

वपु मध्यमवर्गीय संकुचित (खरंतर भंपकच) म्हणल्यावर राग बिग येणारी मंङळी इतर लेखकांना का शिव्या घाल्तात काय समजले नाही.

मलाही वपुंचे लेखन आवडत नाही.

वरती ज्या ज्या लेखकांची नावे आली आहेत ती सर्व भंपक आहेत. च्यामायला हाय काय अन नाय काय !

लेखक ही जातच मुळी भंपक आहे.

एक कादंबरी लिहून अमर झालो समजतात .अमर ..च्यायला.. अमर सायकल मार्ट.

कागद स्वस्त आहे म्हणुन साले लिहीतात.
एका तावाची किंमत एक लाख . आता कोण लिहील ?

(आम्ही सारे कोसला - वपु नेमाडे)

कोसला वाचुन हसलो नव्हतो तेवढा हा धागा वाचुन हसत आहे !

नेमाडे झिंदाबाद !

>>> कोसला काही जणांसाठी कुरआन सारखे आहे. त्याविरुद्ध बोलले की अंगावर धाऊन येतात..

बाप रे केवढा हा अतिरेक एखाद्या साहित्य/पुस्तका बद्दल..... :)

[अवांतरः एवढे अतिरेकी विचार असलेल्यांना साहित्यिक अतिरेकी म्हणता येईल का ? अश्या अतिरेंकीना कुठला कलर कोड द्यावा ? ]