निळा प्रवासी

विशाल कुलकर्णी's picture
विशाल कुलकर्णी in जे न देखे रवी...
24 Jun 2017 - 7:16 pm

अजाण पक्षी सुजाण वारा
उन्मुक्तावर स्वच्छन्द पहारा
चुकवून अव्यक्तांच्या नजरा
उनाड पाऊस, अवखळ गारा

काळ्या डोही कातळपाणी
हिरवे असुनी रान अधाशी
वेशीवरती उभा थबकुनी
अवकाशीचा निळा प्रवासी

गंध मातीचा, धरा बहरली
पानोपानी ओजही सजले
डोळ्यांत कुणाच्या नीर निळे
हिरव्या तेजाने डोळे निवले

ये रे, ये रे ... अनंत याचना
जलदांचे अवगुंठन सरले
कोसळू लागल्या रेशिमधारा
धरतीचे मग मी पण सुटले !

© विशाल विजय कुलकर्णी

माझी कविताकविता

प्रतिक्रिया

चांदणे संदीप's picture

25 Jun 2017 - 6:47 am | चांदणे संदीप

कविता आवडली!

मी पण = मीपन??

Sandy

विशाल कुलकर्णी's picture

27 Jun 2017 - 9:38 am | विशाल कुलकर्णी

ते खरेतर 'मी'पण असे होते, मोबाइलमधल्या स्पेलचेक्याने काशी केली बहुदा ;)

पद्मावति's picture

25 Jun 2017 - 2:15 pm | पद्मावति

सुरेख!

विशाल कुलकर्णी's picture

27 Jun 2017 - 9:39 am | विशाल कुलकर्णी

धन्यवाद